أمير الحروف
28 / 08 / 2004, 57 : 10 PM
لعلكم تعرفون وتتذكرون قصيدة " تزعلين وتقعدين " التي كتبها الشاعر الرائع حامد زيد ...
هذه القصيدة حفزت الشاعرة (( المستبدة )) لتكتب هذه المعارضة الجميلة
يا قصيدة بالموده صبحي أبن الحلال = صبحيه وقولي إني ما كتبتك من حنين
هاضني قافٍ قريته يوم مطلاع الهلال = وقال لي شيٍ بنفسي استحي لا تكتبين
ليه ذكرت الخفوق اللي نسى رمي النبال = ليه يا حامد عصرت الجرح وآلمت السنين
ليه جرحٍ كنت أظنه انتهى عمره وزال = يرجع اليوم بعذابه والمواجع والأنين
تذكر الموعد وقولك كلها أربع ليال = وبعدها وإن قاله الله قاسي الوقت بيلين
تذكر الترحيب والتقبيل مع صفر الدلال = من رجالٍ بالكرم والطيب دايم معتلين
يا خفوقي ما دريت إن الهوى صعب المنال = ولا هقيت إن الليالي يمكن تذل وتهين
لين شفت المجلس اللي صار به شبه القتال = يوم قالوا يا جماعة حنا جينا خاطبين
وقتها ما عدت أميز هو حقيقة أو خيال = هوّ شك اللي سمعته من كلامه أو يقين
كيف أجاوبهم إذا واحدهم أشر لي وقال = ويش رايك يالعزيزة الجماعة ناطرين
صرت في نفسي أقول الله يا ملح السؤال = ما دريت إن الهوى يسير في عكس السفين
فرحتي خلتني أنسى ما تبقى من جدال = وأسرح بعالم خيالٍ فيه للفرحة رنين
ما وعيت إلا بكلمة " عمها عنده عيال " = يوم لجت في كياني صحت يا ربي تعين
صرختي وإن لامست في صوتها روس الجبال = الصدى يا ناس والله ما تعدى خافقين
تذكر الدمع بعيوني يوم قفيتوا وسال = ما بقى من عقبكم يا كود جرح ودمعتين
ليه تصنع هالصخب وتثير للشكوى مجال = ليه يا حامد وتطلع مثل شعره من عجين
الغدر " ما هو غريبة فيكم أصناف الرجال " = والوفاء والحب كله فينا جنس الناعمين
كانه المكياج عذرك ... عذرك أوهام وخيال = ما كسا المكياج وجهي حتى يصبح به سجين
ما وردته ماك أطلب واندهك حامد تعال = بس هزتني قصيدة " تزعلين وتقعدين "
أنت قلت أنك بتلقى كثر حبات الرمال = وقلت " أنتي لو بغيتي صعب مثلي تعشقين "
وأنا اقول إني أبلقى ونصف هالعالم رجال = لكن أظفر يابن زيد بعاقلة وذات دين
وسلامتكم .... للشاعرة المستبدة
هذه القصيدة حفزت الشاعرة (( المستبدة )) لتكتب هذه المعارضة الجميلة
يا قصيدة بالموده صبحي أبن الحلال = صبحيه وقولي إني ما كتبتك من حنين
هاضني قافٍ قريته يوم مطلاع الهلال = وقال لي شيٍ بنفسي استحي لا تكتبين
ليه ذكرت الخفوق اللي نسى رمي النبال = ليه يا حامد عصرت الجرح وآلمت السنين
ليه جرحٍ كنت أظنه انتهى عمره وزال = يرجع اليوم بعذابه والمواجع والأنين
تذكر الموعد وقولك كلها أربع ليال = وبعدها وإن قاله الله قاسي الوقت بيلين
تذكر الترحيب والتقبيل مع صفر الدلال = من رجالٍ بالكرم والطيب دايم معتلين
يا خفوقي ما دريت إن الهوى صعب المنال = ولا هقيت إن الليالي يمكن تذل وتهين
لين شفت المجلس اللي صار به شبه القتال = يوم قالوا يا جماعة حنا جينا خاطبين
وقتها ما عدت أميز هو حقيقة أو خيال = هوّ شك اللي سمعته من كلامه أو يقين
كيف أجاوبهم إذا واحدهم أشر لي وقال = ويش رايك يالعزيزة الجماعة ناطرين
صرت في نفسي أقول الله يا ملح السؤال = ما دريت إن الهوى يسير في عكس السفين
فرحتي خلتني أنسى ما تبقى من جدال = وأسرح بعالم خيالٍ فيه للفرحة رنين
ما وعيت إلا بكلمة " عمها عنده عيال " = يوم لجت في كياني صحت يا ربي تعين
صرختي وإن لامست في صوتها روس الجبال = الصدى يا ناس والله ما تعدى خافقين
تذكر الدمع بعيوني يوم قفيتوا وسال = ما بقى من عقبكم يا كود جرح ودمعتين
ليه تصنع هالصخب وتثير للشكوى مجال = ليه يا حامد وتطلع مثل شعره من عجين
الغدر " ما هو غريبة فيكم أصناف الرجال " = والوفاء والحب كله فينا جنس الناعمين
كانه المكياج عذرك ... عذرك أوهام وخيال = ما كسا المكياج وجهي حتى يصبح به سجين
ما وردته ماك أطلب واندهك حامد تعال = بس هزتني قصيدة " تزعلين وتقعدين "
أنت قلت أنك بتلقى كثر حبات الرمال = وقلت " أنتي لو بغيتي صعب مثلي تعشقين "
وأنا اقول إني أبلقى ونصف هالعالم رجال = لكن أظفر يابن زيد بعاقلة وذات دين
وسلامتكم .... للشاعرة المستبدة