ماهي الظاهرة التي تتمنى زوالها من مجتمعك << أرجو التفاعل

[قوت القلوب]

السلامـ عليكمـ ورحمهـ الله وبركاتهـ



اليوم جايبه لكم موضوع بخصوص ظواهر المجتمع التي تتمنون زوالها بنظركم ..

لقد انتشرت في مجتمعاتنا الكثير والكثير من العادات والظواهر

وتكاد كل يوم تظهر لنا ظاهرة جديدة تدعونا إلى الأنضمام لها

.. صغارا كنا أم كبارا ..

وكل واحد\ه فينا بالتأكيد له ولها تعليقات أو ملاحظات على أحد تلك الظواهر

أو يتمنى زوالها ..

أو عدم وجودها أصلا في مجتمعه..

والسؤال: ماهي تلك الظاهرة اللي تتمنى زوالها من مجتمعك؟-
-
وكل عضو يطرح رأيه في الظاهرة التي كتبت من قبَل العضو الذي قبله ثم يكتب لنا من عنده ظاهرة اخرى يتمنى زوالها..



اتمنى منكم التفاعل مع الموضوع..

والله يعطيكم العافيه..

[شواق]

مشكوره ياقوت على هالموضوع الرايق وليتك والله طرحتيه بالامس على الجو الحلو البارح

جو البارح كان كل شي فيه حلو ..

جلسه مكشوفه على طقطقه المطر ..

لكن اليوم للأسف مافيه إلا طقطقة سنوني ومتلحف بعشرين فروه ..

وتلخبط جوي ومعاد له طعم ولا لون ولا صوت ..

جانا برد قام يرفسنا رفس

الظواهر اللي قاهرتني هي جرأه بعض البنات يعني بالسابق البنت تلقينها بالسوق ساكته وهاجده ويمكن لو احدن يقولها شي طقتها ( بكاء ) قدام الله وخلقه هالحين شي يروع تلقينها شله بنات وانواع التحرش وعساك تسلم بعد .. من شوي كنت بمجمع الظهران .. وحسبت مافيه احد عشان الاختبارات
الا اثاري فيه امة لا اله الا الله .. وهالبنات مافيه الا شلل وعبي مخصره وحركات .. المهم جاني مطوع من الهيئه قال وش عندك قاعد .. قل قاعد بعد وش تبيني اسوي ان قمت امشي قلت تطارد وان قعدت ماجاز لك قعادي .. وش اسوي اطير يعني .. قال : لا متكشخ وقاعد ومرسم اكيد عندك شيhttp://82.96.75.104/Images0/Smily/sad.gif ..

قلت يابن الحلال : يعني ابهذل عمري عشان اصير انسان عادي بنظرك رح شف هالبنات اللي كل شوي ماره وحده وانواع الكلام والتحرش .. ياعمري يالثوب البنيhttp://82.96.75.104/Images0/Smily/embaressed.gif .. احلى يالشماغ ياعمري يالجزمه والحركات .. ولا اشوفك كلمتهن ولا قلت شي وجايني انا يالضعيف وحاط حرتك فيني .. بعضهن تجلس على نفس الكرسي او الكرسي المقابل ومسويات حالهن يسولفن مع بعض والكلام موجه لك ..

وبالاخير العين عليك يالرجال وهن لاحسيب ولارقيب

[سحايب صيف]

موضوع رائع منك اختي قوووووووت وتسلم يمينك على هذا الطرح الراقي والهادف

وبنسبه لظاهره اللي ذكرها الاخ شواااااااااق فهـي ظاهر منتشره بشكل عجيب والله يهدي هالنوعيه من البنات وعلى ماظن سبب انتشار هالظاهره هو اهمال الاهل واعطاء كامــــل الحــريه الــبناتــهم

:
:

امــا بنســـبه لـــي الظــاهره الــلي اتمــنى زوالها هــي ظــــاهــرة ان البنت ماتاخذ الا ولد عمها وان ماخذت ولد عمها لازم تاخذ شخص من قبيلتها وممنوع عليها انا تفكر مجرد تفكير انها تطلع من نطاق القبيله وبصراحه احس الشي ذا ظلم الولد ياخذ من اي قبيله اوعائله تعجبه والبنت حدها ولد عمها وان رفضته عيال قبيلتها وان صار اهلها متفتحين وتمت موافقتهم على اي عريس مــ تقدم لها من قبيله ثانيه قومو الدنيا وقعدوها وبنهايه يتم الزواج على هالصرعات وتتزوج البنت وصدرها ضايق انها اخذت شخص مااحد راضي عنه وينظرون لها نظره ثانيه فــ متى تزول هذه العقول وتوضع بدالها عقول متفتحه لا تنظر الى الشخص من هو ومن قبيلته او عائلته بل تنظر الى دينه وخلقه ....

:
:

دمتم بود

[طيرة شلوى]

مشكوره اختي على الموضوع الرائع
بالنسبه لي الظواهر كثيره وش اعد وش اخلى
عندك مثلا/
ظاهرة المعاكسات وقلت الحياء عند البنات وظاهرة التدخين وظاهرة الاستغلال في البضائع
وغيرها كثيييييييييير.........
مااقول الا اللهم اصلح واهدي المسلمين.........

[شموخ أنثى .ღ.}]

طرح جميلـ أختى الغاليهـ
ماعدمناكـ

.
"

من أبشع الظواهر التى اتمنى ازالتها
هى الظاهرهـ
السائدهـ وهى التباهى بالأنسسسسسسسسسسسسسابـ وعلوا قبائل على قبائل فالسائد عدم تزويج
الغير قبيلي من القبيلي

لماذا؟ ومالفرق؟
اينـ هم من كلام الله ورسولهـ
(( إن أكرمكم عند الله أتقاكم ))
( لا فرق بين عربي ولا اعجمي إلا بالتقوى )


لاأحد يملكـ أجابهـ أنما هو عرفـ سائد لاأقل ولاأكثر من ذلكـ

هل سنجد اسبابـ لبقى هذهـ الظاهرهـ او لابد ان تتلاشى.

[الجنوبي2007]

الظواهر اللي تقولون قابله للنقاش والا بس للقراءة ودي باجابة علشان ما تتعب نفس برد او موضوع ويحذف ومادام جاء طاري لا فرق بين ............

[شموخ أنثى .ღ.}]

الطرح أخى يقوول

والسؤال: ماهي تلك الظاهرة اللي تتمنى زوالها من مجتمعك؟-
-
وكل عضو يطرح رأيه في الظاهرة التي كتبت من قبَل العضو الذي قبله ثم يكتب لنا من عنده ظاهرة اخرى يتمنى زوالها..

[الجنوبي2007]

شموخ

الظاهرة اللي تقولين عليها عندي عليها خلاف من جهتين

الاول ان الرسول صلى الله عليه وسلم يقول (( تخيرو لنطفكم فان الرق دساس ))
ويقول عليه الصلاة والسلام (( تنكح المراة لاربع ................... وذكر لحسبها "))

والشيخ بن باز رحمه الله لا يرى ذلك صحيح لانه من فساد المجتمع وانه يثير العداوة والبغضاء


الظاهرة التي اتمنى زوالها من المنتدى التفرقة بين الاعضاء في المعاملة واحترام العقول الصغيره

بدون السخريه على ردودهم او موضوعاتهم فالانسان يتعلم من اخطاءه

[سحايب صيف]

عــــــــــــــــــــــــــــــدنـــــا

انا بنظري اخوي الجنوبي ان الظاهره اللي تتكلم عنها هي بيد العضو نفسه فهو بإمكانه ان يفرض وجوده ويفرض احترامه على الكل ولا يحتاج وسيط او لأي شخص يفرضه للغير لانه فارض نفسه بنفسه وبقلمه وباخلاقه وباسلوبه الراقي ووجوده المحترم ...

اما بخصوص التفرقه بين الاعضـــاء فإنا ماشوف إي تفرقه تـــذكر ... ولكن نظره عن نظره تختلف يمكن انت تشوف شي احنا مانشوفه ...

اما الظاهره اللي اتمنى زوالها ظاهرة سوء الظن وان الشخص يبني ظنون وشكوك تدور حول شخص ولايوجد لها من الصحه اي شيئ متناسين قوله تعالى (( ياأيها الذين آمنوا أجتنبوا كثيرا من الظن ان بعض الظن أثم ولا تجسسوا ولا يغتب بعضكم بعضا أيحب أحدكم أن يأكل لحم أخيه ميتا فكرهتموه وأتقوا الله ان الله تواب رحيم ) سورة الحجرات آية 12

من كل قلبي اتمنى زوال هذه الظاهره .....

[تؤام الروح]

الظواهر كثيره وخاصه في المنتدى وساذكر بعض منها :

اولا : المدير العام يجب ان ياخذ راي االاعضاء ولا يكون متعصب ويعدل بين الاعضاء والمشرفين .

ثانيا : اسماء الاعضاء ان تكون اسماء الاعضاء محترمه لانك في منتدى مدينه تمير وليس اي منتدى اخر .

لي عوده مره ثانية

[قوت القلوب]

أشكركم أخواني وأخواتي على تفاعلكم مع الموضوع والظواهر الي ذكرتوها منتشره بشكل كبيرفي مجتمعنا وأنا أكمل معكم الموضوع وأذكر لكم بعض الظواهر الي ماذكرتوها وهي الحسد وحب المظاهر والتفاخربالأنساب والتكبر والغرور والتقليد الأعمى بين الشباب والبنات والجري وراء الموضه حتى لوكانت ضاره وكثرة الخيانه بين الزوجين

الله يعطيكم العافيه على مروركم العطر ودمتم لمنتدى تمير

[شواق]

انا لي تعليق دام فتحنا باب الملاحظات على المنتدى ولعل إخواننا في الاداره يطلعون عليها ..
من ناحية التفرقه بين الاعضاء فما شفنا هالشي وان شاء الله مانشوفه كلنا اخوان متحابين بالله والله يديم الموده ..
الشي الثاني : بعض القرارات منها مايخص الصور والتواقيع ( لعله دخل المنتدى مثلا انسان ملتزم لاحظوا اقول انسان يعني شخص واحد مو اكثر .. وهالشخص مثلا له تظره في موضوع الصور وبسببه يهمش رأي اعضاء كثيرون .. فالصور اللي يحملها بعض الاعضاء ليست صور فاضحه لاسمح الله او مخله باالاداب العامه ..
مثلا توقيع االأخ توأم الروح في نظري عادي جدا ولايحمل اي اساءه ومثل هالتواقيع عاديه جدا في اغلب المنتديات .. وانها ترد صورة بشر في بعض المشاركات وارد جدا فاتمنى عدم التضييق بها الجانب مع مراعاه التشديد بوضع صوره لائقه غير مخله .. ووش فرق صورة الطفل عن غيره كلها ارواح .. واكبر مثال على انه من الصعب التحكم بذلك موضوع ( تكريم اللجنه الاعلاميه ) ايضا موضوع تكريم ( مركز صحي ام رجوم ) اضافه لبعض مناسبات المدارس فمثل هالصور بالعكس تدعم المووضوع وقد يتعب زميلنا العضو في تصوير المناسبه لنقلها لنا هنا .. اضافه لصور بعض الرحلات البريه او السياحيه ..
اتمنى من اخوي المدير العام وضع هذه الملاحظه في الاعتبار ودمتم بخير

[قلب الاسد]

الظاهره التي أتمنى زوالها ..
تصفية الحسابات الشخصيه هنا في منتدى تمير ..!!

وظاهرة المحسوبيه في كل مكان وزمان ..!!!