( موقف طررريف او مخجل حصل لكـ في حياتكـ .. اســدحـة هنا )

[L O R D]

السلام عليكم ورحــمة الله وبركاتــة
:42:
كيفكم يأعضاء منتدى الديــرة ( تميـــر) :g14:
المــهم اليـوم فكرت :93: بموضوع بســاحة الأهالي بحكم احنا من ديرة وحــدة :88:
فقلت ليه مانفرفش ونسوولف عن الأشياء الطــريفة :g12: او المخجلة :2: او اي شيء مر في
حياتنا مانسيتووه
يالله عاد حلو الموضوع بردوودكم ومواقفكم
مأبغى احــد يرد ويقوول مشكوور على الموضووع ويمشيء ترى على طووول :79:
رجااء اللي مافي راســة شيء لايــرد هع هع << بينجــلد :73:
......................

[اللورد]

هذا الكلام قبل 3 سنين كان معي 3 ريال وكنت مطفر

وكان في بالي توكس عودين وديو

المهم كان معي سيارة الوالد جمس رحت للبقالة وشريت الي كان في راسي وانا امشي

من العجلة مسوي محافظ ع البيئة شفت لي زبالة ووقفت من السرعة فكيت القرطاس ورميت الأصبعين

توكس بلزبالة هع هع

والقرطاس في يدي والله ياصدري ضاق يافرحة ماتمت عقبها قعدت العن ع البلدية من القهر

وفي موووووواقف كثير بس أصبروا خلوني أتذكر ...

[L O R D]

هههههههههههههههههههه

الله يرجكـ ياللــورد

شكلكـ رايح في امها وقتها

..................

لاهنت على الطرفـــة

[L O R D]

انا عندي موقــف طررريف مرررة
اذكــر مرة من المرات طبعا بالرياض على سيارتي
الجو غيم وفــلة ورشاش وســعة صدر المهم وقفت عند الأشارة
انتم عارفيين الزفلت حق الرياض يختلف يجيكم ناعم مرررة
المهم وانا وااقف عند الإشارة طبعا اوول واحد انا ولعت الإشارة خضراء طبعا وراي سيارات
كثييييرة وانا ادووس بسبق العالم وانا معطيها قام يحذف بي الموتر يمين ويسار :80: ويالله هالعالم بوراي وإزعاج يحسبووني متعمدها :80: هههههه
وكل ماجيت برفع رجلي اعطيها شووي المهم وتزحف بي اقوى من الأولى :80: ويالله ركدت الموتر
وهذي بصراحــة معاناتي بالرياض وقت المــطر كل مالفيت مع ملف او مشيت من إشارة قام يززززحف بي ههههههههه حتى صرت مأطلع من البيت إذا جانا رش او مطرررر

طبعا الموقف هذا قبل الأسبوع اللي فات مدري اللي قبلة

هع هع

[هتلر تميم]

أما انا حصل لي موقف الله يسامحنا

المهم كان عندنا امتحان قران ولا دريت الا الصباح من العيال طبعا كان حفظ

انا من العجله حاولت اكتب الايات على غلاف كتاب النصوص كتبت الايات واخطيت في كتابة كلمه
جاء دوري قال الاستاذ يالله اقرا...

المهم قريت يوم وصلت عند الكلمه قريتها زي ماكتبتها قال المدرس عد الايه عدتها قال عدها ثانيه عدتها ثانيه قال عدها المهم انا من الدلاخه قلت يا استاذ تعال شف انا كاتبها كذا....


شفتوا عاقبة الغش

[L O R D]

^^^^^^

هههههههههههههههههههههه

الله يرجكـ ياشيخ اجل تغش بالقران

ههههههههههههههه

مشكور اخووي على الطــرفــة

[بسمة]

موضوع حلو مرره مشكوور نجم تمير

انا كل حياتي مواقف طريفة

وكل ما ذكرت موقف بجي اكتبه لكم

اخر موقف صار لي في الجامعة قبل كم اسبوع

بما اني مسؤولة في احد مشاريعنا كنت انا اللي اكلم الدكتور نيابة عن المجموعة

المهم مره من المرات دق الدكتور وانا جالسه مع صديقاتي في وقت البريك ولا اقدر اسمع الدكتور زين (مصري وشايب يالله افهم عليه) رديت عليه ويوم شفت الوضع مافيه امل اسمع قلت له لحظه شوي ,,سألت صديقتي عن القاعه اللي قدامنا فيها احد قالت لا واروح طااايرة للقاعه وحاطه جوالي بكمي(لأنه كاميرا)ودخلت القاعه واشوف فيها كم بنت يمكن 5 او6 قلت شكل عندهم اختبار وجالسين يراجعون واروح اخر القاعه واكلم الدكتور ,,ووقت ما انا اكلمه حسيت يد تأشر لي وألف اطالع الا استاذه !!!!!
مدري وش اسوي وجوالي مخااالف وداخله اكلم وهي تختبر بنات مدري تعطيهم محاضره مدري وش سالفتها بس جالسه معهم
دخلت الجوال بكمي وانا اكلم الدكتور واقوله طيب وانا والله مدري وش يقول

سكرت منه ولفيت عليها قلت وشو؟؟؟<<<بريييئة
قالت :وين داخله القاعه؟؟<<هنا عرفت انها استاذه والحمد لله ماكانت بقسمي
قلت : اسفه ما انتبهت (وانا خوفي انها منتبهه للجوال)
قالت : طيب اطلعي قلت انا بطلع
وانحاااش لصديقتي وهاوشتها (اللي قالت مافيه احد في القاعه)
^_^
--------------------

[L O R D]

^ ^ ^

ههههههههههههاااااي

الله يقلـــع ابليسكـ يابنت

مزحفتها بالجامـــعه

ههههههههههههههه

مشكورة على المشاركــة القيمــة

.............

[غلا الكون]

معليش اشارك معاكم انا مومن تمير بس بقولكم المواقف الي عندي ...
.................................................. .......................

وانا عندي موقف اول مادخلت الكلية كنت اتمنى اشوف العميدة مدري من اسمها العميدة احس انها شي احسها من كوكب ثاني المهم كنت ماعرف الا صديقاتي من القاعه ......
وتونا اول اسبوع واشوف وحدة ماشالله طول وعرض ولابسه نظارة شكلها رزة

قلت اكيد هذي العميدة وانا ساكته وماطلعت من القاعه كالعادة <<<متعودة على

النحشات ....

وانتظرها تطلع وماطلعت وانا والله خايفه منها وشوي تقعد قدامي ......

استغربت العميدة تجلس معنا يوم سالت الي بجنبي قالت هذي معنا بالقاعه طالبه

وانا والله حقدت عليها لانها من جد عيشتني حالة ر عب وحرمتني من النحشه ...

××××××××××××××××××××××××××××
وموقف ثاني ايام المتوسط انواع الشقاوة .....
وكنا دايما نهبل بالاداريات وذاك اليوم وقفتنا الاداريه وقالت ؟؟؟؟؟؟؟؟؟

وش عندكم يا...........................

وردت عليها صديقتي الحمدالله بخير <<<<خخخخخخ تحسبها تقول وشخباركم ؟

وحنا انفجرنا من الضحك والاداريه عاقبتنا بالتوقيف حصتين ورى بعض .......

بس وناسه اهم شي مانحضر الحصص <<<:87:

[قمر]

أما أنا مواااااااااااقف مالها نهاااااااية الى الان

الاول/ مرة طااااااالعه من السوق مستانسة >>لقيت اللي ابيه المهم واركب السيارة واسولف من الفرحة مادريت الا اللي يتنحنح احم احم استغربت ابوي بالعادة يتكلم او يهوش لا وقاعده وراه من زين الطبع ومع الروعه ماقويت انزل الا بعد دقيقتين يوم رن الجوال يدوروني اهلي وانزل وتطيح الاكياس وحالتي حاله كرهت السوق واللي حطه الله لا يعيده من يوم...

الثاني/في الجامعه كنت امشي انا وصديقتي في ممر المبني الا والعامله تجي زااااحفة بدل ماتكب الموية على الارض كبتها علينا كلها غرقتنا الله يقطعها
وطبعا كان عندي ذاك اليوم تقديم عرض قدام البنات قوليلي الحين وشلون اوقف قدامهم وانا غرقة بالموية والله انها حاله واروح للدكتورة وشافتني وضحكت واجلت العرض خخخخخخخخخخخخخ

يعطيك العافية اخوي

[كنق تمير]

هههههههههه

موضوعك حلو اخوي نجم تمير

انا عندي مووواقف كثييييرة خاصة بالهجووولة بس ماودي اذكرها

[L O R D]

^^

ههههههههههههه

وين يأبو على طوول باند هع هع

شكلك مخربها

[بسمة]

موقف اخر

في اول سنة لي في الجامعة وفي اول يوم

طبعا الجامعة يداومون بعد اسبوع انا وصديقتي لا بنروح اول يوم عشان ناخذ الجدول

وانا حاطه ببالي ابي اشوف العميدة لاني اشوف مكتبها من برا في مبنى الادارة وباب مكتبها قزاز بس مظلل يعني هي تشوفنا وحنا مانشوفها وانا الا ابي اشوفها لاني سمعت انها عصبيه <<<موب لقافة اهل سدير ابد ^_^
المهم قلت لصديقتي وهي معي في الجامعة لكن قسم ثاني ابي اشوف العميدة
قالت : مافيه امل تتدخلين عليه
قلت : ليه
قالت حراسه مشدده ولازم قبل تاخذين موعد مع السكرتيره وتشوف السكرتيره اذا ماقدرت تخدمك تدخلين عليها
قلت:بدخل عندها يعني بدخل
وفكرت بخطه عشان ادخل وبقولكم خطتي ^_^
دخلت ع السكرتيره (والسكرتيره عندها باب سحاب للعميدة)
سلمت وقلت ابي ادخل للعميدة
قالت:ليش وش عندك؟
قلت: ابي اخذ الجدول ^_^ <<<بريييئة
من سمعت كلمتي وهي ميته ضحك قالت : انتي مستجده
قلت : وش يعني مستجده؟؟انا جديده ^_^<<<بغيت اخربها واقول توني ناقله عندكم
هي انبسطت ومسكتها سوالف معي شوي الا يفتح باب العميده السحاب وانا اطالع في صديقتي واضحك

اثاري العميدة سامعه كل حكينا مع السكرتيره ^_^ وجت سلمت علي وباركت لي ع القبول لان انا من اول دفعه في القسم الجديد
---------------------
اتمنى عجبكم الموقف
وعندي سؤال : هل ممكن نقول مواقف مضحكة وحنا صغار ^_^

[L O R D]

^^^

هههههههههههههههه

اجل توني ناقــلة ههههههههههه

مشكورة اختي

بسمة على الطــرفة

ولاهنتي

[الدواسر كواسر]

مشكووووووووور على الموضوع الرائع

هذا موقف يوم كنت ادرس تقريبا في ثالث متوسط (( ايام زمان )) طبعا ً في الرياض كان مدرس غايب علينا والفصل مسبب ضجه وعندنا مراقب الفصل ويسمى بــ(( عريف الفصل )) راح للوكيل يشتكي له بسبب الضجه التي تحدث في الفصل { وانــــــــــا لا ادري ان العريف راح للوكيل } ....

وان طالع برى في الممر (( السـيـب )) والا عريف الفصل ياتي الى الفصل وانا اسبقه وادخل قبله واغلق الباب واقفله وسالني زميلي من اللي برى قالت الوكيل وانا امزح معه ((استهبل عليه))

وافتح الباب الا الوكيل قدام وجهي (( صار كلامي صدق )) ويصكني بكف محترم ويهزئني ويمسكني مع صدري ويسحبني قدام الطلاب الى مكتبه ووقفني يوم كامل عنده بعد شفاعه من مدرس من تمير يقرب لي (( الله يذكره بالخير )) سامحني الوكيل ....
وكان الوكيل شديد مره على الطلاب بعد هذا الموقف صرت منضبط في المدرسه
{ وهذا الموقف لن اننساه ابدا ً }
يقولون الطق له فايده
ههههههههه

[ابو البراء]

مره بالعطله الصبح



رايح اشتري فطور


من البوفيييييييه وش فلك حرمه


معها اربع بنات مشييييييييييييييييييييت وراها يمين الف يمين معها


وتلف ويسسسسسار يسار معهااا خطاويها سريعه مقدرة ايجبها ابي منها شي المهم يوم اني حول اقرب و قرب حولهااااا


الاياطويلل العمر ازلق ههههههههههههههههههههه



خلصت سالفتي تراهاااا احلى سالفه أنت تصدق اني زلقت محرج موقفي ولا خخخخخخخخخخخخخخخخخخخخخخخ






يالله سجل ابيييييخ موقف في موضوعك

[بسمة]

^
^
^
اما مواقف الضرب شييي

عندي موقفين واحد لي يوم كنت في ثالث ابتدائي

كنت مسوية حفلة نجاح كبيررة وعازمه كل صديقاتي والجيران ومبسوطين مررره
واخر الحفله يوم كلن راح وعطيتهم هدايا للذكرى
يوم راحوا البنات وما بقى معي الا بنات خالتي وسواليف وضحك ويوم جو يفتحون الهدايا اللي عطيتهم رحت ابي اجيب لي هديه مثلهم عشان نلعب سوا لقيت مافيه باقي منها لي واقلبها صيااااح ^_^

-------------------
اما الموقف الثاني
صار لصديقتي مع مديرة المدرسة يوم كنت في الثانوي
موقف غريب عجيب
في الطوابير الصباح نادت المديرة صديقتي وهاوشتها قدام البنات في قسم المتوسط والثانوي تقول انها ازعجت وهي مسكينه ما تكلمت ولا قالت شي
المهم البنت احترمت المديرة قدام البنات ماحبت تجادلها
مشينا للفصل وحنا كان فصلنا في الدور الثالث وغرفه المديرة فوق عندنا صديقتي لقت المديرة واقفه عند باب غرفتها وتصرخ يالله بسرعه ع الفصل وصديقتي ماسكة اعصابها
شوي راحت لها صديقتي ومسكت المديره مع كتوفها (المديرة قصيرة وصديقتي طولها متوسط بس مدري وشلون نحيفه وشالت المديرة ^_^) المهم مسكت المديرة مع كتوفها وتصرخ عليها وتبكي تقول انا مااااسويت شي لاتهاااوشيني
والمديرة خااااايفة
صديقتي طلعت الحره اللي بقلبها وخلت المديرة ومشت
البنات اللي في الممر ماشين وقفوا مستغربين مرررررره
اووول مره بنت تسوي كذا بالمديرة
انا ما ادري اضحك ع صديقتي ع حركتها اللي سوتها او احزن ع المديرة

بس موقف لااااينسى

فيه موقف او مقلب بذكره ان شالله بوقت ثاني (مضاربه في المدرسة واختفاء نعال صديقتي اكرمكم الله ^_^)

[غلا الكون]

والله مواقف كثيرة لاتحصى وأذكر منها يوم كنت بالثانوي انني دخلت

على اخوي بالمجلس وعندة صديقه وكنت مستانسه لابسة ملابس العيد

ونازلة بخليه يقول وشرايه بلبسي يوم دخلت اخوي طلع عيونه علي

وانا على نياتي قاعدة اقولة وشرايك حلووووووووو مانتبهت للي عندة

يوم شفت الشرارة تتطاير من عيونة انتبهت للي جالس بجنبة ..

وماعاد تشوفون الا غباري من الخوف ههههههههههه

موقف لاأحسد علية محرج جدااااااااا...

[شموخ أنثى .ღ.}]

ههههههههههههههههههههههه
مواقفكم جدآآآآآآآ حلوهـ

لى مواقف كثيييييييييييييييييرهـ

لكن لى رجعهـ للموضوع

[L O R D]

مشكورة اختي

غلا الكوون

على الطررفة

وفي انتظار الأخت شموووخ

[أبوســعدون]

المهم أنا كنت مسافر لأمريكا مع العائلة الكريمة وكنت في صف 2 أبتدائي المهم كنت تاكي ذاك اليوم مع 2 أمريكين وواحد سعودي بحديقة مافية إلا قوة ستهبال وتخريب

فجاة وأنا امشي معهم طاح شي ع رأسي ناظرت فوق ماشفت الأ سماء مافية شجر أقول سناجب والا شي وأحط يدي ع راسي الا احس بشي رطب وبارد يوم ناظرت طلع زق طير

هع هع والله وجهي قام يضرب الوان قعدت العن علية وقامو يضحكون علي أخوياي وفضحوني قدام العالم زق طير طاح علية زق طير بس ربك ستر وكان فية برادة قريبة وأروح وأغطس

راسي إلين ماحسيت أنة خدر من برد الموية ...

[L O R D]

^

هههههههههههههه

مشكور اخوووووي على المووووووقف

......................