محمد عبده يفجرها: زوجتي الأولى نكدية والفرنسية علمتني معنى الحياة..!!

[الكاريبي]

محمد عبده يفجرها: زوجتي الأولى نكدية والفرنسية علمتني معنى الحياة..!!
http://burnews.com/contents/newsm/55692.jpg
محمد عبده مع ابنه خالد




09-24-1434 03:55 PM
عاجل (متابعات)-
اعترف الفنان السعودي محمد عبده، أنه كان يشعر بالظلم في تجربة زواجه المرة الأولى، وانتهت بحضانته لأولاده وتربيتهم وتعليمهم.

وقال عبده: أنه "مر بفترات صعبة في زواجه الأول من حيث التعب والإرهاق على المسرح والنكد داخل البيت من زوجته ، لكن زواجه الثاني من السيدة الفرنسية غيّرت حياته، وشعر وكأنه يتزوج وينجب للمرة الأولى في حياته".

وأضاف: "زوجتي الثانية أم خالد أنستني تعب السنين كلها، فالحب بيننا متبادل، وبيننا كيمياء من اللحظة ا?ولى للقائي بها، فهي زوجة وأم وست بيت بكل معنى الكلمة".

وكشف أيضاً "أن أولاده هم من كانوا وراء زواجه من أم خالد، بعدما تعرّفوا عليها ووجدوها سيّدة محترمة تحبهم كثيراً وتهتم بهم

[لميس]

وليه مايكون هو النكدي وهو معاملته كنهه وجهه مع زوجته الاولى
وبعدين هومافيه خير لوفيه خير ماآعلن امام الملآآ عيوب زوجته والله هذي مب مرجلهه
كذا الاغلبييه مع زوجاتهم الاولى معاملتهم غيير ومع الثانيه غير غيروو معاملاتكم واعدلو بينهم وبتتغير زوجاتكم
جد والله انه سسسسسسخيف ومب رجال للاسف

[الكاريبي]

وليه مايكون هو النكدي وهو معاملته كنهه وجهه مع زوجته الاولى
وبعدين هومافيه خير لوفيه خير ماآعلن امام الملآآ عيوب زوجته والله هذي مب مرجلهه
كذا الاغلبييه مع زوجاتهم الاولى معاملتهم غيير ومع الثانيه غير غيروو معاملاتكم واعدلو بينهم وبتتغير زوجاتكم
جد والله انه سسسسسسخيف ومب رجال للاسف
ليه نكدي !
يقول حرمته الاولى ماتقدر ظروفة وسهراته الغنائية ،يعني حرمته الاولى تنصحه وتقول استح على وجهك بيتك وعيالك لهم عليك حق !
وانت من تزوجنا وانت لاهي في الغناء والرقص مع الفنانات والمعجبات ،يكفي !!!
راح وخذ الفرنسية لانها متفتحة وديمقراطية ويمكن انها طيبة مانظلمها !
بالنسبة للزواج بالثانية مافيها شي حلال وكل واحد يعرس ،لكن تبين الثانية تجي مثل الاوله ،حتى لو بغينا مانقدر الاوله انتهت صلاحيتها يسد هالسنين اللي راحت !
لكن محمد عبده مهما صار فهو مجرد فنان ولا يقتدى به

شكرا لك ليمس

[سُلاَفْ القَصِيدْ]

مااتوقع هذآ كلآمه عن زوجته الاوى وام عياله !!!
مو كل شي نشوفه ونسمعه نصدقه
شكرا ع النقل ..

[الكاريبي]

مااتوقع هذآ كلآمه عن زوجته الاوى وام عياله !!!
مو كل شي نشوفه ونسمعه نصدقه
شكرا ع النقل ..
حنا نعلق على خبر منقول على لسانه ،وصورته على الخبر ،وولده على متنه شايله!
وفعلا هو رجال خلوق ومؤدب !غريبة منه

شكرا الراقية على حضورك

[خيال الواقع]

من آدآب الطلآق

ألا يفشي سرها لا في الطلاق ولا عند النكاح، فقد روي عن أبي سعيد الخدري –رضي الله عنه- أن النبي –صلى الله عليه وسلم- قال: {إن من شر الناس عند الله منزلة يوم القيامة الرجل يفضي إلى امرأته وتفضي إليه ثم ينشر أحدهما سر صاحبه} رواه مسلم وأبو داود وغيرهما، وروي عن بعض الصالحين أنه أراد طلاق امرأته فقيل له: ما الذي يريبك فيها ؟ فقال: العاقل لا يهتك ستر امرأته، فلما طلقها قيل: لم طلقتها ؟ فقال: مالي لمرأة غيري، وروي أيضاً أن رجلاً طلق زوجته فسأله أحد الناس عن السبب في طلاقها فقال: كنت أصون لساني عند ذكر عيوبها وهي زوجتي فكيف أستبيح ذلك وقد صارت أجنبية عني؟

و بنفس الوقت ..
مآ أتوقع منه يقول هالكلام ..
مهما صآر تبقى أم عيآله ..
ومهما صآر مآيتكلم عليهآ قدآم الملأ
:)

الله يسعدك الكآريبي

[لميس]

ليه نكدي !
يقول حرمته الاولى ماتقدر ظروفة وسهراته الغنائية ،يعني حرمته الاولى تنصحه وتقول استح على وجهك بيتك وعيالك لهم عليك حق !
وانت من تزوجنا وانت لاهي في الغناء والرقص مع الفنانات والمعجبات ،يكفي !!!
راح وخذ الفرنسية لانها متفتحة وديمقراطية ويمكن انها طيبة مانظلمها !
بالنسبة للزواج بالثانية مافيها شي حلال وكل واحد يعرس ،لكن تبين الثانية تجي مثل الاوله ،حتى لو بغينا مانقدر الاوله انتهت صلاحيتها يسد هالسنين اللي راحت !
لكن محمد عبده مهما صار فهو مجرد فنان ولا يقتدى به

شكرا لك ليمس

ايه يمكن وماتنلام والله والحين عرفنا من النكدي مايبي احد ينصحه هو يبي وحده متفتحه وترضى بكل شيء
الزواج بثانيه مافيها شيء للي يعدل ويخاف الله !!! لكن قلة !!!
، وليه انتهت صلاحية زوجته الاولى ؟؟؟؟؟وهو يعني ماتنتهي صلاحيته!!اجل ماينلامون عياله اذا ذبوه بالعجزه لان صلاحيته هو بعد انتهت :74:
كما تدين تدان ومفروض الواحد يتقِ الله في زوجاته ويخاف الله ولا لايتززوج لان الله مراح يرضى بالظلم والاغلبيه وللاسف مايعدلون
وااذ فعلا هو متكلم بزوجته الاولى اذا هوو مب رجال ولاكفوو

[F H A O A H]

إشآَعة يَ أبوي إِششآَعه , هههههههه : )

[ملامح صادقه]

علشانه موب رجال ولايصون العشرة ولايقدرة

اخاف هو النكدي ومنكد ع حرمته وغربلها

واي ش قال زوجتي الاولى نكديه

خاف الله يوم صبرت عليك وعاشت معك ع المر والذل وسهراتك وطلعاتك وسفرياتك وفي اخر شي تكآفإها به الكلام

راحت المرجله. اذ كان هذا الكلام صحيح

[الكاريبي]

من آدآب الطلآق

ألا يفشي سرها لا في الطلاق ولا عند النكاح، فقد روي عن أبي سعيد الخدري –رضي الله عنه- أن النبي –صلى الله عليه وسلم- قال: {إن من شر الناس عند الله منزلة يوم القيامة الرجل يفضي إلى امرأته وتفضي إليه ثم ينشر أحدهما سر صاحبه} رواه مسلم وأبو داود وغيرهما، وروي عن بعض الصالحين أنه أراد طلاق امرأته فقيل له: ما الذي يريبك فيها ؟ فقال: العاقل لا يهتك ستر امرأته، فلما طلقها قيل: لم طلقتها ؟ فقال: مالي لمرأة غيري، وروي أيضاً أن رجلاً طلق زوجته فسأله أحد الناس عن السبب في طلاقها فقال: كنت أصون لساني عند ذكر عيوبها وهي زوجتي فكيف أستبيح ذلك وقد صارت أجنبية عني؟

و بنفس الوقت ..
مآ أتوقع منه يقول هالكلام ..
مهما صآر تبقى أم عيآله ..
ومهما صآر مآيتكلم عليهآ قدآم الملأ
:)

الله يسعدك الكآريبي
شكرا على المداخلة الطيبة والتوجيه الرائع !
بس هو قال الكلام هذا يوم احرجوه وقال خبثت العيشة بيني وبينها وبس ،ماذكر شي يعاب ،وكثير نسمع من الصاحبة عن اسباب الطلاق ويقال خبثت العشرة بيننا وانتهى !!!!!
الرجال طلقها من سبب ولو انها جايزة له ماطلقها ،

شكرا لك على المداخلة الرائعة يامشاعر

[الكاريبي]

ايه يمكن وماتنلام والله والحين عرفنا من النكدي مايبي احد ينصحه هو يبي وحده متفتحه وترضى بكل شيء

الزواج بثانيه مافيها شيء للي يعدل ويخاف الله !!! لكن قلة !!!
، وليه انتهت صلاحية زوجته الاولى ؟؟؟؟؟وهو يعني ماتنتهي صلاحيته!!اجل ماينلامون عياله اذا ذبوه بالعجزه لان صلاحيته هو بعد انتهت :74:
كما تدين تدان ومفروض الواحد يتقِ الله في زوجاته ويخاف الله ولا لايتززوج لان الله مراح يرضى بالظلم والاغلبيه وللاسف مايعدلون

وااذ فعلا هو متكلم بزوجته الاولى اذا هوو مب رجال ولاكفوو

كل الرجال يعدلون لكن البلا في الحرمة ماتبي طاري ولا اسم زواج كنها مالكة الرجال بصك !!
خلاص تزوج بثانية باركيله وادعيله بالذرية الصالحة واجلس مع بزورك ،وش تقعدين تمسكين خلقه وتقطعين ازاريره وتبلشينه ،والزواج مايجي من عيب في الاوله لكن الحريم عندهن قناعة ان الواحد اذا اعرس انه شايف عيب في زوجته الاوله !!
لازم الفكر يتجدد وتتغير النظرة من الحريم .
ابد كلهم يعدلون وانا اعرف واحد معرس بثلاث ومستانس وعايشات في بيت واحد .
وبعدين ماتكلم من يقول انه قايل شي ،قال نكدية بس!!
شكرا لك

[الكاريبي]

إشآَعة يَ أبوي إِششآَعه , هههههههه : )
مالنا الا مذكر وقرينا ،اشاعة والا ماهوب اشاعة وش علينا منه
موضوع نبي نحكي فيه وبس

شكرا لك

[الكاريبي]

علشانه موب رجال ولايصون العشرة ولايقدرة

اخاف هو النكدي ومنكد ع حرمته وغربلها

واي ش قال زوجتي الاولى نكديه

خاف الله يوم صبرت عليك وعاشت معك ع المر والذل وسهراتك وطلعاتك وسفرياتك وفي اخر شي تكآفإها به الكلام

راحت المرجله. اذ كان هذا الكلام صحيح
ترى محمد عبده رجال طيب واخلاقه طيبة ولا جاي منه الاكل علم طيب !
مار الظاهر حرمته حارة ولسانها طويل ،بالعربي تحب النكد الله يكفينا الشر

شكرا لك على حضورك

[خيال الواقع]

عندي تعقيب ..


كل الرجال يعدلون


ابد كلهم يعدلون وانا اعرف واحد معرس بثلاث ومستانس وعايشات في بيت واحد

لا تعمم .. والله أشوف رجآل مآ يعدلون
مثل مافيه حريم سيئآت فيه رجآل بعد ..


لكن البلا في الحرمة ماتبي طاري ولا اسم زواج كنها مالكة الرجال بصك !!


طبيعي الحرمه مجبولة على الغيرة ..
وتصرفها جداً طبيعي
واذا كانت عائشة رضي الله عنها وهي خير النساء غارت على الرسول ( مع ملاحظة ان الرسول مايتقارن ب رجال هالوقت .. وعائشة كذلك)
بأقولك سر :t169:
انت حط نفسك مكان هالحرمه
وزوجك اللي تعزه وتحبه وبينكم 8777389 سنه
بيقاسم نصيبك مع وحدة ثانية ..وماعاد بيصير مثل الاول
بالله وش الاحساس اللي بتحسه ؟ :t172:

تقعدين تمسكين خلقه وتقطعين ازاريره وتبلشينه

:t49:
والله هالشيء يدل على محبتها له :t24:





وبعدين ماتكلم من يقول انه قايل شي ،قال نكدية بس!!



مآقلنا شيء
الرجآل والحريم والنعم فيهم كلهم

بس القضيه اللي اختلفنا عليها

انه انت لمن تطلق زوجتك وتروح تقول لـ فلان تراها نكديه:107: ولا تقوله
مار الظاهر حرمته حارة ولسانها طويل ،بالعربي تحب النكد الله يكفينا الشر
تتوقع ان فلان هذا بيفكر يتزوجها بعدك ..؟
يعني بإختصار هالكلمه قويه ترى .. ممكن تدمر حياة طليقته ..
وهي يحق لها تعيش حياتها وتتزوج
بعد الحياة ماتوقف عالطلاق ..



فـ انت تخيل كيف بإنك مو تقول لـ فلان بس
هذا قال للناس كلهم ..
يعني تكلم عن فلانه ( زوجته ) بـ عينها تحديداً
وفلانه ( زوجته ) معروفة

فهمت علي

..

صح لو كان الكلام كموضوع عااااااام عن اسباب الزواج من أخرى
ويكون يعني مثلا
قد تكون الزوجة الاولى نكديه وهذا يؤدي إلى الطلاق
^
هذا عادي



أحترم وجهة نظرك
بس حبيت أبين لك وجهة نظرنا
وربي يسعدك

[الكاريبي]

انت حط نفسك مكان هالحرمه
وزوجك اللي تعزه وتحبه وبينكم 8777389 سنه
بيقاسم نصيبك مع وحدة ثانية ..وماعاد بيصير مثل الاول
بالله وش الاحساس اللي بتحسه ؟ :t172:




يمكن اصير اثيوبي وسوي جريمة !!!

شكرا لك على المداخلة الرائعة ولا يهون الاعضاء جميعا
شكرا لك
مشاعر

[لميس]

كل الرجال يعدلون لكن البلا في الحرمة ماتبي طاري ولا اسم زواج كنها مالكة الرجال بصك !!
خلاص تزوج بثانية باركيله وادعيله بالذرية الصالحة واجلس مع بزورك ،وش تقعدين تمسكين خلقه وتقطعين ازاريره وتبلشينه ،والزواج مايجي من عيب في الاوله لكن الحريم عندهن قناعة ان الواحد اذا اعرس انه شايف عيب في زوجته الاوله !!
لازم الفكر يتجدد وتتغير النظرة من الحريم .
ابد كلهم يعدلون وانا اعرف واحد معرس بثلاث ومستانس وعايشات في بيت واحد .
وبعدين ماتكلم من يقول انه قايل شي ،قال نكدية بس!!
شكرا لك

هههههههههههه قول قسسم كلهم عاد قويه !!
ايه مصدقتك اصلا معروف الرجال ااذا توهق يسوي روحه مبسوط ويبين ع خلاف الحقيقه
وتلقاه بالبيت مكرهينه عيششته بس يعنني قدامكم ابضاي ومبسوط ارحمه وانا ماتكلمت من عندي
انا اتكلم من وااقع نعيشه ونششوفه بعيوننا ...لذلك لاتصدق شيء ماشفته بعيونك
وليه يتكلم خلاص اهي راحت بحالها والله يستر عليها يسبها ليه وهذي ام عياله مفروض يحترمها
والله موكفوو هوووجهه رافع ضغطي من اليوم وانا افكر في سالفتهم هههههه

[الكاريبي]

هههههههههههه قول قسسم كلهم عاد قويه !!
ايه مصدقتك اصلا معروف الرجال ااذا توهق يسوي روحه مبسوط ويبين ع خلاف الحقيقه
وتلقاه بالبيت مكرهينه عيششته بس يعنني قدامكم ابضاي ومبسوط ارحمه وانا ماتكلمت من عندي
انا اتكلم من وااقع نعيشه ونششوفه بعيوننا ...لذلك لاتصدق شيء ماشفته بعيونك
وليه يتكلم خلاص اهي راحت بحالها والله يستر عليها يسبها ليه وهذي ام عياله مفروض يحترمها
والله موكفوو هوووجهه رافع ضغطي من اليوم وانا افكر في سالفتهم هههههه
لا والله مانيب حالف !!!
هو اصلا من يوم يعرس وياخذ اسبوع وهو يبي الفكة مار طلعت من يده ،والا العروس وكثر الحريم مافيه خير !
وحدة ويسد فيه من البركة اللي فيه بركه ويقنع !
هو ماقال شي الرجال قال ان حياتنا متنكده ولا قدرنا نتفق وانتهى الامر بلانفصال !
للمعلومية أي انسان سواء صديق او أي من كان جاء بينك وبينه خلاف يجب ان تذكره بالخير وينتهي الامر وهذا الاساس !والاخلاق ،
لكن السب وكثر الكلام مافيه خير

شكرا لك لميس

[&بنت تمير&]

يعني خلاص الحين صارررت نكديه

طيب يعرس ويسكت نهائي لايمدح ذي ولا يسب ذيك




والله يهنيه هالشايب !!

[الكاريبي]

يعني خلاص الحين صارررت نكديه

طيب يعرس ويسكت نهائي لايمدح ذي ولا يسب ذيك




والله يهنيه هالشايب !!
يابنت الحلال هم اللي نشدوه وحرجوه وقالها والصحفي نقلها ،وانا متاكد لو كان يعلم انها تبي تنقل ماقالها !
ويمكن ان الصحفي لخص الكلام بكلمة نكديه !!!!!!!!!
ولاهوب منها يمكن انها تنصحه وهو يعتبره نكد فقط .
هو ماقال شي يمدح الفرنسية ان عشرتها كويسة ،وتصير باب للي يبي يعرس ويترك العربيات !!!!!!!!!!
شكرا لك

[أبـوحـمـد]

لوه متزوج وهو ساكت ماجاب اي خبر عن زوجته الاولى ابرك

وشكل الولد ابيض طالع على امه ماايلام يومه يااخذ الفرنسسيه ,,

[لميس]

موفرنسسية جزائرييه الآآصل قريت عنهم كثيير الله يهننيه ويخيط فمه مره ثانيه عن الحكي الي ماله داعي

[لميس]

لوه متزوج وهو ساكت ماجاب اي خبر عن زوجته الاولى ابرك

وشكل الولد ابيض طالع على امه ماايلام يومه يااخذ الفرنسسيه ,,

ههههههههههه شايفه زوجته عاديه موبيضاء
وليه ماينلاام ماعجبوه بنات ديرته يمكن مالقى احد يرضى فيه الاهذي
وقام يهايط ويسسب

[الكاريبي]

لوه متزوج وهو ساكت ماجاب اي خبر عن زوجته الاولى ابرك

وشكل الولد ابيض طالع على امه ماايلام يومه يااخذ الفرنسسيه ,,
يارجال هم اللي جوه وهو شايل ولد الفرنسية على متنه ،وقالوا وش هالولد لك والا منهو له ؟
قال هذا ابني خالد وامه فرنسية بس !
لا والله ماينلام يابوحمد !!
شكرا لك

[الكاريبي]

موفرنسسية جزائرييه الآآصل قريت عنهم كثيير الله يهننيه ويخيط فمه مره ثانيه عن الحكي الي ماله داعي
كلهم مثل بعض فرنسية والا جزائريه !
وشغيرك توك تقولين ليبيه ؟؟؟؟؟؟؟؟؟؟
المهم انه اعرس الله يوفقه يارب

شكرا لك

[لميس]

كلهم مثل بعض فرنسية والا جزائريه !
وشغيرك توك تقولين ليبيه ؟؟؟؟؟؟؟؟؟؟
المهم انه اعرس الله يوفقه يارب

شكرا لك

لاصارت جزائريية غلطت بينهم ورحت اتاكد من المووضوع وعدلته
العفوو ودامك نزلت الموضوع تحمل ردودنا :t16:

[الكاريبي]

لاصارت جزائريية غلطت بينهم ورحت اتاكد من المووضوع وعدلته
العفوو ودامك نزلت الموضوع تحمل ردودنا :t16:
تبين الصحيح !يوم قلتي ليبيه ارتعت !قلت هذا طلع من جرف ،وطاح في دحديرة !
اشوى فرنسية والا جزائرية كلهم واحد ،
لا وش دعوى لو تاخذون اسبوع

شكرا لك

[&بنت تمير&]

ههههههههههههه هو ماصدق هالفرنسيه تاخذه وقام يخبط



امساك بمعروف او تسريح بإحسان ،،،،






الكاريبي محد معارض عرسه لكن يسد خشته اساسا ولايقول شي احتراما لها












وصادقه لميس تحمل ردودنا

[الكاريبي]

ههههههههههههه هو ماصدق هالفرنسيه تاخذه وقام يخبط

امساك بمعروف او تسريح بإحسان ،،،،
الكاريبي محد معارض عرسه لكن يسد خشته اساسا ولايقول شي احتراما لها
وصادقه لميس تحمل ردودنا
لا والله وسعتوا صدري والله يحييكم وش وراي ؟
لا بالله قولوا اللي تبون !
طيب هو فرحان انه ماخذ فرنسية !!!!!!!!!!!!!!
والله ماشوفه قال شي مار انتم اللي عشانه اعرس قمتوا عليه كنه مسوي جريمة
شكرا بنت تمير

[¬ بشَآيرَ ' !]

محمد عبده فنان كبير واذا كان هالكلام مو اشاعه وهو قايله صدق
ف عيب عليه يسوي كذا ! رجال وش كبره يتكلم عن زوجته كذا وقدام العالم ؟
المفروض مايقول انها نكديه ولا شيء ترا يقدر يقول تطلقنا لظروف خاصه
وفيه فنانة معروفه لما انفصلت عن خطيبها وسئلوها تكلمت عنه بكل ادب واحترام وقالت انفصلنا ( ب اسباب عائليه والله ماكتب لنا هالزواج
واذا كان لنا قدر بان نتزوج راح تجمعنا الحياة من جديد )
ما راحت تقول انه كذا وكذا , والواحد لازم يذكرى محاسن طليقته مو يروح ويطلع عيوبها حتى لو كانت معذبته في عيشته
يعطيك العافية وماقصرت :rfrfrdd: :a4: ,.

[لميس]

http://mz-mz.net/wp-content/up/1372756228_khaled_abdo.jpg
http://mz-mz.net/wp-content/up/1372756228_khaled_abdo_1.jpg
http://mz-mz.net/wp-content/up/1372756228_khaled_abdo_2.jpg
http://mz-mz.net/wp-content/up/1372756228_khaled_abdo_5.jpg

شوف ولدهه بس شكلي باخذ فرنسي ههههه يطلع مثله وازينه وخدوده

[ملامح صادقه]

تصدق زمآن أقول شحليله محمد عبده الحين طآح من عيني عقب كلآمه هذآ مآتوقعته يصرح به الكلآم عن زوجته

والله مآيستحي ع وجهه


وأنت يالكآريبي من يقول لك أن الرجآجيل كلهم يعدلون يالله تلقى وع آلاصآبع ينعدوون

يآأمآ شفنآ كثيير مآيعرفون العدل

لكن مآنقول آلا الله يهديهم

[الكاريبي]

http://mz-mz.net/wp-content/up/1372756228_khaled_abdo.jpg
http://mz-mz.net/wp-content/up/1372756228_khaled_abdo_1.jpg
http://mz-mz.net/wp-content/up/1372756228_khaled_abdo_2.jpg
http://mz-mz.net/wp-content/up/1372756228_khaled_abdo_5.jpg

شوف ولدهه بس شكلي باخذ فرنسي ههههه يطلع مثله وازينه وخدوده
تبين الصدق !
والله كنه ماخذ لحجية ،شبه ابوه الله لا يبلانا ،ماغيرت فيه الفرنسية شي ابد !!!

[ملامح صادقه]

http://mz-mz.net/wp-content/up/1372756228_khaled_abdo.jpg
http://mz-mz.net/wp-content/up/1372756228_khaled_abdo_1.jpg
http://mz-mz.net/wp-content/up/1372756228_khaled_abdo_2.jpg
http://mz-mz.net/wp-content/up/1372756228_khaled_abdo_5.jpg

شوف ولدهه بس شكلي باخذ فرنسي ههههه يطلع مثله وازينه وخدوده



ههههههههههههههههههههههههههههه

ضحكتيني من قلب يآلميس وأنآ معك

[لميس]

تبين الصدق !
والله كنه ماخذ لحجية ،شبه ابوه الله لا يبلانا ،ماغيرت فيه الفرنسية شي ابد !!!

لاوالله انه مايشبهه ابووه ماشالله يجنن ولده
وهذي مواصليه لوفرنسيه اصليه كان شفت جمال ثاني

[الكاريبي]

تصدق زمآن أقول شحليله محمد عبده الحين طآح من عيني عقب كلآمه هذآ مآتوقعته يصرح به الكلآم عن زوجته

والله مآيستحي ع وجهه


وأنت يالكآريبي من يقول لك أن الرجآجيل كلهم يعدلون يالله تلقى وع آلاصآبع ينعدوون

يآأمآ شفنآ كثيير مآيعرفون العدل

لكن مآنقول آلا الله يهديهم
عاد اخطى وزل لسانه !اعذروه ما خذ فرنسية وش بعد !حكى مادرا !!

خلاص انا اقول الرجال مايعدلون ولا فيهم خير بعد وينكرون الجميل بعد
شكرا لك ملامح صادقه

[لميس]

ههههههههههههههههههههههههههههه

ضحكتيني من قلب يآلميس وأنآ معك

هههههههههههه يالله قداام :t169:

[الكاريبي]

لاوالله انه مايشبهه ابووه ماشالله يجنن ولده
وهذي مواصليه لوفرنسيه اصليه كان شفت جمال ثاني
يعني ماهيب بنت حمايل قصدك ؟؟؟؟؟؟؟؟؟

[لميس]

يعني ماهيب بنت حمايل قصدك ؟؟؟؟؟؟؟؟؟


والله مادري عننها بس فرنسية تقليدية موحق وحقيقة

[&بنت تمير&]

http://mz-mz.net/wp-content/up/1372756228_khaled_abdo.jpg
http://mz-mz.net/wp-content/up/1372756228_khaled_abdo_1.jpg
http://mz-mz.net/wp-content/up/1372756228_khaled_abdo_2.jpg
http://mz-mz.net/wp-content/up/1372756228_khaled_abdo_5.jpg

شوف ولدهه بس شكلي باخذ فرنسي ههههه يطلع مثله وازينه وخدوده













هههههههههههههههههاي. قدام ي لميس












لميس والله زود ماهو ماخذ فرنسيه قاعد ياخذ حسناتنا اللي نجمعها. هههههه

[لميس]

هههههههههههههههههاي. قدام ي لميس












لميس والله زود ماهو ماخذ فرنسيه قاعد ياخذ حسناتنا اللي نجمعها. هههههه


هههههههههههه يالله موافقه

من جدد لكن هو الغلطان ليه يسب زوجته حنا ندافع عن زوجته

يعني نشوف الغلط ونسكت شيء يقهر والله

[ملامح صادقه]

تصدقون جآلسه أفكر وش يقصد بآأنهآ علمتني الحيآة

يعني منوآل مآيعرف الحيآة وآلا وش السآلفه

[&بنت تمير&]

تبين الصدق !
والله كنه ماخذ لحجية ،شبه ابوه الله لا يبلانا ،ماغيرت فيه الفرنسية شي ابد !!!







الا غيرت وهالبياض وشو "?!

[الكاريبي]

والله مادري عننها بس فرنسية تقليدية موحق وحقيقة
انا مدري وش قصدك ماهيب اصيله !!!!!!!!
لكن فرنسية وبس

[الكاريبي]

الا غيرت وهالبياض وشو "?!
والله مدري اشوف مافيه فرق عن ابيه والله ،مدري عندي عمى الوان !
الله يصلحه ويصير مثل ابوه

شكرا لك

[ملامح صادقه]

انا مدري وش قصدك ماهيب اصيله !!!!!!!!
لكن فرنسية وبس

قصدهآ أتوقع أن آلآب موب فرنسيي يمكن بريطآنيآ أو هندي أو أندونوسيآ أو اي شي بس مآيكونون آلآم وآلاب فرنسيين أتوقع

[الكاريبي]

تصدقون جآلسه أفكر وش يقصد بآأنهآ علمتني الحيآة

يعني منوآل مآيعرف الحيآة وآلا وش السآلفه
يعني لو انه ماخذ هالفرنسية من مبطي كان في عيشة راضية !
رجل كبير ومجرب ويطرح تجربته ويقول يا ناس اللي يبي يعرس هذي فرنسا لا يتعدها

شكرا لك

[❤صعبة المنال❤]

اه بس يالقهر

ليت هالاثيوبيات. ينحرونه. نحر اجل توه يعيش حياته. هالرجال مأمنهم امان البعض منهم. يوم مل من الاولى. قال تو احس بالزواج حسبي الله عليه.
يكفي. انها متحملته. سنين هو وخشته والحين جاي. يفجرها ب هالكلام
مصيره. مال من الثانيه ومرده للأولى. طال الزمن أو قصر. بس طفرن بها الحين شيء يقهر دائم الحريم. مقهورات


حسبي الله ونعم الوكيل

[الكاريبي]

قصدهآ أتوقع أن آلآب موب فرنسيي يمكن بريطآنيآ أو هندي أو أندونوسيآ أو اي شي بس مآيكونون آلآم وآلاب فرنسيين أتوقع
يمكن هذا قصدها !
يعني ماهيب من عروق فرنسية ،فرنسية ،
يعني مشروكه فيه خلط !
شكرا على التوضيح ياملامح

[الكاريبي]

اه بس يالقهر

ليت هالاثيوبيات. ينحرونه. نحر اجل توه يعيش حياته. هالرجال مأمنهم امان البعض منهم. يوم مل من الاولى. قال تو احس بالزواج حسبي الله عليه.
يكفي. انها متحملته. سنين هو وخشته والحين جاي. يفجرها ب هالكلام
مصيره. مال من الثانيه ومرده للأولى. طال الزمن أو قصر. بس طفرن بها الحين شيء يقهر دائم الحريم. مقهورات


حسبي الله ونعم الوكيل
لا حول ولا قوة الا بالله

بدال ما تدعون له بالتوفيق وان الله يرزقه تدعون عليه !!!
وهو بعد صابر عليها

شكرا لك

[❤صعبة المنال❤]

لا حول ولا قوة الا بالله

بدال ما تدعون له بالتوفيق وان الله يرزقه تدعون عليه !!!
وهو بعد صابر عليها

شكرا لك

عسى ماشر ياخي. نروح ندعي ل واحد. يتكلم عن زوجته كذاء!؟لو فيه. خير ماتكلم عنها بس الله يعين بس.

[¬ بشَآيرَ ' !]

ماعليش ي جميلات كبرتو الموضوع شوي !
هو غلط يوم تكلم على زوجته بس هذا مايعطيكم الحق تدعون عليه وتتحسبون !
الرجال كبير وعارف وش قاعد يسوي وبكيفه يتزوج فرنسيه هنديه .. الخ هذي حريه شخصيه :a4::a4: ,.

[الكاريبي]

محمد عبده فنان كبير واذا كان هالكلام مو اشاعه وهو قايله صدق
ف عيب عليه يسوي كذا ! رجال وش كبره يتكلم عن زوجته كذا وقدام العالم ؟
المفروض مايقول انها نكديه ولا شيء ترا يقدر يقول تطلقنا لظروف خاصه
وفيه فنانة معروفه لما انفصلت عن خطيبها وسئلوها تكلمت عنه بكل ادب واحترام وقالت انفصلنا ( ب اسباب عائليه والله ماكتب لنا هالزواج
واذا كان لنا قدر بان نتزوج راح تجمعنا الحياة من جديد )
ما راحت تقول انه كذا وكذا , والواحد لازم يذكرى محاسن طليقته مو يروح ويطلع عيوبها حتى لو كانت معذبته في عيشته
يعطيك العافية وماقصرت :rfrfrdd: :a4: ,.






كلام جميل ورائع ومرتب ،
في نظري ماقال شي يغضب !!!!!!!!
غريب هالجمة العشوائية عليه

شكرا بشائر

[الكاريبي]

عسى ماشر ياخي. نروح ندعي ل واحد. يتكلم عن زوجته كذاء!؟لو فيه. خير ماتكلم عنها بس الله يعين بس.
بس ولو تراه رجال وحبيب ولحية غانمه ما يستاهل والله ومتحمل الغثاء كل عمره مسكين

شكرا لك

[❤صعبة المنال❤]

ماعليش ي جميلات كبرتو الموضوع شوي !
هو غلط يوم تكلم على زوجته بس هذا مايعطيكم الحق تدعون عليه وتتحسبون !
الرجال كبير وعارف وش قاعد يسوي وبكيفه يتزوج فرنسيه هنديه .. الخ هذي حريه شخصيه :a4::a4: ,.



شوفي حبيبتي



احنا ماعرضناه على الزواج ولا على. جنسيتها بس الي قهرنا ليش يتكلم فيها كذا. مهما كان هاذي ام عياله. مهما شاف منها من سوء أو غيره يستر عليها ويشوف الجانب الحلو من حياتها مو الجانب السيء
الواحد يشوف المحاسن قبل المساوئ مهما كان
فما بالك ب رب العالمين الحين اذا أذنب عبده ستر عليه
وهو قام يتكلم عنها ماستر عليها

[¬ بشَآيرَ ' !]

كلام جميل ورائع ومرتب ،
في نظري ماقال شي يغضب !!!!!!!!
غريب هالجمة العشوائية عليه

شكرا بشائر




هو الله يهديه غلط في شيء واحد لما قال نكديه , مسكينه حرمته الاولى المفروض يحترم مشاعرها
وش بتسوي لو شافت هالكلام اللي قاله عنها اكيد بتتضايق !
والى الان ماندري الكلام صحيح ولا كلام جرايد ؟
وماتوقع محمد يقول كذا بس يمكن خانه التعبير وهذي زلة لسان ,.

[&بنت تمير&]

ماعليش ي جميلات كبرتو الموضوع شوي !
هو غلط يوم تكلم على زوجته بس هذا مايعطيكم الحق تدعون عليه وتتحسبون !
الرجال كبير وعارف وش قاعد يسوي وبكيفه يتزوج فرنسيه هنديه .. الخ هذي حريه شخصيه :a4::a4: ,.








ترااااانا نسوووولف ونتناقش ،،،،،

[&بنت تمير&]

والله مدري اشوف مافيه فرق عن ابيه والله ،مدري عندي عمى الوان !
الله يصلحه ويصير مثل ابوه

شكرا لك





هههههههه اجل هاذي متفرنسه موب عرق اصلي فرنسي




اما يصلحه ويصير مثل ابوه في ايش مثلا !

[الكاريبي]

هههههههه اجل هاذي متفرنسه موب عرق اصلي فرنسي




اما يصلحه ويصير مثل ابوه في ايش مثلا !
تقوله لميس !لميس بحثت عن نسبها وتقول انها جزائرية من بني هلال !!
يصير مثل ابوه !يعني الواحد اذا جاه ولد يقولون جعله مثل ابوه وحنا نقول مثلهم !
وللمعلومية ترى محمد عبده رجل صالح منضبط واخلاقية جدا رائعه والله ولا ذكر عنه شي
الله يستر علينا وعليه وكل مسلم يار ب

شكرا بنت تمير

[لميس]

انا مدري وش قصدك ماهيب اصيله !!!!!!!!
لكن فرنسية وبس

اقصصد انها موفرنسية اصليه يعني ماخذه الجنسيه ولا مافيه عرق فرنسي

[لميس]

ماعليش ي جميلات كبرتو الموضوع شوي !
هو غلط يوم تكلم على زوجته بس هذا مايعطيكم الحق تدعون عليه وتتحسبون !
الرجال كبير وعارف وش قاعد يسوي وبكيفه يتزوج فرنسيه هنديه .. الخ هذي حريه شخصيه :a4::a4: ,.




يتزوج ان شالله بنقاليه وش علينا منه
بس الي يقهرر يجي وقدام العالم يسب زوجته ام عياله
ومسستحيل عياله بيرضون يسب امهم قدام العالم حتى لوهي قشرا صدق
خلاص شاف فرنسيه شاف الجنه ينسى نفسسه مولهالدرجه

[الكاريبي]

اقصصد انها موفرنسية اصليه يعني ماخذه الجنسيه ولا مافيه عرق فرنسي
يعني ماهيب فرنسية ؟؟؟؟؟؟؟؟؟؟؟؟؟

[لميس]

يعني ماهيب فرنسية ؟؟؟؟؟؟؟؟؟؟؟؟؟


لااااااااااااااا قصرت وانا احكي:t16:
ماخذه الـ جنسية ولاهي جزائرية

[الكاريبي]

لااااااااااااااا قصرت وانا احكي:t16:
ماخذه الـ جنسية ولاهي جزائرية
امحق !!!!!!!!
وحنا ثايرة عجتنا نحسبها فرنسية ومتمحسين !!
وش اللي حاد محمد عبده يقول انها فرنسية ويشغلنا هو وحرمته ؟؟؟؟؟؟؟
يا الله من دخلت المنتدى وانا مزحلط مع الصبيب

[توليب2]

اقول عن الكلام الي ماله داعي لووو فيه خير مرح يغني

ثاني شي مالوو حرمته تنكد على امه يعني بالله عليكم مايضيق صدره

اذا شافت رجله مع حرمه ثانيه فاق خشته ويضحك معه مالومه ويغنون وسهر وقله حياء

الله لايبلانا الحمدلله والشكر وخذ اجنبيه تدربي راسه ماتدري عن الحلال من الحرم الا اذا صارت مسلمه

والف شكر على الموضوع

[الكاريبي]

اقول عن الكلام الي ماله داعي لووو فيه خير مرح يغني

ثاني شي مالوو حرمته تنكد على امه يعني بالله عليكم مايضيق صدره

اذا شافت رجله مع حرمه ثانيه فاق خشته ويضحك معه مالومه ويغنون وسهر وقله حياء

الله لايبلانا الحمدلله والشكر وخذ اجنبيه تدربي راسه ماتدري عن الحلال من الحرم الا اذا صارت مسلمه

والف شكر على الموضوع
عاد هو يغني من قبل يعرس بحرمته !وراها تاخذه وهي دارية انه يغني ؟علميني !!
لا هوب يضيق الصدر ولا شي ،مار هذي الحريم مايبن طاري العرس وبس وحطيتوا حيلكم في هالاجودي ابونورة

شكرا لك توليب

[لميس]

عاد هو يغني من قبل يعرس بحرمته !وراها تاخذه وهي دارية انه يغني ؟علميني !!
لا هوب يضيق الصدر ولا شي ،مار هذي الحريم مايبن طاري العرس وبس وحطيتوا حيلكم في هالاجودي ابونورة

شكرا لك توليب


لواجودي مثل ماتكرمت ماراح يغني وهو عارف ان الغناء حرام
وجلس يهايط ويسب حرمته ،اتمنى زوجته الفرنسيه تقلب عليه علشان يعرف ان الله حق ويحترم نفسه

[الكاريبي]

لواجودي مثل ماتكرمت ماراح يغني وهو عارف ان الغناء حرام
وجلس يهايط ويسب حرمته ،اتمنى زوجته الفرنسيه تقلب عليه علشان يعرف ان الله حق ويحترم نفسه
اقول !!
عسى ماتطلعونه من المله عقب هالعرسسسسسسسسس!
الله من الهول تقلب عليه !الا الله يسمت على قلوبهم ولا يفرقهم ان شاء الله

[معانق هم]

زين منه ما خذ بس 2 اللي مثله ياخذ 4 :biggrin:

[الكاريبي]

زين منه ما خذ بس 2 اللي مثله ياخذ 4 :biggrin:
وهذا الصحيح !!!
شكرا لك

[توليب2]

يالله الله يقويكم ياامعانق والكاريبي الشرع محلل 4

[ملامح صادقه]

عاد هو يغني من قبل يعرس بحرمته !وراها تاخذه وهي دارية انه يغني ؟علميني !!
لا هوب يضيق الصدر ولا شي ،مار هذي الحريم مايبن طاري العرس وبس وحطيتوا حيلكم في هالاجودي ابونورة

شكرا لك توليب

لوه اجودي ع قولتك ماراح يحش بحرمته الاولئ عند الناس

لكنه موب رجال ولايعرف المرجله ولايخاف الله

ويحمد ربه ان لقاه احد ووافق عليه

[توليب2]

صادقه ملامح يحمد ربه احد يوفق عليه

[جروح الوفا*]

الله يوفقه وياخذ العاشره ان شاء الله نقصة علييه
من عمر الدنيا وهم يقولون العود لا عود انهبل وهو انهبل

[الكاريبي]

يالله الله يقويكم ياامعانق والكاريبي الشرع محلل 4
عن نفسي اقول بسم الله علي من العروس !اللي عندي يسدني !!!!
توليب لا تفاولين علي بالعروس

[الكاريبي]

لوه اجودي ع قولتك ماراح يحش بحرمته الاولئ عند الناس

لكنه موب رجال ولايعرف المرجله ولايخاف الله

ويحمد ربه ان لقاه احد ووافق عليه
عاد انتي مصدقة ان محمد عبده يسب حرمته !!
ماقال الا كلمة وحيدّة ،وقالها وهو مستحي (نكدية)بسسسسسسسسس!
ونكون واقعيين ترى الحريم تحب المواحن والزن !!
شكرا لك ملامح صاقة

[الكاريبي]

صادقه ملامح يحمد ربه احد يوفق عليه
ابونورة كل يتمناه ماشاء الله عليه !!!!!!!!!!!

[الكاريبي]

الله يوفقه وياخذ العاشره ان شاء الله نقصة علييه
من عمر الدنيا وهم يقولون العود لا عود انهبل وهو انهبل
عشانه اعرس يقاله مهبول!!!

[ملامح صادقه]

عاد انتي مصدقة ان محمد عبده يسب حرمته !!
ماقال الا كلمة وحيدّة ،وقالها وهو مستحي (نكدية)بسسسسسسسسس!
ونكون واقعيين ترى الحريم تحب المواحن والزن !!
شكرا لك ملامح صاقة
بس نكديه وهالكلمه ماتجرح
لاترفع ضغطي يعني هالكلمه شويه !!لوهالكلمه مقيوله في حقه كان شبيتوا في الحرمه
والرجاجيل فيهم حقهم واشد من الحريم ولا الحريم سوئ يومك تقول الحريم تحب المواحن والزن

[الكاريبي]

بس نكديه وهالكلمه ماتجرح
لاترفع ضغطي يعني هالكلمه شويه !!لوهالكلمه مقيوله في حقه كان شبيتوا في الحرمه
والرجاجيل فيهم حقهم واشد من الحريم ولا الحريم سوئ يومك تقول الحريم تحب المواحن والزن
يعني الان ماتحسون يالحريم انكم دايم تنكدون !!
وللمعلومية الحرمة اللي ماهيب نكدية وش ينبغى بها ؟يعني ميزة الحرمة الحر والقر والتنكيد
شكرا لك

[ملامح صادقه]

يعني الان ماتحسون يالحريم انكم دايم تنكدون !!
وللمعلومية الحرمة اللي ماهيب نكدية وش ينبغى بها ؟يعني ميزة الحرمة الحر والقر والتنكيد
شكرا لك

والله ماعرفنا لكم يارجاجيل

[الكاريبي]

والله ماعرفنا لكم يارجاجيل
ابد عني الحرمة النكدية هي الحرمة ،اجل باردة ولا تهوش !وش ينبغى بها

[لميس]

ابونورة كل يتمناه ماشاء الله عليه !!!!!!!!!!!


:107: قول قسسم من يتمناه بالله !!!!

[الكاريبي]

:107: قول قسسم من يتمناه بالله !!!!
بتمناه بنو جلدته اما من ابوعريش والا صامطة ،جيزان يتمنونه كلهم !!!!!!!!!!!!!
وش توقعين تبي تمناه واحدة من قريش والا تميم !!!

[لميس]

بتمناه بنو جلدته اما من ابوعريش والا صامطة ،جيزان يتمنونه كلهم !!!!!!!!!!!!!
وش توقعين تبي تمناه واحدة من قريش والا تميم !!!

اتحد احد يرضى يزوج بنته من مغني وهذا هو الحق حتى لوكانو من بني جلدته اهم شيء الاخلاق
والمغني محد يتمناااه زوج لبنته مسسستحيل

[الكاريبي]

اتحد احد يرضى يزوج بنته من مغني وهذا هو الحق حتى لوكانو من بني جلدته اهم شيء الاخلاق
والمغني محد يتمناااه زوج لبنته مسسستحيل
هذا ماهوب أي مغني !
فنان الوطن والعرب !!!!!!!!!!!!!!!!هم اللي يقولونه ماهوب انا .
وفيه مثل يالميس لا تنسينه (كل ساقط وله لاقط )

[لميس]

هذا ماهوب أي مغني !
فنان الوطن والعرب !!!!!!!!!!!!!!!!هم اللي يقولونه ماهوب انا .
وفيه مثل يالميس لا تنسينه (كل ساقط وله لاقط )


الله يهدديهم جميعااا
واللهم اني صائمه لاناخذ ذنوبهم
شكرا لك

[الكاريبي]

الله يهدديهم جميعااا
واللهم اني صائمه لاناخذ ذنوبهم
شكرا لك
اي والله وش دخلنا فيهم
شكرا لك

[توليب2]

اقتباس:
المشاركة الأصلية كتبت بواسطة ملامح صادقه

** والله ماعرفنا لكم يارجاجيل


ابد عني الحرمة النكدية هي الحرمة ،اجل باردة ولا تهوش !وش ينبغى بها



في هذي معك حق. الحي يحيك من عمر الدنياء

[الكاريبي]

اقتباس:




في هذي معك حق. الحي يحيك من عمر الدنياء
اجل وش يزعلكم من كلمة نكدية ؟؟؟؟؟؟؟؟؟؟؟
ابد نكدوا عليهم بكثر الروحات للسوق !!!!!!!!!!!!!

[&بنت تمير&]

تقوله لميس !لميس بحثت عن نسبها وتقول انها جزائرية من بني هلال !!
يصير مثل ابوه !يعني الواحد اذا جاه ولد يقولون جعله مثل ابوه وحنا نقول مثلهم !
وللمعلومية ترى محمد عبده رجل صالح منضبط واخلاقية جدا رائعه والله ولا ذكر عنه شي
الله يستر علينا وعليه وكل مسلم يار ب

شكرا بنت تمير





العفو ،،،،






عاد منضبط عندها استفهام. لكن مهوب داعيه عشان تمدحه وتدافع عنه!




وبعدين الحرمه زين تكون نكديه وراعيه زن ومواحن. لو كذا زين كان ما اعرس عليها








عاد هالرجاجيل الف عذر يرقع لنفسه لابغى يتشبب




والله مالقاها الا هههههو حسنات تتطاير له










استغغغغغغغغفر الله بس

[&بنت تمير&]

اجل وش يزعلكم من كلمة نكدية ؟؟؟؟؟؟؟؟؟؟؟
ابد نكدوا عليهم بكثر الروحات للسوق !!!!!!!!!!!!!







اجل يالله ي بنات وي حريم انفضوا جيوبهم نفض ههههههههه

[الكاريبي]

اجل يالله ي بنات وي حريم انفضوا جيوبهم نفض ههههههههه
هو بقى في جيوبنا شي !
كلش خذتوه !!!!!!!!!!!!!!!!!

[الكاريبي]

العفو ،،،،
عاد منضبط عندها استفهام. لكن مهوب داعيه عشان تمدحه وتدافع عنه!
وبعدين الحرمه زين تكون نكديه وراعيه زن ومواحن. لو كذا زين كان ما اعرس عليها
عاد هالرجاجيل الف عذر يرقع لنفسه لابغى يتشبب
والله مالقاها الا هههههو حسنات تتطاير له
استغغغغغغغغفر الله بس
يمكن انه افضل من بعض الدعاة ،يمكن انه يعمل اعمال خير افضل عند الله من غيره !يمكن انه يبيني مساجد ويكفل ايتام !
ترى الامور ماتقاس بالمظاهر ,
وبعدبن تعالي وش التفضيل للدعاة عن غيرهم ؟ترى اعمال الخير ماهيب محصورة في شي معين اعمال الخير واجد .
بالنسبة للزواج واقولها على روس الاشهاد كا رجل اذا حصل لك حرمة بنت اجواد وطيبه وقبلت بك لا تترد لو تخسر اللي قدامك واللي وراك !
ان شاء الله محمد عبده محد سبه ولا قال فيه

شكرا بنت تمير