دروب الامل
13 / 06 / 2012, 15 : 10 PM
عهدي بهـا قـدام تلبـس عبايـه
وانا بعد قبل ألبس شمـاغ وعقـال
طفلين نتهجّـى حـروف الهجايـه
الله ياماجمـل سواليـف الاطـفـال
كانت لنا فـي كـل شـارع حكايـه
وكنا نقـول علـوم ماهيـب تنقـال
وكنـت اتقاسـم مامعاهـا معـايـه
من(اسكريم) التوت للعلك ابوريـال
وكانت بعكسي شاطره فـي القرايـه
تقرأ جـزء عـمّ وطـه والانفـال
وأنا لك الله مـن مـواري غبايـه
مدري ابو النقطه هو الـدال او ذال
وكانت لاابوي تشتكي مـن شقايـه
وتعلّمه كيف اربـط البـاب بحبـال
ياما على ظهري كسر من عصايـه
يقول لي : خلّك وأنا ابـوك رجّـال
وامي تقول : ادع لولـدك الهدايـه
خوفي يصيبه كثرة الضرب بهبـال
لاشفتهـا مـع اول الـدرب جايـه
مدري أنا اللي ملت ولاّ الوطا مـال
احسّ قلبي يرتجـف فـي حشايـه
ماكنّـه الاّ الضيـف لاهـزّ فنجـال
ياما عن "ام السعف" تخبّت ورايـه
لاخوفوها فيـه ثـم شافـت ظـلال
تقول : خلّـك يـا(محـمد ) معايـه
واسّتأنس العب عندها دور الابطـال
وآغار حتّى من عيـون اصدقايـه
لا طالعوها قلت : (( تكفووووون ياعيال))
.........
للإستماع للشيلهـ
http://www.safeshare.tv/w/gZAJeVBycx
وانا بعد قبل ألبس شمـاغ وعقـال
طفلين نتهجّـى حـروف الهجايـه
الله ياماجمـل سواليـف الاطـفـال
كانت لنا فـي كـل شـارع حكايـه
وكنا نقـول علـوم ماهيـب تنقـال
وكنـت اتقاسـم مامعاهـا معـايـه
من(اسكريم) التوت للعلك ابوريـال
وكانت بعكسي شاطره فـي القرايـه
تقرأ جـزء عـمّ وطـه والانفـال
وأنا لك الله مـن مـواري غبايـه
مدري ابو النقطه هو الـدال او ذال
وكانت لاابوي تشتكي مـن شقايـه
وتعلّمه كيف اربـط البـاب بحبـال
ياما على ظهري كسر من عصايـه
يقول لي : خلّك وأنا ابـوك رجّـال
وامي تقول : ادع لولـدك الهدايـه
خوفي يصيبه كثرة الضرب بهبـال
لاشفتهـا مـع اول الـدرب جايـه
مدري أنا اللي ملت ولاّ الوطا مـال
احسّ قلبي يرتجـف فـي حشايـه
ماكنّـه الاّ الضيـف لاهـزّ فنجـال
ياما عن "ام السعف" تخبّت ورايـه
لاخوفوها فيـه ثـم شافـت ظـلال
تقول : خلّـك يـا(محـمد ) معايـه
واسّتأنس العب عندها دور الابطـال
وآغار حتّى من عيـون اصدقايـه
لا طالعوها قلت : (( تكفووووون ياعيال))
.........
للإستماع للشيلهـ
http://www.safeshare.tv/w/gZAJeVBycx