إشارة حي الياسمين خطيرة

[كلاش تمير]

السلام عليكم ورحمة الله وبركاتة
حياكم الله ياأعضاء وزوار منتدى تمير أبدخل في الموضوع علطول
أنا اليوم وأنا طالع من حي الياسمين على الشارع العام والأشارة خضرا لي ألا واحد جاي من الوسيعة طاير كنه جايب خبر عيد ويطب علي وفكني الله وغيري واجد يشتكون منها لانها في منحنى وخط حي الياسمين إلي يطلع على الشارع العام مدري وشلون جاي على شعيب ولاهوب متساوي تطب على الشارع العام فجاة وين البلدية عنه
ماشفنا خير عقب الأشارات ماتدري إذا صارت لك خضرا أن الثاني يبي يوقف وإلا يمشي ونبي نشوف رايكم على حطة الأشارة

[محترم باخلاقي]

انا اشوف ان الاشاره موقع حلو لان اكثر العالم تسرع مناك
بس يمكن لوهم مقدمين الاشاره يعني حاطين بعد الملف احسن
وهذا رائي تقبل مروري..~

[المدحدر]

موضوعك في محله ياكلاش ماأستفدنا من الأشارة شي لان أكثر الناس يقطعها وهو على سرعة ولا ينتبة للأخرين وثانيا شارع الياسمين إلي يطلع على الشارع العام يبيلة مهندس فاهم

[الورر]

البلديه والمرور في تميرمثل الزربه المنشقه فيهم عواجه ماهي علي سنع

[دحوم الخالديه]

والله ألآشآره مآلهآ سسسنع وألتقآطططع خطططر لآن محد بيوقف للأشاره الكل مجلعد ..
موضوعك مهمممم..

[ط َـموح]

+
وعليكم آلسلآم ورحمةة آلله ,
إذآ آنت بتحل مشكلة آلآشآره بأنهم يشيلونهآ آجل مآله دآعي آلآشآرآت آلباقيه في تمير ,
وبعد آلشرطه مآلهآ دآععي , وآلدوآرآت شيلوهآ مضيقهه علينآ , كذا تبغى آلآمور تنحل ! وبنفس آلوقت تبغى آلسلآمه .. !
لآ مآيصلح كذآ , ليه مآتقول تطبق آلعقوبه لقآطعيها , < وهذآ آن شاء الله سيطبق بعد تفعيل دوريآت آلمرور .
وبشكل عآم سوءآ في تمير وآلآ غيره , تعتمد على وعي آلشخص بغض آلنظر عن آلآخطآء آلهندسيه آللي يرآهآ آلموآطن ,
+ آتمنى آلسلآمه للجميع ,
تحيآتي لكك ,*

[تمير يا عشقي]

فيه ناس عندنا في تمير افكارها مضروبه ماعندهم اي خبره في تمير

ما تابوا من دور الوسيعه وجابوا لنا ها الاشاره في ها المنحدر الخطر

الناس ماوقفت في الاشاره الرئيسيه جابوا لنا هذي ،، وبعدين في هذا المكان من احسن شي ماحد اشتكى منه ولا حوادث والحمد لله قبل

وشفوا عقب ها الاشاره والله تشوفون العجب .. بس ماراح يأخذون كلام احد لين تكثر الحودث وكم واحد يموت ثم بعد الشكاوي يفكرون في شيلها

حسبي على من له اي دخل في وضعها في هذا المكان الخطر

[توأم الجود]

قل دبره

هذا هو حال هذه الاشاره

يعني طريق عام يربط تمير بمزارعها و بمبايض ؛ يكون فيه اشاره تقاطع لحي مافيه سكان !! و الاخر قليل جدا مستخديمه !!!

الاشاره هذي ماشهدت ولا حادث ؛ لكن الان الخطر كبير والله يستر بس

تحياتي

[النادر]

انا اشوف موقع الاشاره غلط وخطر جدا الشارع مفتوح ووسيع ماله داعي من كثر البشر الي تمر هناك
تقاطع طريق الثلاثين مع الشارع العام اخطر ومافيه اشاره صدق قل دبره واشغال المسلمين .
الشي الثاني ياليت يشوفون حل لاشاره محطة الملتقى فهي قنبلة موقوته وتبون الصدق اول مره اشوف
شارع فيه 5 اشارات
لكن نقول ربك يعين ويرزقنا شخص فاهم ويحل هالمشاكل الي نعاني منها في تمير

[كلاش تمير]

انا اشوف ان الاشاره موقع حلو لان اكثر العالم تسرع مناك
بس يمكن لوهم مقدمين الاشاره يعني حاطين بعد الملف احسن
وهذا رائي تقبل مروري..~

مشكور يامحترم على المرور بس لو بعض الناس تحترم الاشارة وتوقف كان زين ماقلنا شي

[كلاش تمير]

موضوعك في محله ياكلاش ماأستفدنا من الأشارة شي لان أكثر الناس يقطعها وهو على سرعة ولا ينتبة للأخرين وثانيا شارع الياسمين إلي يطلع على الشارع العام يبيلة مهندس فاهم

شكرا يالمدحدر على التفاعل

[T_N_T]

هذي مشكلة بلديتنا ..نطلعهما من جرف تطب بدحديرا... ما صدقنا نخلص من دوار الموت ..يطلعون لنا باشارة الهلاك ..

اول الواحد يجي التقاطع وهو حذر وحاط في باله يمكن يطلع عليه احد ..
اما الان بعد الاشارة بعض الناس اللي ما يعرفون الوضع عندنا في تمير لما يشوف الاشارة خضراء بيمشي وهو مطمئن غير حاس بالخطر اللي يتربص به ..من الناس اللي ما عبرو الاشارة
يعني الواحد قبل لما يشوف التمهل يحذر شوى

يا بلدية ..تعبنا من طقها والحقها نبي تخطيط ..نبي شهادات نبي مهندسين .. خلاص انتها دور المتردية والنطيحة ...

[كلاش تمير]

البلديه والمرور في تميرمثل الزربه المنشقه فيهم عواجه ماهي علي سنع
فيهم الخير والبركة بس الأنسان بشر يخطئ ,إن شاء الله يستفيدون من خطا دوار الوسيعة
يعطيك العافيةالورر على الراي

[كلاش تمير]

والله ألآشآره مآلهآ سسسنع وألتقآطططع خطططر لآن محد بيوقف للأشاره الكل مجلعد ..
موضوعك مهمممم..
حياك الله دحوم في الموضوع المهم

[كلاش تمير]

+
وعليكم آلسلآم ورحمةة آلله ,
إذآ آنت بتحل مشكلة آلآشآره بأنهم يشيلونهآ آجل مآله دآعي آلآشآرآت آلباقيه في تمير ,
وبعد آلشرطه مآلهآ دآععي , وآلدوآرآت شيلوهآ مضيقهه علينآ , كذا تبغى آلآمور تنحل ! وبنفس آلوقت تبغى آلسلآمه .. !
لآ مآيصلح كذآ , ليه مآتقول تطبق آلعقوبه لقآطعيها , < وهذآ آن شاء الله سيطبق بعد تفعيل دوريآت آلمرور .
وبشكل عآم سوءآ في تمير وآلآ غيره , تعتمد على وعي آلشخص بغض آلنظر عن آلآخطآء آلهندسيه آللي يرآهآ آلموآطن ,
+ آتمنى آلسلآمه للجميع ,
تحيآتي لكك ,*

مشكور طموح على الطلة بس أنا ماقلت يشيلونها بس موقع أشارة الياسمين سئ للغاية

[كلاش تمير]

فيه ناس عندنا في تمير افكارها مضروبه ماعندهم اي خبره في تمير

ما تابوا من دور الوسيعه وجابوا لنا ها الاشاره في ها المنحدر الخطر

الناس ماوقفت في الاشاره الرئيسيه جابوا لنا هذي ،، وبعدين في هذا المكان من احسن شي ماحد اشتكى منه ولا حوادث والحمد لله قبل

وشفوا عقب ها الاشاره والله تشوفون العجب .. بس ماراح يأخذون كلام احد لين تكثر الحودث وكم واحد يموت ثم بعد الشكاوي يفكرون في شيلها

حسبي على من له اي دخل في وضعها في هذا المكان الخطر

صدقت ماتابو من دوار الوسيعة يجيبون أشارة والخط قبل الأشارة وش زينة والحين يروع

[كلاش تمير]

قل دبره

هذا هو حال هذه الاشاره

يعني طريق عام يربط تمير بمزارعها و بمبايض ؛ يكون فيه اشاره تقاطع لحي مافيه سكان !! و الاخر قليل جدا مستخديمه !!!

الاشاره هذي ماشهدت ولا حادث ؛ لكن الان الخطر كبير والله يستر بس

تحياتي
الله يستر
قلة دبرة وغشامة
شكرا ابو ياسر

[كلاش تمير]

انا اشوف موقع الاشاره غلط وخطر جدا الشارع مفتوح ووسيع ماله داعي من كثر البشر الي تمر هناك
تقاطع طريق الثلاثين مع الشارع العام اخطر ومافيه اشاره صدق قل دبره واشغال المسلمين .
الشي الثاني ياليت يشوفون حل لاشاره محطة الملتقى فهي قنبلة موقوته وتبون الصدق اول مره اشوف
شارع فيه 5 اشارات
لكن نقول ربك يعين ويرزقنا شخص فاهم ويحل هالمشاكل الي نعاني منها في تمير
ياهلا بالنادر أجل مخلين شارع الثلاثين الأخطر ورايحين للوسيعة ماعندك أحد

[كلاش تمير]

هذي مشكلة بلديتنا ..نطلعهما من جرف تطب بدحديرا... ما صدقنا نخلص من دوار الموت ..يطلعون لنا باشارة الهلاك ..

اول الواحد يجي التقاطع وهو حذر وحاط في باله يمكن يطلع عليه احد ..
اما الان بعد الاشارة بعض الناس اللي ما يعرفون الوضع عندنا في تمير لما يشوف الاشارة خضراء بيمشي وهو مطمئن غير حاس بالخطر اللي يتربص به ..من الناس اللي ما عبرو الاشارة
يعني الواحد قبل لما يشوف التمهل يحذر شوى

يا بلدية ..تعبنا من طقها والحقها نبي تخطيط ..نبي شهادات نبي مهندسين .. خلاص انتها دور المتردية والنطيحة ...
لا حياة لمن تنادي وشكرا على الرائ السديد

[المتحـ2007ـد]

ابشركم بينظر في امر هالاشاره ولاكن بعد ان يموت فيها احد وتكثر الحوادث

كل الشكر لك اخوي على اهتماااامك بأرواح الابرياء فأنت عكس من يريد الهلاك بهم

[الموادع]

لاحول ولاقوة الابالله العظيم
بجد انا متخوف من ذا الاشاره واكثر واحد يمر معها انا
لاني من سكان حي الياسمين ومن كثر ماامر معها شاهدت
الكثير يمر مع الاشاره وهي خضره ولايلتفت فيه احد قاطعها اولا
والله ثم والله ان الاشاره وضعها خطييير حتى اللي يرضع من امه يقول موقع الاشاره خطييييير
اول كنت انا وغيري اذا جينا عند التقاطع نهدي ونشوف من جاء ونمشي والان الغريب اللي مو من الديره
بيجي على سرعته اذا هي خضره وراعي الديره المستهتر بالاشاره بيكون هو والغريب ضحايا الاشاره
ياليت البلديه والشرطه يشوفون لها حل سريع قبل لايجي شي لايحمد عقباه
ربي استر علي وعلى كل مسلم من شر الحوادث وخطرها يارب لطفك بعبادك يارب

[matab]

كلامك في محله اخوي موقعها خطر جدا

المفروض تكون قدام بيت حسين الحسين ابو محمد

وبيت غالب الفيصل

هناك شارع سايدين ويخدم حي الملك فيصل وحي الياسمين

[أبو ريوف]

الموضوع شبه إجماع إن لم يكن إجماع على خطورته ، فلما وضعت الإشارة ؟

يوميا أروح الدوام من عندها ، والله إني متخوف في كلا الحالات

( حمراء ) توقف مشكلة العالم طايرة ويجي أحد يبلاك ، تمشي مشكلة ....

( خضراء ) تمشي فيه ناس قاطعة الإشارة ولا رادع ، بصراحة أعصاب


الحل : 1) دورية تداوم هناك أو بحث سري وقسائم وحجز

2) إزالة للإشارة فموقعها مش ولا بد


حلول مستقبلية متوقعة ولا نرغبها :

أ ) وضع مطابات 2) إغلاق الاشارة والمنفذ

[الورر]

اشارة حي الياسمين في منعطف والله العالم انهم يسمعون الي يقول ارس ياجمس وعتدل ياملف وصدقو

[قاصر عنوه]

والله خطره جدا

انا ادام من حي الياسمين والاشاره هذي مقدتني

توقف للحمراء يجي من يبلاك

تمشي وهي خضراء يجي من يبلاك

منعطف خطر جدا ولا يمكن ان نجد له حل الا بتسكيره

ويفتح فتحه قبل دوار الوسيعه

[ط َـموح]

الموضوع شبه إجماع إن لم يكن إجماع على خطورته ، فلما وضعت الإشارة ؟

يوميا أروح الدوام من عندها ، والله إني متخوف في كلا الحالات

( حمراء ) توقف مشكلة العالم طايرة ويجي أحد يبلاك ، تمشي مشكلة ....

( خضراء ) تمشي فيه ناس قاطعة الإشارة ولا رادع ، بصراحة أعصاب


الحل : 1) دورية تداوم هناك أو بحث سري وقسائم وحجز

2) إزالة للإشارة فموقعها مش ولا بد


حلول مستقبلية متوقعة ولا نرغبها :

أ ) وضع مطابات 2) إغلاق الاشارة والمنفذ

لآ فُضْ فوك آبو ريوف ,
هذآ آللي كنت حآب آوصصله , لآنو بجَد مآفييه آلآ كذآ .
شكراً

[باترولـ1991ـ]

الله يستر من الاشاره

[نقا الكرم]

التقاطع واضح ولا يحتاج إشارة ولم يسبق أن وقع فيه اي حادث ولله الحمد
لكن يبدو أن من خطط لهذه الإشارة شاف الحوادث خافه ونازله هالشهر فحب إنه يعطيها نسبه فوق فقط لاغير!
لا جديد متعودين على عقليات لا تفقه .
الله لايرينا مكروه في انفسنا ولا في قريب او بعيد

[L O R D]

مالها فايدة ..

ماوقفوا بالاشاره اللي وسط الديره تبيهم يوقفون بذا البعيده


:t146:

[ميدوالمنتدى]

هههههههههههههههههه
يارجال خلهاا ع ربككك كل الشعب طاير كن فيه دراهم تقسم

[فيصل ***]

امس عمال على سياره قاطعين الأشاره الي وسط الديره

وعند الوصول لأشارة الملتقى سألتهم ليه تقطعون الأشارة
قال السواق أهل البلد مايتوقفون عند الأشارة وحنا صرنا مثلهم .......

[الفدائي]

الله يعينا كل ماقلنا خلصنا من مشكله جتنا غيرها

[ولد الحصون]

السلام عليكم ورحمه الله
انا في اعتقادي ان التساهل في قطع الاشاره وعدم المبالة تعتمد على وعي آلشخص الوعي المروري واضف علي ذلك لايوجد رادع ومحاسب ((لانه لو وضع دوريه مختابئه عند كل اشاره وبعدها تكوننقطه تفتيش ليكون المستهتر علي موعد مع عقااااب مجزي ..... لرئينا تحسنآ ملحوظآ ))
مع تمنياتي آلسلآمه للجميع ......

[المدحدر]

المفروض الشرطة توقف عند الاشارات روحو شوفو شرطة الحوطة تلقاهم عند الاشارات

[معانق هم]

السلام عليكم ورحمة الله وبركاتة
حياكم الله ياأعضاء وزوار منتدى تمير أبدخل في الموضوع علطول
أنا اليوم وأنا طالع من حي الياسمين على الشارع العام والأشارة خضرا لي ألا واحد جاي من الوسيعة طاير كنه جايب خبر عيد ويطب علي وفكني الله وغيري واجد يشتكون منها لانها في منحنى وخط حي الياسمين إلي يطلع على الشارع العام مدري وشلون جاي على شعيب ولاهوب متساوي تطب على الشارع العام فجاة وين البلدية عنه
ماشفنا خير عقب الأشارات ماتدري إذا صارت لك خضرا أن الثاني يبي يوقف وإلا يمشي ونبي نشوف رايكم على حطة الأشارة



وعليكم السلام ورحمة الله وبركاته

والله يا كلاش مدام مافي نظام ما راح تستفيد من الأشارة
حتي لو حطيتها بالمكان الصحيح ..


انسب حل هو وضع كاميرات عند كل أشارة

[هويملكو]

لازم يحطون مطبات قبل الاشاره

[المتجول]

http://www.safeshare.tv/w/CPeAYqSoMe

الخوف اوقف يجيني واحد طاير مثل اللي بفديو


(http://www.*******.com/watch?v=NJULFiUPa7Q)

[تمير يا عشقي]

كااااااااااااااااارثه والله

وين المسوووووووولين

كل شي يجي لنا والله انتم السبب

حسبي الله عليهم

[قالب ثلج]

اماطة الأذى عن الطريق من الإيمان
الاشاره بوضعها الحالي تعتبر اذى للمسلمين من الأفضل إزالتها عن طريق الشرطه لأن الشرطه:t172: في خدمة الشعب مهوب لقتل الشعب
او بإزالتها عن طريق المواطنين قبل ان يبكوا على ضحايا هذه الاشاره
حلوه اشاره خضراء لي أخاف منها ان وقفت ماسلمت من اللي وراي بيلحقون على الاشاره وان مشيت ماسلمت من قطاع الاشارات يعني مصدوم مصدوم
والله حاله :t20:

[كلاش تمير]

اماطة الأذى عن الطريق من الإيمان
الاشاره بوضعها الحالي تعتبر اذى للمسلمين من الأفضل إزالتها عن طريق الشرطه لأن الشرطه:t172: في خدمة الشعب مهوب لقتل الشعب
او بإزالتها عن طريق المواطنين قبل ان يبكوا على ضحايا هذه الاشاره
حلوه اشاره خضراء لي أخاف منها ان وقفت ماسلمت من اللي وراي بيلحقون على الاشاره وان مشيت ماسلمت من قطاع الاشارات يعني مصدوم مصدوم
والله حاله :t20:

مشكور شر التماسيح على المرور ولازم نشوف حل يأن الشرطة تجلس عند الاشارة وإلا يشيلونها ويريحونا منها

[تمير يا عشقي]

شكلها ماراح تنحل المشكله الا بالقوه ونجيب الشيول ونشيلها

[عزوز الرياض]

انا اشوف موقع الاشاره غلط وخطر جدا الشارع مفتوح ووسيع ماله داعي من كثر البشر الي تمر هناك
تقاطع طريق الثلاثين مع الشارع العام اخطر ومافيه اشاره صدق قل دبره واشغال المسلمين .
الشي الثاني ياليت يشوفون حل لاشاره محطة الملتقى فهي قنبلة موقوته وتبون الصدق اول مره اشوف
شارع فيه 5 اشارات
لكن نقول ربك يعين ويرزقنا شخص فاهم ويحل هالمشاكل الي نعاني منها في تمير

اشارة الملتقى يبيلها موضوع خااااص

من جد كل ما جاء احد من ربعي من الرياض يضحك علينا يقول اشاره في حاره واشاره في محطه
وووووينكم فيه انتم ولا الي يقهر اشارتين جنب بعض يعني طريقها واحد

[كلاش تمير]

اليوم الظهر وانا رايح لصناعية لقيت الاشارة طافية واستانست قلت أكيد ألغوها ويوم رجعت ألاها حمراء قدامي أثر الكهرب طافي على العزيزية

[عاشق ديرتي]

اخطر ثم اخطر من الدوار الي شيل لكن مهب مشيوله اللين يجي شي الله يستر علينا وعلى المسلمين

[المدحدر]

صدقت ياعاشق أن الاشارة خطيرة وكودهم يشيلون الاشارة قبل لا يقع احد فيها ضحية مثل دوار الوسيعة

[هلالي عشيره]

انا اشوف الاشاره راح تكون لها قيمه بس تسرعو ف تشغيلها
والله يستر ع الجميع

[بطل الزاويه]

من كبر تمير عشان الاشارات لو يشلونها كلها احسن والله واريح

[المهندس تمير]

لو الشرطة كل ماخذت توقف عند الاشارات كان محد يقطعها حتى ألحين أشارة الملتقى والاتصالات محد ياقف عندها وين الشرطة لا حس ولا نس

[ولد الوسيعه]

الاشاره مكانها خطير وانا يوميا اكثر من مره اطلع من حي الخزان لخبيره واشوف ناس على سرعتها سوا جايه من مبايض او طالعه من تمير قاطعه الاشاره

[الكابون]

[SIZE="7"]رضاء الناس غايه لاتدرك كلن له راي