تقرير رحلة الدهناء مع ربع نشامى(ادخل ولاتتردد)

بسم الله الرحمن الرحيم
السلام عليكم ورحمة الله وبركاته

مع بداية اجازه الحج كل عام وانتم بخير
ومع هذه الاجواء الجميلة مع انها متقلبة لاكنها رائعة وخصوصا عندما نقضي القليل من ايامها في البر رغم برودة لياليه الا انها تحمل الكثير من المتعه لانها تسليك عن الكثير من الهموم التي تثقل الكاهل
قررنا اانا وبعض الأصدقاء الإبتعاد عن الكثير من الازعاج وفعلا خرجنا الى الدهناء وروضة التنهات ولن اطيل عليكم باالكلام لان الصور ابلغ وارجو ان تنال أجواء الرحله على استحسانكم
واعذروني على التقصير
اليكم الصور
ــــــــــــــــ
صوره من اول يوم

بدايت السمره مع الشقرديه
سوولي الكيف ورأهولي من الدله
البن الاشقر يداوي الراس فنجاله

شاهي في المخ

صوره من اول صباح

وصوره معبره
والهمه في التسابق على التغسيل

صوره على الطاير ماله دخل ابد هه

بعد الافطار الانطلاق لشيب التنهات
وقبل كل شي الوقوف في الشيب لتعبت الماء

صوره في روضة التنهات
وطبخ الغدا

وبعد الغدا مباشره حان الوقت للانطلاق لمحطة حفر العتش(محطة الدوار)لاخذ اغراض العشاء والافطار

صوره للنقاء يوم الخميس
عصر

ولكن تفاجة بكثر الكشاته
وكان العدد تم عده شخصياء اكثر من (60)سيارت
صوره من اعلى النقاء

وقبل صلاة المغرب
الوقوف لي شرب القهوه والشاهي

وبعد الراحه
البدا في تجهيز وجبت العشاء

بدايت التجهيز

صوره جماعية

بعد التجهيز والبدا في نقله

لايوجد تعليق

وهنا صوره للصباح

صوره معبره لكثرت مرتدي هواية التطعيس وجراتهم فوق النقاء
وفي اليوم الاخير فضلنا الرجوع
بسبب سوا الاحوال الجويه
ويضهر لكم صوره معبره
لتنضيف بستم للجوالات ههه

وكان الوقوف لتناول وجبت الافطار
في خوابي الشعب بسبب الاحوال الجويه
صوره من الاعلى

وهنا التجهيزوالمعلبات

وفي الاخير ارجو ان قد نال التقرير
على رضاكم واستحسانكم
وترقبو التقرير القادم
لام رقيبه باذن الله

ما شاء الله عليكم


كشته رااائعه مع هالربع النشاما


يوم الخميس كان الجو كاااايف للكشته


والجمعه خرب الجو وعجعجت الله يرزقنا بالمطر


منهو اللي منكسره يده الله يشفيه ويعافيه والله اللي مريحينه هع




الصوره هذي تنفع غلاف شريط




كل الشكر لك على هذا الموضوع والله يعطيك العافيه

وننتظر تقريرك القادم لأم رقيبه بفارغ الصبر

ولد العز طلعة جميلة جدا لكن لي ملاحظات عليها اذا تسمح.لان قمت اخاف احد يزعل علي.
تبي الصحيح انا ودي ارجع الى اعماركم حسافه الشباب يروح هباء منثور.
تحياتي لكم نسيم

تقرير رائع وجميل ياولد العز
مافيه احلى من طلعه مع شقردية
ما فيهم احد قاعد
ما نقص الا ان الله يسقينا
والخير مقبل بإذن الله

رحله كانت رائعه
من تصوير اروع
عايشنا اجواء الرحله من خلال صوركم التي التقطتموها
فلك جزيل الشكر
وبانتظار المزيد من رحلاتكم الشيقه

يعطيك العافيه يا ولد العز على التقرير الجميل
وهذي مكاشيت الدهناء واجوائها جعلها السيل..
رحله موفقه وتصوير اكثر من محترف ورائع ..
استمتعنا معك برحلتك الجميله
فألف شكر لك ...
ونطمع بالمزيد من ابداع عدستك
تحياتي لك..

اقتباس: المشاركة الأصلية كتبت بواسطة المتحـ2007ـد    ما شاء الله عليكم كشته رااائعه مع هالربع النشاما يوم الخميس كان الجو كاااايف للكشته والجمعه خرب الجو وعجعجت الله يرزقنا بالمطر منهو اللي منكسره يده الله يشفيه ويعافيه والله اللي مريحينه هع الصوره هذي تنفع غلاف شريط كل الشكر لك على هذا الموضوع والله يعطيك العافيه وننتظر تقريرك القادم لأم رقيبه بفارغ الصبر

حيااك الله اخوي المتحد

ومنور الصفحه
والحمد لله نال على اعجابك
وش رايك عاد دلع اي واحد مريض نوفر له كل شي هه

تحيااتي وتقدير لك

معطر الصفحه باالمرور
والقادم افضل باذن الله

اقتباس: المشاركة الأصلية كتبت بواسطة نسيم    ولد العز طلعة جميلة جدا لكن لي ملاحظات عليها اذا تسمح.لان قمت اخاف احد يزعل علي. تبي الصحيح انا ودي ارجع الى اعماركم حسافه الشباب يروح هباء منثور. تحياتي لكم نسيم

حيااك الله اخوي وصديقي وكل شي <مته المعرفه
هه

مابين زعل يانسيم
اي شي مره قله ولاتخاف محد زعل ابد

تسلم على الملاحضه الحلوه مثلك هه
الله يعطيك العافيه

منور الصفحه
ومعطره تحيااتي لك

اقتباس: المشاركة الأصلية كتبت بواسطة المضياني العنزي    تقرير رائع وجميل ياولد العز مافيه احلى من طلعه مع شقردية ما فيهم احد قاعد ما نقص الا ان الله يسقينا والخير مقبل بإذن الله

حيااك الله
وتقرير جميل بمروركم
والله يسقينا الغيث يارب

منور الصفحه
تحيااتي لك وتقديري

يبي لكم اعادة تأهيل ودورات مكثفه مع المهند وابوحمد والمتحد.
القهوه اشوفها ماء صافي ليه؟
المعلبات هذي وشوله كلها؟ اسراف وتبذير وتضييع القطه وتوسيخ البر.
ثانيا/انتم رايحين للبر مالكم هدف ولافيه تخطيط مسبق .احس انكم تبون تقضون هالخميس والجمعة كذا فسق.
ثالثا/ماشفت معكم ولا واحد من المخضرمين لكي تستفيدون منه.
النقاط كثيرة لكن لضيق الوقت حبيت احصرها في ثلاث نقاط او اربع.