دخول المربعانيه

بسم الله الرحمن الرحيم
السلام عليكم ورحمة الله وبركاته

يوم الخميس القادم بمشئه الله26/11/9002م هو اول يوم من ايام المربعانيه وبدخول موسم المربعانية يكون فصل الشتاء قد دخل فعلا ويتمثل ذلك بهبوب ريح شمالية باردة إلا أن هذا البرد لا يستمر طويلا ويعود الدفء كرة ثانية ويعاود هجمته مع حلول النجم الثاني من المربعانية فأولها موسم برد قارص على المناطق الشمالية أما المنطقة الوسطى والشرقية فأولها يتسم بالاعتدال نهارا أما الليل فيتسم بالبرودة لهذا يعتبر أولها طقساً وسمياً بالنسبة للوسطى لاعتدال الطقس فيه..


التقويم :عمل شخصي وجهدي من جدي اطال الله بعمره..



تدفو يامال الغنيمه وخذوا حقكم
ترا ماوراكم الا المربعانيه الموت الحمر ..



<<< يا زين البرد..

مشكوووور يا ابو حمد على هذا الجدول

والله يعينا على البرد بس ولو زين

تسلم يابوحمد ويسلم جدك الله يطول عمره بالصحة والعافية ان شاء الله.
بس لي ملاحظة ان تقويم جدك مقدم نجم كامل وين راح النجم الاخير من الوسم(نجم الزبانا).النجم الاخير يدخل في 24-11-2009م.
ارجو ان تراجع معلوماتك يابوحمد او انك نقلت خطأ من جدك .

االله من البرد بيجي الله يعنا
.
.
بس هالصوره عجبتني أبو حمد

اقتباس: المشاركة الأصلية كتبت بواسطة نسيم    تسلم يابوحمد ويسلم جدك الله يطول عمره بالصحة والعافية ان شاء الله. بس لي ملاحظة ان تقويم جدك مقدم نجم كامل وين راح النجم الاخير من الوسم(نجم الزبانا).النجم الاخير يدخل في 24-11-2009م. ارجو ان تراجع معلوماتك يابوحمد او انك نقلت خطأ من جدك .

نسيم يقولون اكبر منك بيوم اعلم منك بسنه!!
وهذا التقويم الحين نمشي عليه لنا الان 3سنوات
و(نجم الزبانا) هو آخر نجم من الوسم وآخره فصل الخريف فبعده ينتهي الوسم وينتهي الخريف وفي( نجم الزبانا) الي هو الآن تكثر فيه الرياح والعواصف البارده كما نلاحظها الآن وتكثر فيه الغيوم ويوصى فيه لبس الثياب الشتويه وشرب الزنجبيل مثل ما انت الحين تشرب لك كم بياله وطاق لك هذيك الثياب
الي ما يلبسها ولا المعاقب

اقتباس: المشاركة الأصلية كتبت بواسطة المتحـ2007ـد    مشكوووور يا ابو حمد على هذا الجدول

اقتباس: المشاركة الأصلية كتبت بواسطة المتحـ2007ـد    والله يعينا على البرد بس ولو زين

الايام هذي آخر ايام الوسمي وبدايه دخول المربعانيه تبين بقدوم الرياح والعواصف
مع ان اول 10 ايام من المربعانيه تعتبر من الوسمي..
تحياتي لك..

اقتباس: المشاركة الأصلية كتبت بواسطة أبوكدش    االله من البرد بيجي الله يعنا . . بس هالصوره عجبتني أبو حمد

اهم شي دف رويحك يا ابو كدش والبس
زين وما راح تحس بالبرد..
تحياتي لك..

الله يعين جانا البرد
بس والله حلو برده ودفاه
مشكور ابوحمد لاهنت

اقتباس: المشاركة الأصلية كتبت بواسطة أبـوحـمـد    نسيم يقولون اكبر منك بيوم اعلم منك بسنه!! وهذا التقويم الحين نمشي عليه لنا الان 3سنوات و(نجم الزبانا) هو آخر نجم من الوسم وآخره فصل الخريف فبعده ينتهي الوسم وينتهي الخريف وفي( نجم الزبانا) الي هو الآن تكثر فيه الرياح والعواصف البارده كما نلاحظها الآن وتكثر فيه الغيوم ويوصى فيه لبس الثياب الشتويه وشرب الزنجبيل مثل ما انت الحين تشرب لك كم بياله وطاق لك هذيك الثياب الي ما يلبسها ولا المعاقب

اوكيه ابوحمد.جدك يعرف النجوم وابخص لكن اقول انت الان نقلت خطا بارك الله فيك.نجم كامل شطبته من على الكرة الارضية ليه ياخي.ماهوب من حقك الزبانا له حق علي وعليك وعلى الجميع.النجم الاخير الزبانا من نجوم الوسم باقي عليه اربعة ايام.
وين الاخوان وين المتحد يشوف ابوحمد سلب حق واضح لاخينا الزبانا اللي يطلع فيه الفقع .
ارجوك رجاء خاص انك تتأكد قبل الكتابة ياصديقي .

اقتباس: المشاركة الأصلية كتبت بواسطة جنون الورد    الله يعين جانا البرد بس والله حلو برده ودفاه مشكور ابوحمد لاهنت

لاهنت يا جنون الورد ومن اليوم ورايح
طلع الخلقان على قوله نسيم وودها للكواي..