كيف تعرف الحطب الزين؟

السلام عليكم ورحمة الله وبركاته

أذا اردت انك تعرف الحطب الزين يعني يابس (مهوب رطب) يصلح لشبة النار اتبع الاتي:
حاول تاخذ جزء من قشر الحطب الخارجي ، وإذا انكسر بيدك فهو والله أعلم يابس وإذا كان يتمشع معك ولا يخرج اللحاء بسهوله فهو رطب ..
وفائدة ثانية الحطب المشلّق أفضل بكثير وبدون دخان من الأعواد الكاملة المستديرة لأنها تبعث بأنواع الدخان وعدم الولعة بسرعة ..
بالنسبة لي انا أستخدم مكعبات التوليع أفضل من الدافور

وهنا رأي أخر:
إذا شفت الحطب ناخره الدود فهو يابس .. يعني تشوف به خروق تقل مضروب بشوزن ويطلع منهن مثل البودرة == وعلى مسؤليتي == .. إن شريته ولا صلح لك رجعه لي .. بس بشرط ما يصير جايه ماء من وقت قريب ..
..
والي عنده رأيه يحطه بهالموضوع لتعم الفائدة

اقتباس: وهنا رأي أخر: إذا شفت الحطب ناخره الدود فهو يابس .. يعني تشوف به خروق تقل مضروب بشوزن ويطلع منهن مثل البودرة == وعلى مسؤليتي == .. إن شريته ولا صلح لك رجعه لي .. بس بشرط ما يصير جايه ماء من وقت قريب ..

ابو خليل في هذي انا ضدك لانه بيكون الحطب مخرث ما ينفع ابد

خل فيه شوي رطوبه على شان ما يخلص الحطب على طول

ويقولون منول ( دخانها ولا هبوب شمالها )

مشكووووور على الموضوع

بصراحة الرطب هذا ماودك تقربه ..
أبشر بالدخان والغثاء .. وشين الشبه ...
وعلى طاري دخانها ولاهبوب شمالها ..
هذي أم عابس تأكل الرطب واليابس ..

تسلم على المعلومات يبو خليل

اليابس اكيد افضل ولايكون من هالشلايخ الكبار تبحل بها بتكسيرة وغثاها

وانحش من هالمخرث ع قولت المتحد

ولشبه الشاهي للكشتات مامثل الارطى اليابس

والله افضل الي بين وبين يعني لا يابس ولا يصير رطب عشان ما يخلص بسرعه..
مشكور ابو خليل على المعلومه
تحياتي لك..

مشكور يا ابو خليل ع المعلومه

كله زين مار دونه الريال .منول اللوري 4000الاف واليوم 10،000الاف.

مشكوووووور والله يعطيك الف عافيه