رحلتي الى الياقوته سريلانكا .. الوصول .. التقرير الاول

السلام عليكم
كيفكم شباب
الطلعه هذي جت على السريع قلت لرفيق الدرب - محمد البرغش - تبي نمشي قال قدااام ورحنا للمكاتب الاسعار كانت غاااليه في حدووود الـ 1900 ريال
وما قصر صاحبنا الغالي حسين الصالح في ترتيب رحلتنا ..
ولا انسى ابن عمي خالد العثمان لأعطائي بعض النصائح في الرحله
المهم دورنا حجوزات فنادق وما حصلنا شي قلنا اذا وصلنا لسريلانكا نشوف وش السالفه
وصلنا مطار الملك خالد وكانت كا العاده الخدمات زفت وامسك سرى مع الهنود واللي يفتش العفش فتحه واحده وقدامي حوالي 300 شخص ممكن اكثر .. المهم انتم عارفين الـ و عندنا لقينا واحد دخل من فتحه ثانيه ونقز خويي يم اللي دخله وما قصر دخل اكثر السعوديين اللي ماسكين في السرى في الصف ... على فكره ماسك سرى ما يقارب نص ساعه ... خلونا منه .. كنا حاجزين في الخطوط السيرلانكيه من يوم دخلناها والا الوجيه تفتح النفس وكلن يرحب بك .. والصراحه خدمات الخطوط السريلانكيه اعطيها 90% والسعوديه كاتجربه مني اعطيها 30%
مده الرحله ما يقارب 5 ساعات .. ويوم وصلنا ولا الدنيا مطر والدنيا ربيع
كان فارق التوقيت ساعتني ونص ..
بعد الوصول امممم كان بيني وبين احد الشريكات السياحيه مراسلات على الايميل واستقبلوني في المطار وودوني للفندق بدون ما يخذ مني اي شي وجاء يمي في الليل وتم التجهيز للرحله
مالكم في الطويله اترككم مع الصور


صاحبي محمد والارهاق في السفر كان الوصول بتوقيتهم تقريبا 6 صباحا بالتوقيت في السعوديه كان تقريبا 3


محدثكم في اليمين واليسار ماجد الدحيم تعرفنا عليه في المطار والله ما قصر معانا في كل شي الله يسهل دربه يارب ..


الرجل اللي في المنتصف اسمه الحاج عبد العزيز صاحب الشركه السياحيه


بعد ما طلعنا من المطار والا الدنيا مطر وجو يفتح النفس






الغرفه في فندق سانمون الصراحه فندق راقي جدااا *****



البحيره المطله على الفندق





المطعم الخارجي الصراحه راااقي وجميل .. ههه والغربان في كولومبو وش كثرها كنها الذبان عندنا ..


ههههههههه الصراحه خدمات الفندق جدااا جميله ويكلف تقريبا 300 ريال في اليوم مع الفطور
والغداء كااان متكامل كل الاشياء متوفره ولاكن بالفلفل هههههههههه سائلت محمد وش ذا اللي ياكله قال نصيحه لا تاكله مدري عن طعمه



اعجبتني هذي سمك محشي بالفلفل خباااااال تاكل حبحر حااار في وسطه سمك هههه



الفندق من الخارج



ها العصير طعمه في المخ ما عرفت الا النعناع اللي في وسطه كل ماطلعت ولا دخلت خذيت لي كاس طبعا مجاني لسكان الفندق




الفندق من الجهه الخلفيه المسبح والبحيره خبااااال






إن شاء الله لنا لقاء بتقرير عن الطبيعه في سريلانكا وبكره ان شاء الله طالعين لمنطقه اسمها كاندي تشتهر بالشلالات والجبال الخضراء ومزارع الشاي .. اذا توفر النت بنزل لكم التقرير الثاني

تحياتي
ناصر العثمان
محمد البرغش

ماشاء الله تبارك الله ،،
رحله موفقه الى سريلنكا ،،
تسلم يابو ناجم على التقرير وترجعون بالسلامه .

يسلاااااااااااااااااااااااااااااااااام
على الرحله

وعليكم السلام ورحمة الله وبركاته
ما شاء الله تبارك الرحمن
سريلانكا مره وحده ، والله انك بطل وراعي مزاج
الصوره رقم 8 حطيتها خلفيه سطح المكتب لانها بصراحه
قمة بالروعه ، كل الشكر لك على هذا التقرير الجميل
والله يسمح دربكم
بنتظار تقريرك القادم

مــآشــآءالله تبـــآرك الله

مرة رووعـــــه خاصه الصوره الاخـــيرة و الثــآمنه ..

يعطيك العافيه .. وبانتظار التقرير الثاني ..

ماشاء الله عليك ياناصر
الله يوسع صدوركم بالعافيه سلمني على محمد
وانتبه عليه لايخطف هع ماعلمتوني اخاويكم هع
طبيعه غير شكل والله حللوووه مو على اسمها مبين
صور قمة الروعه كبدايه لتقريرك وبنتظار باقي التقرير على احر من الجمر
وترجعون ان شاء الله سالمين غانمين باذن الله
استودعتكم ربي الذي لاتضيع ودائعه
دمتم بخير

صصور رائعه
وجو جونآآآن
ورحله ممتعه
وان ششاءالله ترجعون بالسلامه

وبنتظار باقي الصور


::
:

ماشاء الله تبارك الله ،،
رحله موفقه الى سريلنكا ،،
تسلم على التقرير وترجعون بالسلامه .

رحلة بدايتها مزعجة ... داخل الخطوط السعودية .. ولا جديد .. في ذلك ..
وكل شيء زين له ضريبة وهذي ضريبة الأجواء السريلانكية الجميلة ..

يازين الصملة وقولة تم على طول ..
من العام أنا وربعي صاملين نبي نروح لسيرلانكا هالسنة ويوم جت الصملة .. ألتفت يمين يسار .. مالقينا أحد ..
والله تعجبني مثل هالشغلات ..

الله يهنيكم يا أبوناجم .. وترجعون بالسلامة ..

تبي تزين الصور الدعائية للسياحة في سيرلانكا النص .. خصوصاً بعد وصول مصورين يعدون من أفضل المصورين عندنا...لاسيما في التقاط الزوايا الجميلة ..

انتبه من الفيله .. لا تطفح كميراتكم بالماء ... والله الله بالشاهي السيلاني الأصلي والله يقطف من شجرته .. أبي لي قوطي .. باللي هو به .. إن لقيتوه ..

الله يوسع صدورنا وصدوركم .. والله يهنيكم ..

تحياتي لكم .. وبانتظار جولاتكم السياحية ...

ماشاء الله تبارك الله
سيرلانكا جنة الله على ارضه
ترجعون انشاء الله بسلامه
وانتبه لاتبعدون بعيد
استودعكم الله التي لاتضيع ودائعه
وكثر من الصور الزينه