ما قيل في تمير

السلام عليكم ورحمة الله وبركاته
قيل الكثير و الكثير من القصائد في مدينة تمير الحبيبه ويعض القصائد رغم انها قيلت من سنين طويله الا انها تردد حتى يومنا هذا منها قصيدة ابن جوده السهلي اللي يقول فيها

والله لوني للتمارى عزوبي
اني فلا امسي ليلةٍ ما تعشيت
متناحرٍ لتمير سبعة دروبي
ما منهم اللي قال للضيف مليت

و ايضاً قصيدة ابن خريف اللي يقول فيها :

هذي تمير ان كان تنشد عن الدار
دار التمارى للشرف والمعزه
دارٍ حميناها على قب الامهار
من وادي الشوكي ليا ضلع خزه

الموضوع هذا سيكون باذن الله وبمساعداتكم مرجع للمنتدى بالقصائد التي قيلت في تمير و نتمنى مشاركتكم وتفاعلكم
والله الموفق

تستآهل تمير هـ المدح ،

عافاك الله اخوي داوود على هالموضوع والي راح يكون مرجع للجميع
وراح اكون اول المشاركين

قال الشاعر الكويتي الكبير /سليمان الهويدي فى اهل تمير ابان ازمه الخليج واستضافه اهالي تمير للنازحين من دوله الكويت الشقيقه بعد الاعتداء الغاشم على دولتهم حيث قال :

الرايه البيضاء الكم ياهل تمير ** والطيب والنوماس تستاهـلونه
تـستاهلون المدح فى كل تعبير ** ونشيد بالطيب اللذى تفعلونـه
صـفـوة رجال من رجال مناعير ** اختاروا منزل العلا يـنزلونـه
خـويهــم يلقا معزه وتقدير ** والا تـقاعس بينهم يسـنـدونه
بــيـوتهم مفتوحة للخطاطير** والبـاب ماهي عادة يقـفـلونه
شيـبانهم متحمله للمخاسير ** والمال لاجا واجبه يرخصــونه
وليا حضرو عندك وجيه مسافير ** امر وما تامر به ينفــذونه
يوم الجناح مبلل الريش مايطير ** صارو لنا فزعه ونخوه وعونه
يــوم الليالي لاقـحات معاشير** قامو لنا فى كل ما يمـلكــونه
عـاشرتهم مدة ولاشفت تقصير** ورجالهم يعطيك حتـى عيـونه
ادعي لهم مع كل الابواب تيسير ** واللي زرعوا ياعلهم يحصدونه
عـسى مراويح السحاب المباكير ** لصار فوق تمير تمطر مزونـه
تـمطر على دارا ذكرناه بالخير ** عشنا بها ماقد شفنا المهونـه
يكـسي اراضيها النفل والنواوير ** والفقع قدام بيوتهم يلقطـونه
يسقى تمير وكل شبر من سدير ** والمملكه يضفى على اربع ركونه
انهي كلامي بذكر من يرزق الطير ** وصلوا على اللي امته يتبعونه

وقال الشاعر / عبدالله بن مقبل المطيري

والنعم باهل تمير ذربين الايمان *** بالدين والدنيا رقو كل عالي
كل شكرهم بالمروءه والاحسان *** نطاحه الماجوب فى كل حالي
لعل تسقى دارهم غر الامزان *** نو من المنشا صدوق الخيالي
اهل تمير مع القبايل لهم شان *** اهل الكرم والجود باول وتالي

ابيآت جميله وتستاهل تمير
يعطيكم العآفيه ..

يستاهلون اهل تمير