رحلتي إلى لندن & بيروت شعبان 1431هـ

اقتباس: المشاركة الأصلية كتبت بواسطة الراقيه    مآشآء الله تبآرك الله رحله ممتعه صرآحه صور في غآية الروعه وأعجبتني صورة محل العربيه للعود حسيت اني بالسعوديه تسلم إيدك على الصور والمعلومآت وموقفك مع شنطتك موقف لآتحسد عليه زين تدآركت الوضع قبل فوآت الآوآن ... وحمدلله على سلآمتك .. إحترآمي وتقديري

هلابك الاخت الراقيه يسلمك ربي من كل شر
وعساك ماتمرين بمثل هالموقف حق الشنطه ، رغم انها ماهي عادتي ولكن وقت النزول بجده وفتره الانتظار خلتني اغفل عنه ..
اشكر لك طلتك وحضورك .. دمتي بخير

اقتباس: المشاركة الأصلية كتبت بواسطة نور عينك    الحمدلله على سلامك خيووووة شواق الله روعه بنتظار جديدك الراائع اختك --نور عينك

يسلمك ربي من كل شر وشاكر لك طلتك وحضورك

اقتباس: المشاركة الأصلية كتبت بواسطة المتحـ2007ـد    الحمد لله على السلامه يا شواق ورحله سعيده اسعد الله اوقاتك بالفرح والسرور صور راااائعه وشرح وافي بيض الله وجهك وبصراحه ما عطاني الله حب في السفريات مدري ليش كل الشكر لك على هذا الطرح الرااائع والمميز والله يعطيك الصحه والعافيه

الله يعافيك ويسلمك ربي من كل شر يالمتحد ، شاكر لك طلتك وحضورك

اقتباس: المشاركة الأصلية كتبت بواسطة اسير الصمت    الحمد لله على سلامتــك يا شواق .. وماشاء الله عليــك ما أحد يغلبـكـ في الروحــات .. إختيار موفق لهالدولتيــن .. وشكلي بأحطهن في قائمة الإنتظــار .. تقرير رائع وبإنتظار جديدكـ ..

هلابك اخوي أسيــــــر يسلمك ربي من كل شر ومشكور لطلتك لاهنت

رحله رائعه شـوآق
من جد روعه
اتمني اني اروح لندن وباريس
مستقبل انشاء الله
من جد صور وتصوير اروع
واللي عجبني السوق روعه
وتستاهل التقيييييييم !!!!!!

الحمدالله ع سلامتك خيو
والله روعة وآروع من الروعة رحلتك
من جد لندن مدينه خيالية وجناان
تسسلم يدينك ع الصور الجونااآن
ودي ووردي وتقيمي لك ياااشواق

اقتباس: المشاركة الأصلية كتبت بواسطة المهند    ما عليك زود أخوي شواق .. واحد من عيال عمي طلع لأمريكا دراسة .. عاد أسولف على الربع أقول نبي نلقطه يوم على الهايلكس نسير عليه ... ردوا علي .. إن كانك تبي تروح بعسيب خاويناك .. أوربا .. قد جت في بالي في أحد المرات وذلك عندما التقيت برحالة يطلق عليه الرحالة أبو أنس .. وله سفرات متعددة لأوربا على السيارة ..وكان يسولف علينا عن بعض المواقف .. قلت إن حصلت لي روحة على السيارة رحت ... أما إني أروح على الطيارة .. ومن يد نشيط في نشيط من أصحاب التكاسي .. ماش ما تصلح لي .. إن ما حصل عزبك معك .. وإلا بلاش .. حنا متعودين على الغثاء من يومنا بزور ..

هههههههههههههههههههه عز الله انك صدقت من يد نشيط ليد نشيط ولكن هالحين الدعوى سهالات تقدر تستاجر لك سياره وتمتر فيها اوربا كلها وتستلمها من البلد اللي وصلت له وتسلمها بالدوله اللي تغادر منها
اما بريطانيا فما تصلح بالسياره ابد ( الدركسون يمين وتمسك الخط الايسر ) يعني ريح بالك واركب لك باص ولا اندرقراوند

تصدق يالمهند اني اشوف عجايز بالثمانين والتسعين ونشاط وتمشي وتقضي وكل شي ، اشوفهن واقول الله يرحم حال عجايزنا من تجي الستين وهي ماخذتن الانسداح مقاوله ولو بغت تدبر ولا تسوي شي قلنا ارتاحي لاتسوين شي كلش يجيك وانتي قاعده لين ( شصت ) ركبهن ولاعاد قون يمشن .

والعزبه ترا ماهيب هم تشحن يالمهند مثلها مثل الشنطه .. انت أصمل بس وولم الشمسيه

اقتباس: المشاركة الأصلية كتبت بواسطة ابو مشعل    رحله جميله اخوي شواق والحمدلله على السلامه لو انا مكانك طبيت في هالسنجاب ملاحق يعطيك العافيه

ماني بعايف ملاحقه ولكن السالفه فيها غرامه وحبس عاد تخيل مسجون هناك واهلي كل من جاهم زارهم
فلان وينه ..
قالو لك :مسجون والله
ثم سألهم وش قضيته عسى ماشر
يقالهم : والله ملاحقن له سنجاب
ماتسوى علينا يابو مشعل تروح حياتنا غلطه عشان سنجاب ( مدري وش حكمه بعد هو يؤكل ولا لا )

يحييك ربي اخوي ابو مشعل ويسلمك ربي من كل شر

اقتباس: المشاركة الأصلية كتبت بواسطة آخت لميس    رحله رائعه شـوآق من جد روعه اتمني اني اروح لندن وباريس مستقبل انشاء الله من جد صور وتصوير اروع واللي عجبني السوق روعه وتستاهل التقيييييييم !!!!!!

ميزة لندن وباريس إنها مدن صاخبه مقارنه بالمدن الأوربيه الثانيه يعني في جنيف ولا فيينا من تجي 9 بالليل والشوارع فاضيه والعالم ركود ، أما كمباني فالطابع الاوربي واحد تقريباً
وغيـر لندن فيه الريف الانجليزي وويلز وادنبره في اسكتلندا لها رونق غير خاصه لمن يحب الهدوء
ومشكوره لطلتك اخت لميس ولتقييمك

رحلة ماهى اهى اهىوفقة يازين الجو عندهم نفسي اسافر للندن اهى اااااااااهى اهى