شبابنا وبناتنا الموظفين والدارسين !!!

بسم الله الرحمن الرحيم
كلنا نعرف بأن أغلبية (او كل) شباب أو بنات تمير يدرسون في جامعه المجمعه سواء في المجمعه او في الحوطه ونعرف ايضا خطورة الطرق وبالاخص طريق بوضا الي نسميه طريق الموت
تريلات مالهم حسيب ولا رقيب يلف عليك وكانه ما يشوف وراه شي
الى متى حوادث ووفيات واخطار!!!
قبل ايام الشاب ناصر المفرج توفى في حادث في تميريه ومثل ماسمعت انه يدرس في المجمعه وحب يرجع مع طريق تميرية هروبا من طريق الموت
لكن قضاء الله وقدره كان اقوى منه وسوى حادث وتوفى جعله في الجنه
ليه ما يفتحون خط عشيرة الخط هذا يخدم تمير 100% للي يبي يروح الحوطه او المجمعه او غيره
الخط هذا له اكثر من ثلاث سنين مسكر والاهالي جالسين ينتظرون
ولا لازم يسوي حادث واحد من ابناء مسؤولينا عشان يتحركون
لا تلوموني في كلامي والله من الحرقه اللي فيني
ولا انسى ان اذكر اخواني في المجلس البلدي ((سيسألكم الله عن امانتكم التي كلفتم بها))
وشكرا

لا حياة لمن تنادي

اضم صوتي لصوتك اخوي داود الشريان

خط بوضا و خط عشيره و كان معهم خط تمير ؛ الشغل فيها شبه معدوم الا من حركة قلابيات ما تدري وش تسوي !!

شبابنا و فتياتنا كل يوم في خطر و الجميع في حاله قلق يومي جاب السكر و رفع الضغط و كل فترة نسمع حادث ولا تجد اي حراك رسمي او اهلي يساهم في حل هذه المشكلة و الفوضى

كرهنا القطار و كرهنا الشغل فيه ؛ و الله لا يحيي القطارات ولا التطور كان كلما نبي نتطور بنكون على هالحال ؛؛

شركات تعمل لا يوجد عليهم حسيب ولا رقيب لا من حيث سرعة العمل ولا المتابعة اليوميه ؛ فحسبنا الله و نعم الوكيل على من اهمل امانته و خان الثقة فيه

تحياتي

مانقول الا حسبي الله ونعم الوكيييل فيييهم .. جد الطريق طويل ويخوف وحالته حاله

حسبي الله ونعم الوكيل ياااارب


والله يرحم ناصر ويغفر له ويجمعنا به في جناه النعيم

والله يرحم كل من مات بهذاك الطريق طريق الموت

الله يحفظنا من كل ششر

وحسبي الله ونعم الوكيل يااارب

مانقول الا حسبي الله ونعم الوكيييل فيييهم .. جد الطريق طويل ويخوف وحالته حاله

حسبي الله ونعم الوكيل ياااارب

حسبي الله ونعم الوكيل

اصبروا الين يفطس واحد من عيال المسؤلين , عشان تنجز طرق تمير كلها في اقل من شهر ........

والمجلس البلدي على اسمه , مجلس حق قهوة وشاهي ومفاطيح وتصوير عند المسؤلين وزيارات للمجالس الثاينه وتوصيات ماتتعدى كبري العليا ...........



لا تلوموني يا جماعه لكن والله من ضيقة الصدر على ذا الحاله ...... الله يرحم شيبان راحوا , اذا راحوا لمسؤل مايرجعون الا واللي يبونه صاير .....


اللهم أرحم ناصر المفرج وجميع موتى المسلمين .......

الله يبيض وجهك اخوي على هالموضوع الحقيقه الحين كل الجهتين خطر حتى تمريه خطر جدا
فيه بعارين بوقت الظهر ما تشوفها من الشجر الي على الرصيف
والله قبل اسبوع طبت بالطريق مار ربك ستر ولطف الى متى اهمال اهل الابل
واستهتار شركات المشاريع التي لاتنجز بشكل سريع مثل باقي الدول . ياخي اليابان جاها تسونامي
ساواها بالارض خلال 6 اشهر كل شي رجع زي اول وعندنا بالسنوات
لكن ما قول الا الله يستر علينا وعليكم وعلى كل مسلم وياليت الكل ينتبه خصوصا وقت الظهر
وهو راجع من الابل السائبه خصوصا قبل سكن عمال البلديه .

حسبي الله ونعم الوكيييل
الاهمال سبب كل دمآر
كل حاجه تهمل تجلب لكل الي حولها أضرار كبيره
ونحن بزمن الاهمال والطريق طال انتظاره وسبب لنا المتاعب
وضرب المشاوير الطويله وتكسر السيارات من الطرق المتعرجه والحفر الكبيره
شكرا لك على الموضوع

[ لقـــــــــد أسمــــــــــــعت لــو ناديــــت حــيا ولا حــــــــياة لمــــن تــــــــــنادي ]