هـ { الزمن } لو ما يطيعك طاوعه و احذر خداعه

مايرد النفس عـن درب السخـط غيـر القناعـه
و[الرضا حِكمـة] تشـدّ العـزم بالحـزن الثقيـل

مالنـا لاثـار مـوج الـهـم وإشـتـد إندفـاعـه
غيـر دعـوة رب هـذا المـوج و [الخافـق ذلـيـل ]

نوب نضعـف لا غزانـا الهـم وأتعبنـا شِراعـه
نفقد الحِكمـة و [نبحـر بالأسـى ]مـن دون حيـل

ونوب تِفقِدنا المصايـب مـن بلاويهـا الشجاعـه
ونوب [نخـوات الشجاعـه] ترمـي الخافـق قتيـل

عايشين بطيب عيـش ونشتكـي ظُلـم المجاعـه
في [مظاهرنـا سكـون] , وفـي مخابرنـا فتيـل

نشتكي ونقـول: جـرح الوقـت يـا كبـر إتساعـه
والحقيقـه لاتمايـل هالزمـن [قمـنـا نمـيـل ]

ماخذتنـا هالليالـي .. بيـن أياديـهـا بضـاعـه
ليـن [جيناهـا عـروض] .. وسعرنـا جـداً قليـل

إن وقفنا ماوقفنا .. غير فـي وجـه الجماعـه
وإن جلسنا ماجلسنا .. غير عن [ فعل الجميـل ]

وإن حكينا ماحكينا .. غير بـ فـلان ومتاعـه
وإن سكتنا ماسكتنا .. غير عن [ حق ودليـل ]

تشتكي منّا أخـوّة .. أصبحـت وهـم , وإشاعـة
ليــــه خليتوا [جروحـي] .. مـن فعايلكـم تسيـل

وتشتكي منّا صداقة .. أصبحـت زيـف وصِناعـة
ليه وقفات الصداقة .. مالقت فيكـم [ أصيـل ]

وتشتكـي منّـا مبـادي .. مالقـت منّـا شفاعـة
حقّها مُجحف وفينـا [ مالقيـت ] درب وسبيـل..!

هالزمن لـو مايطيعـك طاوعـه وإحـذر خداعـه
نوب [ تغرينا ] ملامـح , وسطهـا وجـه ٍبديـل

و الشقا وإن طال غيمه .. تالي الغيـم إنقشاعـه
ماخبرت الغيم يبقـى .. فـي سمانـا [لـو يخيـل]

و الوجع موجود طبّه .. بس يحتـاج لـ مناعـه
و [المناعه] حزم قلب , وصبر , مع قلب ٍ يشيـل

و الزمن وإن زاد قسوة .. يبتسم لك لو لـ ساعه
وإن تبسّـم لـو لساعـه إحمـد [الـرب الجلـيـل]

إبتسامة عقب دمـع ٍ .. حـرّق الجفـن إلتياعـه
خير من دمع ٍ [فقد ضحكات] من وقـت ٍ طويـل

بإختصار :: إرضى بواقـع دنيتـك وإقبـل سماعـه
و اقتنع بأحكام وقتـك لوغـدى [قلبـك عليـل]

آتمنى تروق لكم

ابيات رائعة تلامس واقع نعيشه...

سلمتي على هذا الانتقاء الجميل اختي روح الورد..

رووعه تسلمين ياقلبي

الله يعطيكم العافيه على حضوركم الطيب

هالزمن لـو مايطيعـك طاوعـه وإحـذر خداعـه
نوب [ تغرينا ] ملامـح , وسطهـا وجـه ٍبديـل

و الشقا وإن طال غيمه .. تالي الغيـم إنقشاعـه
ماخبرت الغيم يبقـى .. فـي سمانـا [لـو يخيـل]

و الوجع موجود طبّه .. بس يحتـاج لـ مناعـه
و [المناعه] حزم قلب , وصبر , مع قلب ٍ يشيـل

و الزمن وإن زاد قسوة .. يبتسم لك لو لـ ساعه
وإن تبسّـم لـو لساعـه إحمـد [الـرب الجلـيـل]


قصيدة رائعه بكل ما تحمله من معاني
اختيار موفق جداً اختى روح الورد
والله يعافيك يارب

أبدعتِ بـ أختيآر القصيده
ذوق رآئع
خالص الشكر لنقلك هذه القصيدة الرائعه

ابداع في النقل القصيده الرائعه والمميزه
أحترامي لك ولنقلك الرائع

يعطيكم العافيه على حضوركم الطيب

مشكورة ياآبعدهم على روعة القصيدة
لاتحرمينا جماآل مواضيعك
جنااآئن وردي لك

تألق و الابدااع والتميز في روعه قصيدتك
يعطيك العافيه على هذا الأنتقاء