كيف تنقذ نفسك في اصعب الضروف

04 / 07 / 2010, 42 : 01 PM

السلام عليكم ورحمة الله وبركاته

بعض الامور التي تهم الكشاته

1- اذا بنشر الكفر ولايوجد استبنه ( كفر اضافي) وانت بالبر شيل بلف الهواء ودخل رمل مع البلف حتى يمتلي الكفر ثم سد مكانه باي عود

2- اذا فضت البطارية من الكهرب حاول ترفع الكفربالرافعة (العفريته) وتصلح شاهي حتى ماتمل القعدة وتفر الكفر يعني كأن السيارة تمشي

3- اذا فضى البنزين وش تسوي ( تصلح بيض عيون خخخ) لا تجيب الغاز وتوصل لي الغاز للكبليتر وتفتح شي مايذكر قليل جداً وتمشي لاتجرب الطريقة هذه الا بعد استشارة اهل الخبرة الطريقة لم اجربها وربما تكون خطرة

4--اذا تعطلت السيارة والمسافة بعيدة والجو حار وش تسوي ( اتصل على 911)مافيه عندنا 911.... خذ معك الي تقدرعلى حملة من الماء ولايثقل عليك يعني خفافي + ماء مع قليل من الملح في علبة واشرب قليل منها حتى الجسم مايفقد الاملاح من العرق

5-اذا تبغى تصلح العشاء والغاز خلص ونت ماتدري ولا لقيت حطب الا قليل يعني مايلحق وش الحل (كل جبن ويالله من فضلك) مامعي جبن ...اجيب الاعواد ولا اولعها كلها واولع عود وكل مايخلص عود احط الثاني وان شاء الله الامور طيبه

6- اذا ما حصلت ماء احفر حفرة ليس كبيرة وفي نص الحفرة حط كاس وحول الكاس اي اوراق شجر يوجد حولك وغطي الحفرة بكيس نايلون وحط حصاة مو كبيرة على نفس موقع الكاس راح يتبخر الماء الي بالاوراق على النايلون ثم ينزل على الكاس قطرات ( شفته بفلم وثائقي هههه)

تحياتي للجميع بالصحة والسلامة والكشته الي توسع الصدر

04 / 07 / 2010, 46 : 02 PM

وعليكم السلام ورحمة الله وبركاته
نقاط جميلة ..
وحلول مؤقتة لبعض المشاكل التي تواجه الكشاتة ..
يبي من يطبعها ويخليها في الدرج .. للاستفادة منها ...

04 / 07 / 2010, 38 : 03 PM

الحين الجوال يشتغل في اي محل يا كحيلان ..

والله لا يحدنا عليهن...

تحياتي لك..

04 / 07 / 2010, 06 : 05 PM

كحيلان وشلووووونك بسسسسس ...
اجل خذ ملح معك عشان الجسم اذا فقد املاح تعوضه ..؟؟؟؟
وين عايش الاخ ...؟؟؟؟
انا اجزم ان الموضوع قص ولزق ...

اتمنى انك تراجع الموضوع الي نقلته وتتأكد منه ...!!!
تحياتي لك وللافكار الجميله ....!!!
وبدووووووون زعل ...

05 / 07 / 2010, 24 : 03 AM

تسلم كحيلان
الله يخلي 112

05 / 07 / 2010, 17 : 09 AM

يعطيك العااافيه

05 / 07 / 2010, 15 : 10 AM

اقتباس:

المشاركة الأصلية كتبت بواسطة المهند


	وعليكم السلام ورحمة الله وبركاته نقاط جميلة .. وحلول مؤقتة لبعض المشاكل التي تواجه الكشاتة .. يبي من يطبعها ويخليها في الدرج .. للاستفادة منها ...

هلا بك يالمهند
منور الموضوع
احترامي لك

05 / 07 / 2010, 17 : 10 AM

اقتباس:

المشاركة الأصلية كتبت بواسطة أبـوحـمـد


	الحين الجوال يشتغل في اي محل يا كحيلان .. والله لا يحدنا عليهن... تحياتي لك..

سبحان الله يجيك يوم ماعندك استقبال جوال
منور الموضوع ياابوحمد
احترامي لك

05 / 07 / 2010, 22 : 10 AM

اقتباس:

المشاركة الأصلية كتبت بواسطة المقهور


	كحيلان وشلووووونك بسسسسس ... اجل خذ ملح معك عشان الجسم اذا فقد املاح تعوضه ..؟؟؟؟ وين عايش الاخ ...؟؟؟؟ انا اجزم ان الموضوع قص ولزق ... اتمنى انك تراجع الموضوع الي نقلته وتتأكد منه ...!!! تحياتي لك وللافكار الجميله ....!!! وبدووووووون زعل ...

طيب وبخير اللهم لك الحمد
وهلا فيك منور الموضوع
وشكرا علي الاطراء الجميل
وعسي ربك مايحدك علي التعب والشقي
وابشرك لو بزعل علي احد مادخلت النت
تحياتي لك

05 / 07 / 2010, 23 : 10 AM

اقتباس:

المشاركة الأصلية كتبت بواسطة عرق الأرطى


	تسلم كحيلان الله يخلي 112

هلا فيك منور الموضوع
تحياتي لك

الذين يشاهدون محتوى الموضوع الآن : 1 ( الأعضاء 0 والزوار 1)