●• خزآمىَ الصَحآرى « للشعْر والخَوآطرْ !

لو النــآس تقنع بالقليل وتتــرك اللذآت
لــقينآ كل وأحدٍ لابسٍ ثــوبه على قــده

ياغايب عني ترى للبطى لوم
..................لاشافتك عيني ولا جبت طاري
بسأل كثير الصبر يمكن تجي يوم
.....................تلفي تنشد وانت بالحال داري
لك هاجس الذكرى سرق عني النوم
.......................ماودعه فكري ولا عنه ساري

ڪْنّا نصحّي بعْضِنا ... لا غفَى [ الجَرح ]
.......... وصِرنا نصحّيْ الجـِـِرحْ .. ونرُوحْ نغفَىْ ...!!

في غيابك لـك محبـه ولـك شـوق وونيـن
..............وفي حضورك شف عيوني كلامـي مـا يفيـد

مشتاق لك والغلا قرب يضيعني ...
والخاطر اللي صِبر مل وقضى صبره ...






بعلمك شيٍ وإفهم دام تسمعني ...

من واقع التجربه والوقت والخبره ..
|| لو الخلايق على حبك تنازعني ...

يبطون مآحركوآ فيني مغز إبره ... ||



ماغيرك أحد ٍقوى قلبي وولعني ...
وغلاك عندي بوسط القلب ياكبره ....}


جيتك مشتت فكر ودي تجمعني ...
متضايق من البعاد وشوف لي دِبْره ...


لو بتكلم غزير الشوق قاطعني ...
مكسور والخاطر المكسور وش جبره ....!


يخونني الوقت والغيبه تصارعني ...
أكتب وحتى القلم خان ونشف حِبره ....!


رجعتلك { والغلا والشوق } رجعني ..
ياحيّ هالشوف و الضحكه و هالنبره ...


غيرك من الناس لو حاول يطالعني ...
أصد عنه ولا أشوفه ولا أعتبره ....


إلا أنت يا الشاري اللي منت بايعني ...
نظرة عيونك صفا لو ليلتي غبره ...



وإن كان ودك لدرب الحب تدفعني ..!

القلب يعشقك مايحتاج تختبره ..~




وأكبر دليل الخلايق لو تنازعني ....//

بالحب ماحركوا فيني مغز إبره .......}

مات الرجا ضاع الورق جفت اقلام
وانا اذكرك فالثانيه والدقــيقه

قل منتظر واقول انا منتظر عــام
قل واحشك واقول ويش الطريقه؟

شاعرك عزّم يوم رفـّت له اعلام
ومـْـن القراح وضفـته بلّ ريـــقه

ناداه ليل عـيـــونك وقال قداام
ورّوح يدوّر فالخــيال الحقيـــقه

ياللي وصالك حاســبه عدة ايـام
غيبتك خلّت داخل الصدر ضـيقه!

ان كان قصدك تروي الروح الاوهام
اوهامك اهون من فراق ٍ مااطـيقه

ولعل قلب ٍ خاف من بعض الآلام
يـموت من كـثر الجـروح العميــقه

ينبض بحبك كل عرق ٍ وصمـّام
وطيوفك لعيني هي اوفى صديـقه

لاصرت اطاوع فيك عـاذل ولوّام
وراي ابادلك المـشــاعر رقيــقه؟!

لك في ضلوعي شـاعر ٍ مابعد نام
وان نام هاجــوس القصـايد يفيــقه

أصدق من الدمعه على خدود الايتام
واحنّ من قلب الشــقيق لشـــقيقه!

يملى زوايا دفتري شـــــيح وثمام
ومن فــوق ريضان الحنايا بريقه

وبعض الغلا اللي قسّم المهجه اقسام
مثل الســجين اللي يدينه طلـيقه!

ولو للأمل باب ٍ تجي منه الاحلام
مااستوطن الياس بصدور الخليقه

والصمت ورد ٍ جف فتراب الانسام
يوم انســكب عطر الكلام ورحيقه

ياصاحبي عمر الهوى ماانتهى دام
به عـهـد مابـين الرفــيق ورفيــقه

من جيت لك والأرض في عيني حطام
والشوق ضيّع خطوتي في طريقه!

وقريت في وجهـــك ذنوبي والآثام
كنك تقول لخاطري ...في حريقه!



للشاعر حمد البريدي

لا تشتكي للناس مع ضيق الاوضاع
................اكسب غنى نفسك ولو نمت جايع .

أحتاجلك لاضيّق الوقت صدري
أبيك تمسح عن عيوني شقاها
وأحتاجلك إذا الفرح ضم فجري
ودي تحس بفرحتي ياهناها
أحتاجلك في كل لحظه بعمري
لاصرت روحي كيف أحيا بلاها

​‏​‏​‏​‏​‏​‏​ما كل من تعرفه ترتاح لـ أطباعه
....................الناس ف القلب من قيمة مواقفها

تقابل انسان وعيونك على الساعة
..........................وانسان لا قابلك ودّك توقفها