أبو خميس و أبو سبت

هذا موضوع سريع أتمنى يكون خفيف الظل عليكم واعذروني على تدني مستواها و ركاكة الإسلووب
===============

بعد كثرة الإجازات في ( يوم السبت ) ضاق صدر ( يوم الخميس ) وجلس لحاله في ( زاوية الإسبوع ) وهو قرفاان من نفسسسه ..

جاه ( يوم السبت ) وشافه جالس لحاله يكشش الذبان ..

السبت : سلامتك يا أبو خميس <<< يقالك يدلعه خخخخخ
الخميس بتأفف : وش تبي أنت تراها مهيب ناقصتك بعد
السبت : أفا والله يا خويي ترا ما بيننا فرق .. ما بيني وبينك إلا يوم الجمعه بسسس
التفت عليه يوم الخميس وقال : انا و يوم الجمعه طاحت كروتنا ما عاد لنا قيمه الحيين من كثر ما صاروا يعطون الناس إجازه اذا جا دورك
السبت : لو الله يفك أيام الإسبوع من هالغيره والحسسسد كان حنّا بخير
الخميس يناظره بأحتقار : أنا أغاار منك ؟؟ أنفهزز فيذااك بس ما عاد إلا هي
يوم السبت يحرك حاجبيه عشان يقهره : أيه صرت تغار مني الحين بعد ما صرت محبوب الشعب وأنت صرت مثل باقي الأيام
الخميس بدأ يفقد أعصابه : أقول تلايط بس .. انا الخميسس اللي في قلوب النااس من طلعوا من بطون أمهاتهم .. انا اللي ترعرت في قلوبهم من أيام أول أبتدائي
يتهاوشون ويصارخون بقوووه .. سمع صوتهم ( يوم الجمعه ) وجااااااااااااك صارووخ بيفك بينهم ..
يطب بينهم يوم الجمعه وهو يقول : كل واحد فيكم يحترم سراه تعال يالخميسس يمين .. وأنت يالسبت تعال يسااري ... وش فيكم يالمهاابيل ؟؟
يوم الخميس يصرخ : هالسبت ذا جاي يتميلح بعد ما كان أكره يوم عند الشعب السعودي و صار إجازه مرتين شاف نفسسه علينا
يوم السبت : الا انت يالحااسد الحاقد غاااير مني عشان الناس صارت تحبني وبدت تنساااك
يوم الجمعه بصوت عالي : فشلتوونا بين الشهور والسنين ..
الخميس : اسمع يا يوم الجمعه .. يا أنا يا هالسبت أو بقدم إستقالتي
يوم الجمعه بذهوول : معقووله إجازه تفرقكم ؟؟ من يوم سمعت عن الإجازات في يوم السبت وانا قلبي ناغزني وحاس أنها بتسبب زعزعة أمن و إستقرار أيام الإسبوع
السبت بعصبية : خلاص إقبل إستقالته وخله ينقلع بسس .. انا مستعد أصير بداله .. الحين صار عندي خبره في الإجازات
الخميس : مهوب زي خبرتي .. أنا عمري من عمر الشعب السعودي .. انا اليوم الملاصق للطلاب والطالبات الأحياء منهم والأموات و حتى الكبار و الموظفين . شاركتهم طلعاتهم و كشتاتهم وسفرياتهم
يوم السبت بتهكم : هع هذااك اول يا خميسوووو بيه خخخخخخ أنت ويوم الإربعاء راحت عليكم خلاااص ههههههه
يوم الجمعه : اسمع يا يوم السبت .. لا تشووف نفسسك وتغتر .. تراك ما صرت إجازه إلا اسبوعين بس وشلون بتمشّي وضعك اذا استقال يوم الخميس ؟؟
يوم السبت بثقة : أنت بس خله يستقييل و أنا مستعد أغطي على كل أيام الإسبوع هع
الخميس بغضب : شفت انه شااف نفسسسه علينا عشان يومين بس ؟؟ اجل لو يخلون الإجازه ( جمعه وسبت ) وش بيصير .
يفكر يوم الجمعه قليلا وقال : والله فله على الأقل يروح النحسس اللي ملازمني عشاني جاي بعدك يا بو خميسسس
ينظر يوم الخميس بتعجب وذهول ليوم الجمعه وقال له : خيييييييييير ؟!! اشووفك بدييت تصير مثله أنت بعد
يتنحنح يوم الجمعه وقال : احم احم .. لا لا أقصد عادي ما يهمني اهم شي اني بصير اجازه كذا ولا كذا
يضحك يوم السبت وقال : من يقول انهم مقترحين الإجازه يوم الجمعه والسبت ؟؟ الإقتراح أنها تكون ( سبت و أحد )
يرفع السبت حاجبيه بإبتسامة ماكره وخبيثه ويستمر في كلامه : يعني فيه أمل يحيلونكم على التقاعد أنت وهالجمعه و تجي دماء جديده وما أحد يصير يسبني وهو يفرك عيوونه اذا قام النوم بيروح للمدرسه ولا الدوام يااااااااي يا سلااااااااام .. الله يعزك يا بو متعب مثل ما عزيتني عن هالجحلط
يوم الجمعه بصوت عالي : خييييييييير ؟؟!! اشوفك قلبتا علي ؟!! صدق انت مالك خوووي
يوم الخميس : والله بعذر الناس كانت تكرهك يا يوم السبت .. ثقيييل و طوووويل و باايخ ولو فيك خير كان ما تجي في الوقت الضايع هههههه كل إجازاتك تجي متأخره الساعه ( 11 بالليل ) هع
يوم السبت : احسسن عشاان تصير مفاجأه ولي طعم خخخخخخ

فجأه صوت أقدام تركض بإتجاههم ووقف بينهم قال وهو يلهث ويلتقط أنفااسه : أنتم فيذاا وانا ادوّر عليكم ؟ّ!!!
يسأله الجميع : خير وش فيك يا ( الأحد )
الأحد : اشغلتونا انت وياااه ماللناس سيره إلا يوم السبت حتى في البلاك بيري
يصرخ يوم السبت بفرح وقال : و أخييييييييييييييييييييييراً بديييت أصير مشهووور والكل يتغزل فيني مهوب مثل باقي الأيام هع
الأحد : اقول انثبر بس ... الحين انا اللي صرت ما احد يواطنّي بسببك يا يوم السبت
يوم السبت بذهول : يؤيؤ خير وش انا مسووي لك ؟
الأحد : اول الناس تحط حرّتها فييك وانا اجييي بعد ما يطلّعوون كل اللي في قلوبهم من حرّه فييك
يوم الخميس : الله يالدنيا .. أول الناس كانت تقول فيني شعر مثل :
يضيق صدري لاطروا ليلة السبـت *** ليت الليالي كـل ابوهـا خميس
الأحد بتساؤول : أخبر أنها /
يضيق صدري لاطروا ليلة السبـت *** ليت الليالي كـل ابوهـا ربوعـي
الخميس يتنحنح : لا تدقق ياخي
الجمعه : وبعديييييييييييييييييييييين معكم ؟؟!! فضوها سيره خلااص عاد .. كلنا عيال ( سبعه ) ومافيه فرق بيننا و مثل ما صرت يا يوم السبت اجازه حتى انا اجازه من زماان وما قلت شي هع .. و حتى الأحد كذا مره صار اجازه وما شاف نفسسه علينا وكلنا جانا إنتداب وصرنا ( إجازات ) بس ما سوينا مثلك واستغلينا حب الناس لنا عشان نقهر باقي أيام الإسبوع
السبت بدأ يشعر بتأنيب الضمير و اقترب من يوم الخميس وقال : انا اسف يا بو خميس حقك علي
يوم الخميس بكل روعته وجماله المعروووف بين أيام الإسبوع قال : ما صار الا الخير بس يا ويلك ان صرت إجازه مره ثانيه
السبت وقد تغير تأنيب الضمير إلى إنتقام : الشرهه مهيب عليك بس الشرهه علي انا اللي معطيك وجه واعتذر منك .. ياارب اصير الاسبوع الجااي اجاازة ( اليوم الوطني ) واقهررك بعد خخخخخخخخخخخخخ

ورجعوا يتهاوشوون مره ثانيه ...

وتوته توته .. خلصت الحتوته
=================
عجزت القى لها نهايه خخخخخخخخخ

واعذورني على ركاكة الإسلوب و السيناريو الغير معد له مسبقاً فقد أحببت المشاركة ليس إلا


دمتم بود

بيذبحونه إذآ عرفوآ السبت الجآي إجآزة اليوم الوطني ..
ههههههههههههههههه
تسلم على روعة القصه ..

اقتباس: المشاركة الأصلية كتبت بواسطة الراقيه    بيذبحونه إذآ عرفوآ السبت الجآي إجآزة اليوم الوطني .. ههههههههههههههههه تسلم على روعة القصه ..

أما لو السبت اجازه بعد كان ذبحته أنا خخخخخخخخخ

إجازات للموظفين الحكوميين وحنا القطاع الخااص مالنا رب ولا وشلوون ؟؟

مشكوره يالراقيه على مرورررك العاطر
دمتي بود

وش ذا القصة طازجة ...

طيب وين يوم الاثنين والثلوث ما شفناهم ...

لا إلى هؤلاء ولا إلا هؤلاء ...

الدائرة ترى نبي باقي قصة الربع ... ما كملتها لنا ..

اقتباس: المشاركة الأصلية كتبت بواسطة المهند    وش ذا القصة طازجة ... طيب وين يوم الاثنين والثلوث ما شفناهم ... لا إلى هؤلاء ولا إلا هؤلاء ... الدائرة ترى نبي باقي قصة الربع ... ما كملتها لنا ..

هلا وغلا بالمهند

الإثنين والثلوث طال عمرك صاروا مثلك
نسمع بهم ولا نشووفهم ههههههههه

وبالنسبة لباقي القصه ننتظر أن ينزل علي الإلهاام مرة أخرى و أكملها ههههه

نووورت الموضوع يا غاالي

في حفظ الله ورعايته

ههههههههههههههههههههههههه
ياويله منهم
الاسبوع الجاي اجازه بعد
يعطيك العافيه اخوي

اقتباس: المشاركة الأصلية كتبت بواسطة وردهـ    ههههههههههههههههههههههههه ياويله منهم الاسبوع الجاي اجازه بعد يعطيك العافيه اخوي

عز الله راح فيها هههههههههههههههه

نورتي يا ورده بحضورك وردك

دمتي بحفظ الله

اذا هذه ركاكه وش خليت اجل

بصراحه روعه و قصة فكاهيه

تسلم يا الدائرة ومشكور

روووعه . يسلمو ..

ههههههههههههههههههههههههههههه

تسسلم اخوي على هيك القصص ههههههههههههههههههههه