سولف فديتك أبسمع كلمة شلــــونك !!

وين انت عجل تعبت اخايـل مزونـك
ثاني شـــهـر واتحـرى هــل هتــانـك

لو كان شفت الغلا بعيـون مفتونـك
ماغــبت حتى ثوانـي بعيـن خــلانك

احترت بين الجـفا والصــد وطعونـك
بلاش يموت الهوى بسباب هجرانـك

مالي جدا كود اسامر جـرة الحونـك
اليـن ماسمـي الديـــــوان ديـــــوانـك

اقبل تمشى على هونك علـى هونـك
بشويش لايقعد من النـوم شيطانـك

ماتدري ان الغلا خلفك ومـن دونـك
ايوووه كانـك جهلتـه ياالدلـع كـــانـك

افـرح ليامن علينـا مالـت غصــونـك
وافرش ورود الغلا والقلـب بستانـك

شهرين عقب البطـا ماكنـي بكونـك
تـعـال ســيـل مداهيــلـك وقيـــعـانـك

مشتـاق بلحيـل لعيونـك ولجفونـك
نظرة عيونك تبلـل ريـق ضـميانـك

ماهي غريبه تموت النـاس بعيونـك
بـس الغريبـه اوادم تجهـل اعيــانـك

وسولف فديتك ابسمع كلمـة شلونـك
ماتدري ان السوالف غيـر بلــسانـك

(كلك حلا والحلا) واحد مـن فنونـك
(كلك بلا والبـــلا) تـينـك ورمـــانـك

ايـه ايتباهى وأقـول ان القمــر لونـك
ومصدر شعاعه حبيبي بيـن حجانـك

كذا...غلاتك من الله ثيـر مجنونـك
وانا لك الله لاهـز عـروق وجدانـك

والشعر كانه يهمـك جـاك لعيونـك
لابو قصــيـدٍ تـردى فيـك ماصانــك

وكان القصايد ترد احسـاس مفتونـك
اصير شـاعر غــزل كله علـى شانـك

وابشر بقلبٍ على طول المدى ايصونك
لو خـانت الناس يموت القلب ماخانـك

</B></I>

إنتقاء جميل لـ هذا النص العذب .. ,
كل الشكر لك

منورةيالغلا وماقصرتي

وابشر بقلبٍ على طول المدى ايصونك
لو خـانت الناس يموت القلب ماخانـك


^

أبيآت جميله
عوآفي مآقصرتي يَ آلطيبه ,

آبيآت روعه
سلمتِ يالغلآ على آلآنتقآء العذب
تقديري