¬ •هذا هـوَ اللـي ّيليـقَ بـ شاعـرَ وبنـتَ حزينـهَ ! ♥ [ مسآحة خآصة لـَ فهدَ المَسآَعدَ ]

ابطى قصيدي ما انكتب فيك و ابطيت
اجر صوتي و ارجع اجر صمته

ماسمعت الا صدى صوتة وكان ارق صوت

ينطق اسمي ثم يهمس.. من متى انا احتريك..؟

جتني مراسيله تشبّ القناديل
و معها سؤالٍ جاوبته النحايل

يقول : ( كيف الحال بعد المراسيل ؟ )
و اقول ( مثل الحال قبل الرسايل )

عمر الكتابه ما تجيب المواصيل
ريّح مكاتيبك ترى الشك زايل

ان ما حصل همس وحنان وتعاليل
واعاتبك لين المح الدمع سايل

و اجلس اسولف عن زمان البهاذيل
و انسى السوالف لا نسفت الجدايل

كذا يصير الحب والوصل والليل
وكذا ادري انك ما نسيت الجمايل

اما كذا والا اترك الحظ للميل
واتركني فوق الارض تحتي تهايل

كل ماعشمت قلبي .. قال ياضلوعي تقوّي
ورحت أنا وياه نرقب رجعة اللي فاقدينه

نوب أقول اليا رجع بكون في قمة هدوّي
ونوب أقول الا أبزعل وأتلى مابيني وبينه

وأذكر اني رحت قبل ابديلك ايّة اعتذار
رحت حتى قبل اطيّب خاطرك في كلمتين
لكن انتي عارفتني زين واللي صار صار
سامحيني واذكريني قد ماانتي تقدرين
اذكريني لاانتهت للشمس رحله مع نهار
واذكريني لاصحى للصبح ورد الياسمين

يا رفيف الماء .. وفجر العيـد .. وأحـزان الموانـي
يا أكثر أهل الأرض طيبـة قلـب .. وأسـرار دفينـه


المكان اللـي هنا .. مليان ضحكات ، وأغاني
والكلام اللـي بغيت أقـول .. يحتـاج ل سكينه !


شوفي الركن البعيد هناك .. كنه صدر حاني
هـذا هو اللـي يليـق ب شاعـر وبنـت حزينـه!

ياصغيّر السن قدرك طاحت أبراجه
الجرح خلى الصخر ينطق ونطقني
خلاص ماعاد تعنينـي ولا حاجـه
رح جعل ربـي يوفقـك ويوفقنـي
من بعد ما كنت نور العمر وسراجه
اليوم صرت الظلام اللي يطوقنـي
عطيتك أكثر من اللي كنت تحتاجـه
أسرفت فـالحب لين الحب وهقنـي
خلاص مالي ومال الحب وإزعاجه

تعبت أسولف لك وانا ما تكلّمت
............................أسكـت أنا وأتـرك عيوني تكلّم

لاتفهم احساسي ولا تفهم الصمت
............................مـدري وش أسوي علشان تفـهم

ودي أقول فـ يوم كم فيك أنا همت.!
............................لكنّي خايـف,,خايـف أقـول وأنــدم

كل ما بغيت أقـول أحبك تلعثمت
............................حتى وأنـا أحلم فيك كنت أتلعثـم

كم ضقت منك وكم عشانك تبسمت.!
............................الله هو اللي بـس في حالي أعلـم

أحبك لحالــي ولا يــوم علمت
............................إحساس أحس المـوت من طعمه أرحم

لو بـس تدري كيف أحبـك تألـمت
............................عن كل لحظة منك كنت أتـألـم

تعبت أسولف لك .. وأنا ما تكلمت
............................يارب تفـهم بس ..يارب تفهـم !

أتعبت طيفك لوم , واللوم مافاد
ويوم الأمل في شوفتك مات نصفه

نويت أسافر عنك بجروح ٍ جداد
وعمر ٍ من أوراق الزمن حان قطفه

نويت , لكن جابني الشوق منقاد
وجابك حنينك , والزمن سال عطفه

شفتك تبــسّـم لي خجل مدري عناد
وفي نظرتك شوق ٍ من الظلم وصفه

حسيت كني طفل , وعيونك أعياد
ياعيدي اللي له ورى الصدر رجفه

سـمّ اللقا صدفة , وأسـمّيه ميعاد
أنا أنتظرتك , وأنت مريت صدفه