يالعنبــــوها تلبــس الثــوب مشـــــقوق

	اوصيـك يالســامع عـن الحــب والشوق اوصيـك يالســامع عـن الحــب والشوق // لا تـــمشي بــدرب الحيـــــــاة الشقــــــية كــم عــاقل ٍ ذبنــّه البيــض مــن فـــوق // خلنّـــه الخفـــــرات مثـــــل المطـــــــــية ذاك الـذي يعجبــك ملقـــا ومنطــــــــوق // خـــــلا المــــراجل صـــــار مابــه حمــية تقــوده اللي قـــدّها حيــــل ممــــــشوق // بكيـــدٍ عظيـــــم ٍ لفـّـتـــه لـــف حــــيــّة يالعنبــــوها تلبــس الثــوب مشـــــقوق // مـــن ساقـــها مفتــــوح ليـــن الشـ...ـية بخـــــــــــدودها اشكال والوان مسحوق // لـــها مع الموضــــات روحـــــه وجــــية وقت العصر تقضيه من سوق في سوق // ونــهــارهــا بشخـــير ليــن ضحـــــــوية ماتطبــخ الكبــسه ولا تـرق مــــــرقوق // تقــــول لا جــــــا الضيـف.. وش هالاذية لاجاء الغــداء تطلب لها شيش طاووق // وتــرى المطــاعم جاهــــــــزه للــــردية اوصيـك باللي تمســك الديــن بــــوثوق // ولا عمـــــــرها زلـّـــت وداســـــت خطية خفـــوقــها مــــن خلقــــــــة الله مغلوق // ولا دشّـــــــــــه الشيــــــطان حتى شوية خفـــــــــوقها ما يملكــــــه غير مخلوق // في ســــــنة الله يـــــوم جــــــــاها عطية شيهـــانة مــا جــــوّدت يــــوم بسبــوق // ولا تنــــــزل الا في مكــــــــان الثريـــــة تعينــك بدنيــاك لا صــــــرت مخنـــــوق // وتصـــــــبر على مــــر الحيـــــاة الشقية تــاج على الاخـــلاق بالطيــب والــذوق // وديــن ٍ ومنطـــــــوق ٍ وطـــله بهـــــــية اما انت يالمطفـــوق بتعيـــش مطـــفوق // جــــــــاهل ولا ينفــــــعـك مــني وصـــية منقوووووووووووووووووووووووووووووول

يا لعنبوها تلبس الثوب مشقوقxxxxxx من ساقها مفتوح لين الشطية !!!!!!!!!!!!!!!

الله عليك يا التوصيف اللي يقطع القلب ههههههههه

ويش ها الهوائل يا المدرس ايه يا رجال انعشنا وسع صدورنا الله يونسك بالعافيه

ترى قلوبنا خضر............................................... ....................

ولا اقدر اقول الا الله يعطيك العافية يا مشرفنا الغالي ومع السلامة وان شاالله نشوف منك اكثر

محبك ومغليك ابو عبدالعزيز

	الله عليك يالمدرس صح لسانك إيه من زمان كذا يكفي بس أن أبوعبدالعزيز تحرك قلبه ، ماله لايم صدق كلام يقطع القلب وقلوب خضر وش بقي الله يعطيك العافيه ياعسل تحياتي لك ،،،،،

	يا نعنبوها وااااااااااااو اجل احرقت قلبك والله مالها حق والله يهنيك فيمن تحب صح لسانك محبتك نواره

والله كلمات قويه



صح لسانك يا المدرس

وين رواياتك انقطعت هاليومين ؟؟

ولا تحرمنا من هالقصائد


ام توتو

	ام توتو ونواره وراعي الرايه واخي عبد العزيز أشكركم وتحياتي

تسلم اخوي المدرس على نقل القصيده ونبي نشوف جديدك على طول تحياتي لك

حلو العنوان وشوقني للقصيده

وطلعت روعه ورايعه من الروايع

كلمات سهله وجميله

تسلم لنا يالمدرس


سلام

	مرحب هادي والجميع وإن كان فيه شيء حول الموضوع أتحفونا المدرس