بمـــنـــاســـبــة ( عـــيـــد الـــحــــــــب ) قـــصـــيـــــدة

17 / 02 / 2004, 03 : 01 AM

في هالـزمن شفـنا كـثير العـجايب &&& عـجـايـب من كـثرها شــيب الرأس

حـلـت عـلينا من ورا جـيل خايـب &&& جيل فقد طعم المشاعر والإحساس

بين الـشباب الـيوم شفت الغرايب &&& وصار الحيا من بينهم ما له اقياس

يهدون عيد الحب من دون عايب &&& هم يحـسبون الحـب يهـدا بقرطاس

آو وردة حـمرا بـتـجـمع حـبـايب &&& تعـرف بأسم الحـب من بين هالناس

مـصايـب يا كـبـرها من مـصايب &&& وحنا نشوف العيب ونكـتم له أنفاس

عــادات جـتـنا من سـنين قرايب &&& وكـثـر العـوايـد خـلـت العـقل ينحاس

هي من بلاد الغرب وحنا سبايب &&& من جاب هالعـادات من نـاس انجـاس

ان قـلت آنا طيب فلا نيب طايب &&& و لا هوب معجبني طبايع هالاخساس

وقت وفيه اطباعنا مثل الهبايب &&& وقــت غـــزانا فــيه شـــرابة الــكـاس

عبر الفضاء ومثبتين النصايب &&& نصـــايــب مــا عــاد يـــثر بها الـفاس

ولا عـاد يقواها شباب وشايـب &&& وهي بـوسط الـرأس مغـروسة اغراس

شعر ابو ريان

17 / 02 / 2004, 10 : 12 PM

تسلم ابو القصيد على هالقصيده الحلوه والي مايقولها الا واحد مثلك تحياتي لك
اخوك
hamad

17 / 02 / 2004, 33 : 04 PM

هلا بك HAMAD ويسرني ان تكون اول المتصفحين لهذه المشاركة 0

اخوك ابو ريان 0

17 / 02 / 2004, 50 : 04 PM

وانا ثانيهم

بيض الله وججهك والله قلت ووفيت

والله ان حنا شفنا العجايب

تسلم والله لا يحرمنا من قصايدك

سلام

17 / 02 / 2004, 17 : 05 PM

يعطيك العافيه على هالنصيحه

تصدقوون ان بعض البنات اذا قلنا لهن ويش هالعيد يتبسمن ويستغربن علينا

سبحااان الله

محبتك
نوراه

18 / 02 / 2004, 06 : 12 AM

هادي تسلم على شعورك ويعطيك العافية يا الغالي 0

نواره هذا من ذوقك وتسلمين على الاطلاع 0

18 / 02 / 2004, 02 : 01 AM

صـــــــــح لسانك ياأبوريان

قولك طيب وصدق حمد بقوله أبو القصيد

أشكرك كل الشكر على إبداعك وتواصلك وجديدك

وصدقني هذا الوقت كثير من الناس محتاج للنصائح

وطريقت النصح بالقصيد ناجحه

تحياتي لك أخوي أبويان وأتمنى المزيد والجديد ،،،،،
ولا هــــــــــــــــــــــــــــان الجميع .

28 / 02 / 2004, 38 : 10 AM

تسلم لي يابوريان على هالقصيدة ,والله انها تقول الي ودنا نقوله وعجزنا عنه والسنه مافيها الا عيدين

الذين يشاهدون محتوى الموضوع الآن : 1 ( الأعضاء 0 والزوار 1)