ابيات حكمة رائعة

عندي يقين إن الفلك دوّار والدنيا تدور

،،،،،،،،،،،،،،،،،،،،،،،،،،،،،واللي طلع من مشيمه يكبر ويدخل في قبر


مهيب حلوه تبتسم في وجيه تعطيك الظهور

،،،،،،،،،،،،،،،،،،،،،،،،،،،،،،،للوجه لا قابلك وجه وللظهر مثله ظهر


كسر الخواطر وانتفاخ النفس في ثوب الغرور

،،،،،،،،،،،،،،،،،،،،،،أمّر وأدهى من صواديف الدهر وأدهى وأمر


امن الحياة اللي تجرّعنا حلاويها مرور

،،،،،،،،،،،،،،،،،،،،اليا استوت مع زيد بعض أمرار خربت مع عُمر

من حبه الله .. يسر أمره وعافاه
................ وحبب جميع الناس في شوف زوله


ومن أبغضه .. ياكبر همه وبلواه
................. يصعب على من يذكر الله قبوله !!

تعلمني الليالي واتعلم
،،،،،،من الايام امورً ماعرفها

امورً من تعلمها تألم
،،،،،،،مثل من دين بشياء مقترفها

امورً منها العاقل يبلم
،،،،،،،،،،لاحاول صرفها ولاصرفها

لاشاف ان الكذوب اللي يفلم
،،،،،،،،،،،،قدر فرجال ماتجرف جرفها

وخلا الصدق يسكت مايعلم
،،،،،،،،،،،،ماكن الاشراف تصدق من شرفها

وخلا اللي يسلم مايسلم
،،،،،،،،،،،،،،،،،،،ووقفاتك الا يامعترفها

وخلا اللي يدورك يتولم
،،،،،،،،،،،،،بدا بك سالفه ولاحرفها

وخلا اللي شكا ولاتظلم
،،،،،،،،،،،،ان غص بعبرته ولاذرفها

لاعاش بواقع وكنه يتحلم
،،،،،،،،،،،ونفسه من ترفها لاقرفها

امورً والله اني لاتكلم
،،،،،،،،،،ان ياتي الصبح ماكمل طرفها

عسى من يقول لقلب راعي الولع ماتعب
،،،،،،،،،،،،،،يجرب ولع ومفارق اللـي تولـع بـه

علشان يدري كم فراق الولايف صعب
،،،،،،،،،،،،،،عليه امحق ايامـه نهـارٍ يـوادع بـه

ابيات جزلة ووافية

راقت لي

لاعدمنا نبض بوحك وحبر قلمك

نسمات رائعة يانسيم
يسلم راسك

اقتباس: المشاركة الأصلية كتبت بواسطة اسيل التميمي    ابيات جزلة ووافية راقت لي لاعدمنا نبض بوحك وحبر قلمك

لاهنتي على حضورك يا اسيل التميمي

اقتباس: المشاركة الأصلية كتبت بواسطة العالمي    نسمات رائعة يانسيم يسلم راسك

تبقى يالعالمي تبقى

حنامانوذي ضيفنـا بالتناشيـد
،،،،،،،،،،،،،،،،،،،،ماننشده ياكود ينشـد حدينـا

شيمه عرب مانرددالهرج ترديد
،،،،،،،،،،،،،،،،،،نعرف سلوم الطيب لوماقرينـا

لوكل من يضحك لي بسنه رفيقي
،،،،،،،،،،،،،،،،كان الحريم اخير ضحك وتمازيح

رفيقي اللي ماشي في طريقـي
،،،،،،،،،،،،،،اللي يعضدلي اليا جيت اباطيـح