( علامك ما انت طايقني )؟

يـا صغـيـر الـسـن قــدرك طـاحـت ابـراجـه=الـجـرح خـلـى الصـخـر ينـطـق ونطـقـنـي
خـلاص .. مـا عـاد تعـنـي لــي ولا حـاجـه=رح .. جـعــل ربــــي يـوفـقــك ويـوفـقـنـي
مـن بعـد مـا كـنـت نــور العـمـر وسـراجـه=الـيـوم صـــرت الـظــلام الـلــي يطـوقـنـي
عطيتـك اكثـر مــن الـلـي كـنـت تحتـاجـه=اسرفت فـ( الحب ) .. لين الحب وهقنـي
خــلاص .. مــالي ومــال الـحـب وازعـاجــه=مـالـي ومــال الــدروب الـلــي تضايـقـنـي
تـعـبـت اضـــم الـبـحـر واهـــدي امـواجــه=تعبـت اجامـل واشـوف الـوقـت يسرقـنـي
شكواي للي عليـه الضيـق وافراجـه=الـلــي إذا شـــاء .. يرحـمـنـي ويـرزقـنـي
أمــا أنــت يــا أبــو جبـيـنِ عـقـد حـجـاجـه=لا عاد تسأل: ( علامك ما انت طايقني )؟
الـنــاس كـــلِ(ن) عــلــى دربــــه ومـنـهـاجـه=وانـا عـن النـاس مــا بــه شــي يفرقـنـي
الا انــي دايـــم احـــب الـصــدق واواجـــه=مخلوق .. والله على هالوضـع خالقنـي
حـتـى رفيـقـي ضـمـاد الـقـلـب وعـلاجــه=علـى كثـر مـا اتمـسـك فـيـه .. صدقـنـي
لـــو أدي انـــه مرافـقـنـي عـلــى حـاجــه=لمسكـه حاجتـه .. واقـول : فارقـنـي

الشاعر / فهد المساعد

صــــــــــــــــــح لسانك قصيده رائعة اخوي الدبلوماسي وصح لسان الشاعر

صح بدنك اخوي الجنوبي

وشاكر لك مرورك الكريم

لك مني اعطر تحيه فديتك

::: الدبلوماسي :::

تسلم

تسلم

تسلم

نص تفوح منه رائحة النضوج والخبرة والاتزان


وشاعر على الكيف

صح لسانك ملاييين ولاهنت يالجزل


على هالذوق الرايق والاختيار الموفق


لشاعر مميز كــ .. فهد المساعد

صح لسانك ولاهنت

قصيدة ولا اجمل


تحيتي لك وننتظر جديدك


دمت بخير


.

الف شكر على مرورك الكريم الأخت المطيريه

والى مزيد من التفاعل والتواجد الجميل