يا نصر يالتاريخ

بسم الله الرحمن الرحيم
السلام عليكم ورحمه الله وبركاته

قالوا علامك ضايق الصدر محـزون=بالله خبرنـا عـن اللـي جـرالـك
النصر يبكـي والجماعـه يغنـون=يتشمتـون ان الهـوى ماصفالـك
يامنهـا ضاقـت عليـك يتفضـون=يالشاعر المعـروف هـذا مجالـك
قالوا وانـا ماطيعهـم لويموتـون=لورحت في ليلٍ من الحـزن حالـك
أنا اشهد اني فيك يانصـر مفتـون=يـزود مـع زود الليالـي جمالـك
فتحت لك قلبٍ من الحب مشحـون=وسديت عن غيرك جميع المسالـك
ماني من اللي بالهزيمـه يغيبـون=على يمينك يـوم صـاروا شمالـك
صدري بحبك يااصفر اللون مسكون=وقلبي ثلاث عقود ضمـك وشالـك
ياعالي البنيـان ناطحـك مجنـون=مثل الجبل ماحـرك الريـح جالـك
علمتنـا كيـف الحبايـب يحبـون=وان التناحر هـو طريـق المهالـك
تعيش واصحاب المصالح يروحـون=من ينكر افضالك مهو مـن عيالـك
ناسٍ ليا شافوك فايـز يحضـرون=لكن تغيـب وجيـه ياشـان فالـك
تطلع صورهم بالجرايـد يهـذرون=هم واهميـن ويحسبونـك لحالـك
حتى المزيف صرت لرضاه مديـون=يانصر وش باقـي بعـد ماجرالـك
يقول يبغى يجمـع اثنيـن مليـونان =حركه (بمبـا) عليـك ورقالـك
امشوا جميـع وجعلكـم ماتـردون=روحوا لكفر الشيـخ والا الزمالـك
يانصر يالتاريخ هم كيـف يقـرون=ولايفهمون ان الوفا مـن خصالـك
مات الحبيب اللي به النصر مضمون=الله يـوم اذكـر زمـانٍ مضـالـك
حبك معه ياسلوة الـروح مدفـون=وبقلوبنـا حبـه نشيلـه كـذلـك
لوهو هنا ماجاك (بمبا) و(تيمـون)=تقصـر يديهـم ماتجيـك وتنالـك
يانصـر قـل لاحبابنـا يستقيلـون=بلسان جمهـورٍ نصـرك ودعالـك
يانصر قـل لاحبابنـا يستريحـون=من فعلهـم حتـى عـدوك رثالـك
يانصر ياكل الغلا يااصفـر اللـون=حبي بدالـك باولـه وانتهـى لـك
خذها عهد ماهي وكالـة يقولـون=أنـك بقلبـي والزمـن ماينـالـك
والله لـو تهـزم ثمانيـن مليـون=مـره فـلا دورت نـادي بـدالـك

وسلامتكـــــــــــــــــم
بندر بن داموك

صح لسانك وصح لسان الي ناقلها مشكور يا تميراوي الرياض على القصيدة الرائعة ويكفي انها في العالمي

دام عزك يا نصر

مشكور اخوي الغالي الجنوبي 2000 على مرورك ومشاركتك
00000000000000000000000000000000000000000