يوم طال الليل

يوم طال الليل فـى مسـراي شديـت الركايـب=وماحسبت حسـاب للهفـوات وظـروف ٍ لعينـه
يا مجاهيـم الليالـي ماذخرتـي لـى زهايـب=غير جرح ٍ فى حشاي وحفنة طعـون وضغينـه
ساق عمري لك شبابه صامـل ٍ ماهـو بهايـب=وياكثر ماشال من صبره وسط ذيـك الخزينـه
سايقـه مـع سرمـدي البيـد والخفـاق ذايـب= وخــايف ٍ من قولـة انـه راجـع بخفـي حنينـه
والزمان اللى غـدى بيـن المجابـه والطلايـب=هـو يقـــدّر وقفـة الرجـال والدمعـه بعينـه ؟!
والزمن لاصار خصمـي وأبجدياتـه مصايـب=من يدينه لاغرس همـه بصـدري مـن يدينـه
ماعلى وجه الزمن شرهه ولا لـه مـن عقايـب=والسمان عجاف فيه وصـارت العجفـا سمينـه
والعيون اللى تـرف رموشهـا دمـع ٍ سكايـب=مـن يقديهـا ونـور الليـل ذابـن شمعتيـنـه
مالها ألا الصبر واللى فات ماجـا بـالنحايـب=والعمر من لوعتـه ماينعـرف زينـه وشينـه
من عرفت العلم متعبني طمـوح وحـظ عايـب=رغم هذا ماتركتـه يـوم فـى عسـره ولينـه
آه يا حلم ٍ رجيتـه ليـن صـار الحلـم شايـب=ماوصلـت لرغبتـي والليـل عدابـي حنيـنـه
عاشق ٍ عدى على المرقاب وجروحـه عطايـب=وفارس ٍ يسمع صدى النخـوه وكفينـه رهينـه
من سمع بحكاية المذبـوح مـن ظلـم القرايـب=ومن سمع بحكايـة العطشـان والسيـل ودنينـه
ماذخـرت الا طمـوح ٍ مـا تثنيـه الصعايـب=ولا ذكرت الا فتي للـــــعـز مرخـي راحتينـه
ولا خبرت الا كريم ٍ مرخـص مهــــور ٍ نجايـب=والرجل لو هو يشـح الوقـت ماشحـت يمينـه
ولو تنحـى كـل رجـال ٍ ليـا واجـه نوايـب=مابـدا رجـــّال يسـوق حلمـه بأربعينـه
والبنادم نطفــة ٍ بالصلـب وأحضـان الترايـب=ولـو تعـدى للنجـوم نهايتـه لبنـه وطيـنـه
والطريـق اللـى حدانـي للهمـوم وللحرايـب=ماثنيت الرجل فى دربـه .. وانـا دينـي ودينـه
والعلوم اللى تجـر النفـس لهـروج وشوايـب=عنـّها فى اذني هذى طينه وفـى الاخرى عجينـه؟
والغرام اللى رجـع مـع هقـوة الايـام خايـب=وجيت ادور له عذر من لهفتـي والعـذر وينـه
لاحشـا ماقلتهـا تبريـر والدنـيـا وهـايـب=والعذر فى الحب !! مايجدي مع نفـوس ٍ حزينـه
وانت ياللـي تستثيـر الحـب وتجـر الذوايـب=وصرت مثل اللى غدى بين العرب مغريه زينـه
لا تمادى فى غرورك بـالهوى ويش انت جايب؟=لا تمـادى لا يغـرك لا جمـيـل ولا بثيـنـه
تستهين الحب فى بالك على ان الـراي صايـب=لعنبـوا حـب ٍ جمعنـي فيـك دامـك تستهينـه
ماورى حدب الضلوع من الغـرام الا خرايـب=من بعد ما كانـت احـلام ومواويـل وسكينـه
وش بقي وش راح دام العمـر تاليتـه نهايـب=قل على الدنيا السـلام وصاحبـك ربـه يعينـه
راح عمري كل عمري من ذهايب فى ذهايب=والرحا نسمـع (لجعجعتـه) ولا شفنـا طحينـه
فى عيون الناس شفتلك العجـب وام العجايـب=شفتهـا لـو قالـوا انـا عاذرينـه عاذريـنـه
والله انك لو بلغـت بزينـك عيـون السحايـب=جرحك اللى فى خفوقـي مانسيتـه مـع ونينـه
ما على حسنك حسوف .. ولو سلب كـل اللبايـب=والله انـه مـا شحنـي فيـك عـنّابـه وتيـنـه
رح على كيفك وعمر الحب ماهو بـالغصايـب=واليقين من الخبـر يجيـك علمـه مـن جهينـه
رح على فالك ولـو فرقـاك تاليهـا نصايـب=الهوى والذل مـا يمشـي علـى روس ٍ ذهينـه
اتحاشى عن خطاك ودامهـا جـت بـالنشايـب=الرجـل مـادون حلقـه لا ابتلـوه الا يديـنـه
ادري ان الحب جمـره وادري ابشوقـه لهايـب=بـس لامـن صـار ذل علـّهـا تقفـي سنينـه
صار ثاري من ورا ذا الحب مدحور الصلايـب=ثار ابو ليلى المهلهـل عنـد جسـاس وعوينـه
والله انـى مـن بعـد ماصارلـي قانـع وتايـب=ولا رحم ذاك الغرام وماحصـل بينـي وبينـه
والله انى مـا ندمـت الا علـى قولـة حبايـب=دام حبـك مبتلينـي مـن غبينـه فـى غبينـه
وخـبّر اللى يرتجي ذلـي علـى كثـر الغلايـب=يا عوينـه كـان ذا قده وجيـده يـاعوينـه
طال نزف الجـرح والايـام حاليهـا عصايـب=وطال ليـل السالفـه بيـن الشـوارع والمدينـه
ولو غدي كل ٍ على المعروف لو شحـت هبايـب=ما حشد هـدام جيشـه للكويـت ومـات دينـه
ولو غدى الغالي مع الايـام لامـن فــِـقـد غايـب=مابكـت ام الأسير وشاقـهـا طـلـة جبيـنـه
ولو غدى كل ٍ لأدنـي ظلـم مخـروسِ ٍ وهــايـب=كان ذاك المسجد الأقصي خـلا مـن ساكنينـه؟
والزمان اللى غـدى بيـن المجابـه والطلايـب=لا يحـــَــسب انـه يـذل الرجـل والدمعـه بعينـه
ويوم .طال الليل.. طال الليل..شديـت الركايـب= فـارس ٍ عاثـر زمانـه والليـالـي ماتهيـنـه

الف شكر اختي عهود على هالقصيده والعوده الرائعه
اتمنى المزيد من المشاركات منك مستقبلاً
تحياتي لك
النادر

القمة تحتاج اهلها

صح لسانك اختي عهود

رح على كيفك وعمر الحب ماهـو بالغصايـبواليقين من الخبر يجيك علمـه مـن جهينـه

رح على فالك ولـو فرقـاك تاليهـا نصايـبالهوى والذل ما يمشي علـى روس ٍ ذهينـه

تحياتي

عهووووووووود


صدق من قال الشعر لكي وانتي الشعر

مشكووووووووور وشكرا على اختيااااااارك


سلام

من اجمل ما وقعت عليه عيناي مؤخرا




صح لسااان شاعرها




تحيااااتي لك

	وش بقي وش راح دام العمر تاليتـه نهايـب قل على الدنيا السلام وصاحبـك ربـه يعينـه راح عمري كل عمري من ذهايب فى ذهايـب والرحا نسمع (لجعجعتـه) ولا شفنـا طحينـه نص رائع وبهي ........ كعادتكِ دائما" ........ صح الله لسان شاعرها وسلمت لنا ناقلتها

الف شكر اختي عهود

على هالقصيده الرائعه

الف شكر لكم اخواني

واخجلــتم تواضعي بحروفكم العطره

تحيتي لكم ودمتم سالمين ،،،

والله انى ما ندمـت الا علـى قولـة حبايـب دام حبك مبتلينـي مـن غبينـه فـى غبينـه

من روائع الشعر وعذب الكلام يا عهود

واعطر تحية

شكرا لك اخ هيمان

مرورك الكريم شرف الحروف

تحيتي لك