|
|
هَمْس الْقَـgافِــي مآتغترفه ذوائقگم من بحور الشعر |
آخر 10 مشاركات |
|
أدوات الموضوع |
22 / 03 / 2006, 30 : 01 PM | #1 |
مشرف سابق
|
مجموعه قصائد للشاعره عابرة سبيل
في ضامري عنوان حرة تحدي=أبا اكسر الأغلال واعيش حره
باصنع قراري وكل شيء بيدي=مليت من صبر عطاني مضره اهلي ما يدرون اني شاعره=بس مايدرون في جرح الليال يمنعوني من كتابة خاطرة=ما دروا اني زمان بهالمجال آه لو يدرون اني عابرة=عندهم بتصير موتتنا حلال مسافرة مسافرة وجمعت انا اشيائي=بروح ادور لي ارض غير مأهوله افكاري مبعثره والمشي عشوائي=والدرب محظور والأحلام مشلوله بروح امارس جنوني واقتل اعبائي=مابي خوي يخاويني بهالجوله بحمل معايه صراحه وقول تلقائي=وقصه موادع وقطعه قلب منزوله وشعري وجنوني وفلسفتي مع آرائي=بطلق لها عنانها وتقول ما تقوله في رحلتي مستعده افقد اعضائي=دام اني آمنت فيها صرت مسؤوله مليت وانا انطعن بالظهر واستائي=ما قلت لو مرة هالطعن وش هو له ؟ مليت اكفر اخطاء ما هي اخطائي=وادرى براع الخطأ واقول من هو له ؟ فر رقبتي قلاده هي سبة ايذائي=من قبل لا اولد وهي بالعنق مغلوله محتاجه للنفس ضيقه احشائي=واشوف مفتاح قيدي مقدر اطوله انا عجوز مطلقه وام ورعان=وايضا مدام وبنت وآنس عانس انا بدويه وعايشه عند حضران=وبنت البحر وابوي زارع وغارس اميه ما تعرف حروف والوان=وتلميذة دشت جميع المدارس ظفره وخبله عاقله في نقصان=شرود وانطح لي ثمانين فارس خلون اعيش العابره دون عنوان=طيف يمر بلا رقابه وحارس يمه يا يمه فديتك لا تخليني=بعثرني الهم وابغى يديك تجمعني يمه افهميني تراك ما فهمتيني=ما فيه شخص بهالدنيا يسمعني ضايقه بالحيل محتاجه اشتكي=لو لا طبع في يمديني شكيت بس ادور عذر منشان البكي=لو يدوسون بطرف ثوبي بكيت كل ما جيت اتريح وارتكي=يزدحم في خاطري ألفين بيت ويش بيدي أفعله غير الحكي=قاصره خطوات رجلي لو مشيت أسرعي يا نفس موتي وأهلكي=صرتي همي يوم بالدنيا شقيت انا آسفه يا قصيده وابعدي عني=الوقت كله عطيته لامتحاناتي حتى حبيبي بطيفه لا دنى مني=للغرفه الثانيه لملمت حاجاتي الوقت وانا دروسي يهمني=خليني اختمها مسك آخر محطاتي ما انكر جميلك علي يا مخففه عني=قصه شقاي وعناي وكل ضيقاتي ادري انا منك وانتي قطعه مني=لكن صراحه ثقيله بعض الاوقاتي خويه الذالت لا لا تزعلي مني=العمر قدام وانتي مرصد آهاتي سألت عنه الشمس يا شمس وينه=واشوفها عني لجت تزبن النو وسألت عنه في شوارع مدينه=لكن طفت انوارها واظلم الجو في عز ليل الشتا قعدت يلحالي=ما اغير انا وهاتفي والبوم والدوه انطر يبي يتصل بي واحد غالي=وطفيت ليتي اخاف انشاف في ضوه اقلب الفيش اخافه عاطل بالي=اموت واحيا وعقرب ساعتي توه انا في موقف يخوفني به اظلالي=واقول ما قوم لين يقول لي قوه ودقات قلبي تزيد وينشغل بالي=ويزداد خوفي لا درت الوجه للهوه خلاني انطر حبيبي المدن التالي=عز الله انه ما سوى خير ومروه ليته درى صبيحه العيد وش صار=يا هي جرت لي من عذابي هوايل يوم العذارى بيحن بعض الاسرار=وجت السوالف بين قيل وقايل هذي معايدها قبل وقت الاسحار=وهذيك صاحبها عطاها رسايل وهذي تقول انه لفا البيت زوار=وهذيك راحت له زياره عوايل وهذي تفاخر في غلا الصاحب البار=تقول عايدها بكل الوسايل وانا اطالع فوق ويمين ويسار=بالعيد ما حتى مشطت الجدايل غرامه ربى في داخلي وانتشر بالحيل=من الصغر حبه في حشا النفس منغرسي انا في نظر عيتي حشا ما سمعت القيل=اهو حاضري ومستقبلي وباكري وامسي جحدني مثل ما يجحد الكافر التنزيل=فجعني مثل فجع الهواجيس للمسي العمر جرحني مثل جرح الثرى من عزير السيل=رماني مثل ما يرمى بالي اللبسي يا صاحبي معدود=نضيع في لمحة الرمشي مهما نسوي نريد الزود=الواسطه فيه ما تمشي ميخالف ارحل بس لا ترحل بعيد=ميخالف اهجر بس خلك بداري ميخالف اعشق الف عذرا من الغيد=ميخالف اجرح بس حاول تداري انا عقب فرقاك ما مرني عيد=العام ذا من كل الاعياد عاري ياصاحبي لا تكثر العذل وتزيد=معذور الاعمى لو مشى الليل ساري بابيع عمري لك من غير تحديد=عمري رخيص من يوم شفت انكساري عقبك قسم بالله مدري وش اريد=ابنتظر ما بي ثمن لانتظاري واتركني اغرق في بحور التقاليد=ارحل وسافر بس خلك بداري انتم تحبوني وانا احب ثاني=واللي احبه باغي ناس ثانين هذا ابتلى فيني وهذا بلاني=واللي بلى مبلي وباليه مسكين لا وداعيه ولا هم يحزنون=قط لي كل الرسايل وانصرف رافض حتى وداع التلفون=قام يكرر ما تخبيه انكشف ما جداي الا اناظر بالعيون=لين زوله عن مدى العين انحرف كيف خان وهو حالف ما يخون=وين عهده وين كلمات الشرف كل شيء عقب محبوبي يهون=واستوى عندي عذابي والترف قال اسمعي فرقاك غصب عليه=عيا الزمن يمشي معانا بالاوفاق وقفت لا ميته ولا نيب حيه=تضاربت بالجوف ضيقه وحراق وقال الرسايل وينها قلت ذيه=وللريح عرضت الرسايل والاوراق ورزيت نفسي واتظاهر قويه=يعني كاني ما تأثرت بفراق وانا عذاب الكون صوت عليه=اضحك بسني واختم الضحك بشهاق ما كنت اظن الليل يمسي عليه=ولا كنت اظن تعود الشمس بشراق هذاك لو قال الشتا صيف عرقت=ولو قال صيفي برد شبيت ناري هذاك لو قال الجمل طير صدقت=اقول ريشه بعثرته صحاري مقدار حبي عالم فيه ربي=والا الموازين لغرامي ظلومه لا لا تقارن حب امك بحبي=اخاف من عينك تطيح الامومه اخشى يقولوا عنك ما هو متربي=ما بي اشارك في عقوق الرحومه يا خبلي الغايب متى ترد للعين=متى اشوفك او تجيني رساله صحيح بالدنيا خبول كثيرين=لكن خبالك يا حياتي لحاله يا ناس وين اسبنش باباي=باعطيه خل نقل همي حتى يصارع جميع اعداي=واول ما يذبح ولد عمي !!! تطورت العنز مع من تطور=ولا هوب مقصور التطور على الناس عقب الربيع والزين والخد الاخضر=قامت تعلك بالمدينه بقرطاس ترضع صخلها من حليب مبستر=تخشى رشاقتها مع الوقت تنداس باقي قليل ويشرب التيس منكر=ويروج الهروين راعي وعساس لي صاحب منه تبي تطلع الروح=خبل ومن هي مولعه فيه خبله عامين المح له مع الجد وامزوح=واقول يا عنتر تناديك عبله طال المدى ثم قلت انا اغليك يا لوح=مجروحه جرح مخاطره عجله دنق وقال آنا من العام مجروح=واشر لجرح مبطي وسط رجله دوم يعيرني يقول انتي متين=حلجك المفتوح لازم نغلقه هيه يا دبه لزوم تخففين=والا اثور فيك عشرين فشقه وفي رجيمي استمريت اسنتين=جدى اللي ما بغيت الحقه ويش رايك قلتها بصوت حزين=قال دبه وانقلبتي لى اسلقه انا لي ثمان سنين متولعه فيه=وعلى جملة اهل الحقد والعذل محتجه كتبت القصايد كلها يا جماعه فيه=عليه الحشا مثل القراطيس بالعجه عقب هالعمر يسأل قصايدك من هو فيه؟=يا ويل قلبي كان نشدته من صجه انا ودي اطقه واخاف آتوثم فيه=هبيل بلاه الله في بنت مرتجه |
سبحان الله وبحمده ،،، سبحان الله العظيم
|
22 / 03 / 2006, 27 : 07 PM | #2 |
ABOYASSER
|
عابره سبيل
ادعوا الله ان يغفر لها و يرحمها فقد اثرت الساحة الشعرية بالرائعات من القصائد من اميز شعراء الوقت الحالي و قصائده ذات رونق خاص الف شكر و تقدير اخوي السنافي لهذه القصائد الممتعه و الرائعه تحياتي |
|
23 / 03 / 2006, 19 : 01 AM | #3 |
مشرف سابق
|
الف شكر و تقدير اخوي السنافي لهذه القصائد الممتعه و الرائعه
|
|
28 / 03 / 2006, 29 : 12 AM | #4 |
تميراوي سوبر
|
شاعره كبيره وقد اعتلت هرم الشعر النسائي
فرحمها الله رحمه واسعه ونشكر الغالي السنافي |
شوف لك رجلٍ بليد استحقره 00 واجد اللي يعشقون بلا ضمير
بس انا لو جبت لي مية مره 00 ما تحرك فيّ شعره لو تطير |
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|