|
|
هَمْس الْقَـgافِــي مآتغترفه ذوائقگم من بحور الشعر |
آخر 10 مشاركات |
|
أدوات الموضوع |
10 / 03 / 2006, 50 : 08 PM | #1 |
مشرف سابق
|
بعد تدنيسة المصحف وش اللي باقيٍ ما شيف
ألا ياحيف من ناسٍ تغاضى لا وطاها حيـف = وتغفر زلـةٍ أكبـر مـن الشيطـان وذنوبـه وكيف أستوعب القصة أمانة يا زماني كيف =أبي أعرف أرادتنـا تبيهـا صـدق مسلوبـه أبي أعرف سيوفي هو بقى منها بقايا سيـف= وابي أعرف خناجرنا عسى ماهيـب مجلوبـه وابي أعرف كرامتنا لظاها يقبـل التسويـف= وابي أعـرف بيارقنـا لياهـا ميـر مقلوبـه وابي أعرف عن الغيره وزان البلبله والزيف =وابي أعرف مبادينا عسـى ماهيـب مكبوبـه أظن أظن والهقوة خذانا في مسـاه الصيـف =وليل الصيف لا بين خذانا بس مـن صوبـه لهينا نتبع البارق وذبنا في جمـال الطيـف= وضعنا في كفوف الورد ورمشٍ محتزى توبه إلين إن العدا مانت فـلا كلفـة ولا تكليـف= غفرنا ذنـب نيتهـم وغلطتهـم لهـا حوبـه بعد ماجربوا فينـا فنـون الـذل والتخويـف =تمادوا فـي إهانتنـا وتـرك الديـن نادوا بـه بعد تدنيسة المصحف وش اللي باقيٍ ما شيف =وحنـا ويننـا حنـا أنشهـد هـذي اعقوبـه وانا خوفي نعم خوفي صديعٍ يطلب التلطيـف =صديعٍ هافـيٍ حظـه نفـخ بالزيـف لغبوبـه صديعٍ ورّد الفكرة قراها مـن كتـاب الليـف =تباها لا ولا مبدا ووطـى يـا عـرب ثوبـه ونا بحذرك يا مسلم ترى اللاعب بعد هدّيـف =تبيهـا غيـر تطردهـا وذا لديـت ملعـوبـه أبي من أمةٍ قامت على ديـنٍ بـلا تحريـف =تفـز ابكـل قوتهـا تـرد المـاي لادروبــه وانا بنخى قوي الباس عظيمٍ حارب التطفيف =جزومٍ عالـي الهمـة وهـذا بـس عذروبـه عزومٍ يخجل العزة غنيٍ مـا يبـي تعريـف =أبو متعب عريب الساس يحق الحق باسلوبـه الشاكي |
سبحان الله وبحمده ،،، سبحان الله العظيم
|
26 / 03 / 2006, 12 : 12 AM | #2 |
مشرف سابق
|
صح لســـــــــــــــــــــــانك يا السنافي
|
|
مواقع النشر (المفضلة) |
الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
|