ثرثره .. وكوب قهوه ( مقهى الملتقى العام )

اقتباس: المشاركة الأصلية كتبت بواسطة قصائد    سؤال مقهنا لهذا اليوم : من هو الصحابي الذي يدخل الجنة بغير حساب ؟ واللي يجاوب ينزل سؤال ثاني

اتوقع عكاشة بن محصن

صبآح أجمل في هـ المكآن ,
آشتقت لَ صآحبة المقهي , ولَ الآستمتآعَ بلذةَ القهوةَ والثرثرة الجميلة هنآ ,

اقتباس: المشاركة الأصلية كتبت بواسطة جروح الوفا*    اتوقع عكاشة بن محصن

صح عليك يا جروحه منوره المقهي يالغلا

والجواب :

عن عبدالله بن عباس رضي الله عنهما أن النبي -صلى الله عليه وسلم- قال : (عُرضت علي الأمم، فرأيت النبي ومعه الرهيط، والنبي ومعه الرجل والرجلان، والنبي وليس معه أحد، إذ رفع لي سواد عظيم فظننتُ أنهم أمتي، فقيل لي هذا موسى وقومه، ولكن انظر إلى الأفق، فنظرتُ فإذا سواد عظيم، فقيل لي انظر إلى الأفق الآخر، فإذا سوادٌ عظيم، فقيل: لي هذه أمتك ومعهم سبعون ألفاً يدخلون الجنة بغير حساب ولا عذاب، ثم نهض فدخل منزله )، فخاض الناس في أولئك الذين يدخلون الجنة بغير حساب ولا عذاب، فقال بعضهم: فلعلهم الذين صحبوا رسول الله -صلى الله عليه وسلم-، وقال بعضهم: فلعلهم الذين وُلدوا في الإسلام فلم يشركوا بالله، وذكروا أشياء، فخرج عليهم رسول الله -صلى الله عليه وسلم- فقال: (ما الذي تخوضون فيه؟) فأخبروه فقال: (هم الذي لا يسترقون ولا يتطيرون وعلى ربهم يتوكّلون) ، فقام عكاشة بن محصن رضي الله عنه فقال: ادع الله لي أن يجعلني منهم، فقال: (أنت منهم) ، ثم قام رجل آخر فقال: ادع الله أن يجعلني منهم، فقال: (سبقك بها عكاشة) متفق عليه واللفظ للبخاري .

نحن كـ مكعبات السكرِ !..

نذوب ونتلاشى

لكننا نبقى لآخر رشفة في الفنجان

هكذا علمنا الوفاء

أن نبقى رغم سخونة الـقهـوة . . !

صباحكم صباح صيفي بنكهة قهوتي الحلوه ..

اقتباس: المشاركة الأصلية كتبت بواسطة » اِلـَوَفْآءْ بـِنْـتْ    صبآح أجمل في هـ المكآن , آشتقت لَ صآحبة المقهي , ولَ الآستمتآعَ بلذةَ القهوةَ والثرثرة الجميلة هنآ ,

صباح الوفاء لـ اهل الوفاء وأرواحهم الطيبه

تشتاق لك العافيه جميلتي

منور مقهنا المتواضع بحظورك العطر

حياك الله وبياك في مقهى الملتقى العام غاليتي جروح الوفاء

الله يحيك أكثر

بشريني عنك عساك بخير

تمام والحمدالله

امري وش تشربين قهوه مره .نسكافيه . كابتشينو .موكا .قهوه ايطاليه او اسكتلنديه

مايامر عليك عدو اشرب قهوة مره

ابشري من عيوني هذي قهوتي المفضله

ماهو الدعاء الذي تردده دائما ؟

اللهم انك عفوآ تحب العفوآ فعفوآ عني

اخبار هالوقت تضيق الصدر صح . وش الخبر الذي تتمنين سماعه ؟

اكييد.. تحرير سوريا

هل الرجل الذي يبكي ضعيف الشخصيه ؟ ومن هو الشخص الذي لاتريد ان ترى دموعه ؟

لاطبعآآ .. أمي وأخوي

هل هناك اصدقاء لم ترهم من ايام الدراسه ؟

كثيييير

ومن هو المعلم او المعلمه الذي تتذكره الى الان ؟ وماهو السبب ؟

فية معلمات كثير مانسيتهم لاني احبهم واحب معاملتهم لي

يوم كنت ادرس حصل لي موقف محرج كنت طالعه من المدرسه انا وزميله لي ضربتني زميلتي على يدي وقالت لي مع السلامه

حاولت ارد لها الضربه لكني تسرعت وما شفت الدرج وتكرفست مع الدرج وطحت على الارض طيحه قشراوطمرت من مكاني كاني سوبر مان

وركضت لما الباص وركبت كان ماصار شي جاتني صديقتي وجلست جنبي وقالت لي شفتي يقولون البنات فيه بنت طاحت مع الدرج

طيحه قشرا مسكينه قلت لها اششش اسكتي هذي انا وقامت تضحك صديقتي علي لين وصلت بيتنا وللحين تذكرني بها .

قد حصل لك موقف لاتنسها ايام الدراسه ؟

كان عندنا درس معلمة ماأحبها وكانت الحصة السابعة نحشت بدون ماتدري وركبت الباص ونمت لين طلعووا كل البنات

يوووه يا قوي قلبك ماشاء الله عليك والله ماهقيت اني بسوي مثلك انا خوافه هههههه


اختاري احد الصور وضع تعليقك عليها ؟



صااايدك صاايدك

ماهي المواضيع التي تجذبك في المنتدى ؟

أي موضوع حللو

هل تتابع الرياضه . واي فريق تشجع ؟

مالي فيها ابد ولااشجع اي نادني

وماذا تقول لفريقك نصيحه او بيت شعر او حمكه ؟
......

انت شاطره في الطبخ ؟

يعنني موو مررة

اذا عزمتينا في يوم ما وش تطبخ لنا ؟

أقررب مطعم هع

اذا طلع لك مارد من الابريق السحري وقال لك : شبيك لبيك انا بين يديك

ماهي الامنيات الثلاته التي سوف تتمنها ؟

العافية والصحة و تحرير سوريا

حجر وقع من فوق عماره ولوح الزجاج الي تحت ما انكسر ليه؟؟

لانة طاح في السطح

طيب دجاجه بتمشي في الشارع ماتت فجأة ليه؟

اصيبت بسككتة قلببية هع

هههههههه غلط طاح عليها الحجر

عساك ان شاء الله استمتعتي معنا في مقهى الملتقى العام ؟

الحمدالله واشكرك ع استضافتي

تامرين على شي قبل ما نقفل مقهنا ؟

مايآآمر عليكك عدوو

صورة الصباح ..



وش رايكم فيها ؟ صح تجنن

تستاهل الكيف الحمر يا ابن وايل *&* انت الذي تستاهل الكيـف كلـه

هذه قصيده للشاعر محمد الذويبي والذي يلقب على ما أظن(أباالروس أو ابو راسين)….و مناسبة القصيده انه كان

ابن رشيد أمير حائل مشهوربالكرم وله مجلس ويجتمع لديه جمع من الناس مابين أمراء ووجهاءالقبايل وكذلك الشعراء ….

وكان مجلس ابن رشيد كأي مجلس من مجالس الشيوخ والأمراء تدار فيه القهوه العربية …

وهناك أشخاص مكلفون باعداد القهوه وترتيب الدلال .

وفي يوم من الأيام كان في ضيافة ابن رشيد ( علوش بن ظويهر العنزي ) وعلوش هذا عنده خبرة

ومعرفة دقيقة بالقهوه ، ويعرف وش عيوبها من مجرد الشم اوالذوق ويعرف القهوة

هي برية والا مهيب برية ، ويعرف حمستها هي محترقة والا نية ، ويعرف اذا هجرت الدلال

ويعرف طعم القهوة إذا تغيرت بأي شيء.

ويوم طلب ابن رشيد القهوه للمجلس جوا اللي يصبون القهوة وصبوا فنجال للأمير وبدو بالضيوف ….

ويوم عطوا علوش الفنجال … وجاء بيشرب شف منه شوي وتبين أن في القهوة شي ، ومتغير طعمها بسببه …..

نزل الفنجال وكبه زي ماتقول بدون قصد .

ابن رشيد انتبه لعلوش : وسأله ليه ياعلوش كبيت الفنجال قهوتنا بها شي ؟

قال : ابدأ في أول الأمر … ولزم عليه الأمير … وقال : لازم تقول وش في القهوة ليه ما شربتها ….

قال : يالامير القهوة ( صايدة ) … يعني طايح فيها شي من الحشرات …..

قال : وش هي صايدة ؟ قال علوش : صايدة ابو عوف.

ابن رشيد : سأل : اللي حوله … يالربع انت متطعمين في القهوة شيء …..

قالوا : ابد ما القهوه شيء….

المهم علوش : قال اذا ما صارت القهوة صايدة .. لكم اللي تبون ….

قال الامير : نادوا راعي القهوة …. نادوا ( راعي المعاميل والقهوة ) جاء راع القهوه….

قال ابن رشيد : يقول علوش ان القهوة صايدة …. ونبيك تجيب الخمرة نشوف هذا صادق والا لا …..

والخمرة ( الدلة الكبيرة اللي تلقم فيها القهوة ) .

جابوا الخمرة وحطوا شوي ليف وكبوا عليه ( حثل القهوة) علشان ينشخل واخذوا يحركونها

الين لقوا ابو عوف ….. انبهر ابن رشيد وقال لراعي الضيافة خل علوش يقعد عندنا عشرة ايام …..

صار علوش يقعد في صدر المجلس ….وابن رشيد ناوي يختبره ويتاكد من معرفته …..

قال لراعي القهوة …. اذا جاء باكر المغرب حط ورقة ( عرفـج ) في القهوة

( في الدلة اللي تصب منها لعلوش ) ….

ويوم صبوا القهوة قال ابن رشيد ترى الدلال منظفينها عقب ابو عوف تطعم بها شيء اليوم ….

قال : قهوتكم بها ريحة عرفج .

ويوم جاء باكر حطوا : كسرة مسواك …. وعرفها ….. وكل ما حطوا شي عرفة ….

قال ابن رشيد لراعي القهوة : باكر اخلط ( حمسة مستوية وحمسة نية ) …

وصبوا لعلوش …. قال : هاه ياعلوش تطعم بها شيء ….

قال : ايه : فيها حمسة محترقة وحمسة نية ….

عرف ابن رشيد ان الرجال داهية وخبير في القهوه ولزم عليه يجي لابن رشيد كل شهر ….

وقال محمد الذويبي هذه القصيده يمدح فيها ابن ظويهر العنزي..


تستاهل الكيف الحمر يا ابن وايل
……………….انت الذي تستاهل الكيـف كلـه
ياللي نقدته وسط ديـوان حايـل
……………….لولاك يا علوش ما حدن فطن له
بدلال من يقعد صغى كـل عايـل
……………….الضيغم مريف الايديـن المذلـه
الضيغم مرزى المهار الاصايـل
……………….ياما انقطع في ساقته من سجلـه
يا بن ظويهر ما بها قول قايـل
……………….تستاهل الفنجال لا جـاء محلـه
يا ناقـد الفاقـد بحكـم الدلايـل
……………….ياريف هجن والمزاهـب مزلـه
ربعك بني وايل مـزاز القبايـل
……………….اهلا الجموع الراسيـه والمظلـه
زبن الدخيل اللي توطـاه طايـل
……………….الجمع دونـه والرمـك مردفلـ

سؤال مقهنا لهذا اليوم :

من القائل :

حَسْبُ اليتيم سعادةً أنَّ الذي **** نشرَ الهُدَى في الناسِ عاشَ يَتيما

واللي يجاوب ينزل سؤال ثاني

اقتباس: المشاركة الأصلية كتبت بواسطة قصائد    صورة الصباح .. وش رايكم فيها ؟ صح تجنن

يالبي قلبها تجنن ودك تغفصينها مثقفة