غاسل كفي من مصافحة بعض اليدين //// وقافل بوجيه أهلها صناديق البريد

السلام عليكم ورحمة الله وبركاته
قصيده جازت لي كثيرا فأحببت أن انقلها لكم لعلها تلامس ذائقتكم


غاسل ٍ كفي مـن مصافحة بعض اليديـن
وقافـل ٍ بوجيـه أهلها صناديـق البـريـد


وشايف ٍ شي ٍ لي أعوام مالـي فيـه عيـن
وقاطـع ٍ خيـط الهقـاوي بسكيـن الوكـيـد


وخالص ٍ من طيـب ضـن ٍ موهقنـي سنيـن
وظاهر لي عقب عرف العـرب عقـل ٍ جديـد


وطايح ٍ من عيني ارجال عنـدي كـان ويـن
وحاقـر ٍ منهـو يقـيـس الأوادم بالرصـيـد


ومحتمي ٍ من غدر الأصحاب في حصن ٍ حصين
ولابس ٍ لرماح الأقراب ثـوب ٍ مـن حديـد


وماضي ٍ منـي علـى اللـي تمشينـي يميـن
ما تجي منهو قريـب ٍ والـى احتجتـه بعيـد


المواقـف تشخـل النـاس والطيّـب يبـيـن
كل عـام يطيـح تسعـه ويصفـا لـي وحيـد


اشهد أن خيـر المـدارس تجـارب الأولين
واشهد ان راي التجارب هو الـراي السديـد


واشهد انـي للبـلاوي علـى الدنيـا مديـن
كـل مـا راجعـت نفسـي طلعـت المستفيـد


وانت ياللي عقبك الزين بيـن البيـض شيـن
مستحيل يطوفك الشعر وانـت اصـل القصيـد


القصيـده فـي عيونـي بدونـك مـا تزيـن
لازم ان اجيـب طاريـك يـا ملـح النشـيـد


انت ياللي مـن بطيـن الفـؤاد الـى الاذيـن
والله ان حبـك مـع الوقـت ما ينقص يزيـد


في غيابك لـك محبـه ولـك شـوق وونيـن
وفي حضورك شف عيوني كلامـي مـا يفيـد


اقهـر الضيقة بذكـراك مـن حيـن لحيـن
وانثر دموعي على الوصل مـن عيـد ٍ لعيـد


لك غلا ً سبحـان ربـي ملـى الدنيـا حنيـن
ولك وفا ً سبحان ربـي مكـن فالكـون غيـد


شف مكانك فـي مكـان ٍ عـن العالـم دفيـن
في مكان ٍ مـن ورى مثـل عيـدان الجريـد


مكرم ٍ حبـك ولـه فالحشا سمـن وسميـن
يقدع من الحـال واصـب لـه بـن الوريـد


افتضحت مـن الهواجيـس بـك فالمسلميـن
كل من سولف علي قلت له وش قلت؟ ..عيـد


الهوى سجن العشاشيـق وأنا لـك سجيـن
وودي ان سجني مؤبـد ولـي حـارس وقيـد


عزتي لي مـن فراقـك عسـى ربـي يعيـن
ادري انه فـي طريقـي ولـو وصلـك مديـد


صابر ٍ غصبا ورى الخشم لو جرحـي مكيـن
ودي افعـل لكـن الله يفـعـل مــا يـريـد
ودمتم بود

قصيدهَ روعه
وموَ غريبً هآالابدآعَ ع ابـن فـطـيس
سلمـت ذائـقتـك آخخويَ
ويعطيكَ الف عافيهَ

لآهنتَ

قصيدة رآآئعة
تسسلم آيدينك على روعة الآنتقاء
تقبل طلتي

آبيآت رآئعه
صح لسآن شآعرهآ وسلمتَ ع آلآختيآر ..

اقتباس: المشاركة الأصلية كتبت بواسطة همس الجفاء    قصيدهَ روعه وموَ غريبً هآالابدآعَ ع ابـن فـطـيس سلمـت ذائـقتـك آخخويَ ويعطيكَ الف عافيهَ لآهنتَ

اشكرك على ذايقتك الشعريه

اقتباس: المشاركة الأصلية كتبت بواسطة لميس    قصيدة رآآئعة تسسلم آيدينك على روعة الآنتقاء تقبل طلتي

مقبوله طلتك وحضورك عطر

اقتباس: المشاركة الأصلية كتبت بواسطة الراقيه    آبيآت رآئعه صح لسآن شآعرهآ وسلمتَ ع آلآختيآر ..

صح بدنك والله يسلمك على كل رد ,, وكأنه باقه ورد

انتقاء جميل وابيات رااائعه تسسسسلم اخوي...

اقتباس: المشاركة الأصلية كتبت بواسطة أبـوحـمـد    انتقاء جميل وابيات رااائعه تسسسسلم اخوي...

الله يسلمك وشكرا على اعجابك

ابياات راائعه
تسلم يالطيب ماقصررت