هل ننتظر طويلا

هل نحن مستعجلين
ماعندنا صبر
يقال اهل الديرة الفلانيه فيهم عجله ( يلفون قبل العايره )
سأصبر حتى يعجز الصبر عن صبري ----- واصبر حتى ينضر الله في امري
واصبر حتى يعرف الصبر أنني ------ صبرت على شيءن امر من الصبر
كــــــثــــر منها نصبر
دائما مستعجلين نحن في تمير
1- عند اشارة المروربتمير ( الاشاره الوحيده بالدنيا اللي تمشي فيها بحذر وهي خضرا)
يعني تمشي وانت تطالع يمين ويسار - ما تمشي براحه ابدا لأنك خابر الجماعه0
2-في المحلات التجاريه - اذا دخلنا السوق كن مافي السوق الا حنا
لازم يتفرغ لنا صاحب المحل والا تركنا قشه ومشينا ( قل به قل به )
اذكر واحد جا للبنشر لقاه مشغول يبي له 5 دقايق راح لمحطة عشيره يقول اسرع0
3- في المطعم اذا كنا مسافرين ( بين راعي تمير يرفع صوته بسرعه يامعلم )
واغلب طلباتنا اللي ماتحتاج وقت( وش عندك جاهز )نو انتظار
4- في الورش مانسأل عن السعر
اول سؤال متى تخلصها -وبكم ؟
ولو كان يصلح بدينا نصوم رمضان من 25شعبان
ونحج قبل الناس باسبوع-
وحنا في العزيزيه بزود اذا رحنا للخياط في الخالديه وقال بعد يومين تركناه وخذنا جاهز
كذلك الحلاق اذا رحنا له في الخالديه ولقينا عنده زحمه بتلنا للرياض !!!
حتى متى مستعجلين
عزيزي القارء هل انت من الصابرين
هل تطيل الانتظار ام انت من الجماعه
شاركنا برأيك وفي اي الأمور السابقه تكون مستعجلا
ولنبدأ بمحدثكم هامة مضر--
عندي طولة بال في كل ماسبق ومستعد للانتظار طويلا
الا ان يطول غياب المتميزه
هــــــــامـــــة مـــــضــر

حياك الله اخي المتميز دوما في موايعك هامة مضر

بالنسبة لاغلب اهل تمير ففيهم عجله تلقانا طالعين البر الساعة ثنتين راجعين الديره


صرنا معروفين بعجلتنا في الديار الى حولنا
احلين اهل سدير لارحت لمهم بكروا بغداهم او عشاهم لان معهم واحد من اهل تمير عجل

بالنسب لي في بعض الامور وليس في كلها عجل

اقتباس: ولد العز;424748]حياك الله اخي المتميز دوما في موايعك هامة مضر بالنسبة لاغلب اهل تمير ففيهم عجله تلقانا طالعين البر الساعة ثنتين راجعين الديره صرنا معروفين بعجلتنا في الديار الى حولنا احلين اهل سدير لارحت لمهم بكروا بغداهم او عشاهم لان معهم واحد من اهل تمير عجلبالنسب لي في بعض الامور وليس في كلها عجل

حياك الله ولد العز
هذا الصحيح --
لكن الى متى ؟
هــــــــــا مــــة مـــضـــــر

ما دفنوا الرجال وهو حي يا هامه العجله شينه بس وش نسوي

هامه مضر انا من النووووع الي ما احب الانتظااااارولا دقيقه

والله عجزت مدري ليش!!!!

حاولت لكن دووون جدوى

ان كان عندك حل عطناه

تحياتي لك...

يالعود والله اني قاعد اضحك لين قاموا العيال ياخوي انتم وش قصتكم مع الحلاليق والخياطين والقصاصيب فالخالدية.حطوا فالعزيزية كم خياط وحلاق بس لاتكثرونها اكتفاء ذاتي .
فعلا العجله مذمومه الا في الاشياء المهمه مثل المتميزه .
نسسسسيم

العجله فينا يا اهل تمير بزود حتى في كلامنا عجلين نخاف احد يسبقنا في الكلمة اللي نبي نقولها

وحتى في روحتنا للرياض نستعجل في انهاء اشغالنا ونعفس الدعوة حتى لو ما خلصت وكله عشان نرجع بسرعة لتمير

( كن تمير يبي تطير عن مكانه ) .

وفي المناسبات ( خاصة الزواج ) راعي تمير تعرفه على طول وخاصة اذا صار الزواج بالرياض

تلقاه يجي بعد صلاة العشاء مباشرة او يصلي في مكان الحفل .. وكل شوي يتلفت ويسأل اللي جنبه ما قلطوا

وفي مراجعة المستشفيات كل شوي طامر للمسؤول اها ما جاء دوري ؟ كم راح من واحد ؟

بصريح العبارة العجلة شينه وتوهق في اوقات كثيرة وصعب علينا نتخلص من هذه العادة .

عمدة المنتدى " هامة مضر " دائماً ما تطرح الواقع الذي نعيشه وهذا الذي نحن في حاجته

حتى نلامس ونكشف واقعنا بكل وضوح ونحاول ان نعالج بعضاً منه .

عمدتنا الغالي سلمت يمينك وجعل الشر ما يجيها ؛؛

عجله و بس فيكم يا الرجاجيل؟؟ والحمق لاتنسونه تصفقون باالدله وهي حاره الله يكفينا الشر

والله أنك صادق يالعمدة !!

ماسمي أهل تمير قريـ ... شه عبث ...

على طاري الحج فيه ناس من أهل تمير حجوا لهم يومين وجوك طايرين ... يقولون الحج عرفة !!!

وألحين الكشتات تلقاه أول ما ينوي الكشته ويروح للقصاب في الديرة ويشوف زحمه ثم يقول ما أبي لحم , ثم يتحسف ويطير للعزيزية يشوف القصاب اللي عندهم عنده زحمه أو لا !!!
ثم يزعل ويأخذ له حبة دجاجه ... وأول ما ياصل للبر ... يالله عطوناه عطوناه ... وما يمديهم يغسلون يديهم ألا وهم طايرين راجعين للديرة قبل العصر ... عشان يطلعون عقب العصر ويتقهون الشاي في الفيضة !!!

حتى الدلال اللي هي الدلال لو بغى يربها عند اللي جالس في برحة العزيزية وقال تعال بكرة هون ... وقال : أشتري جديدة أزين !!! اللي يشوفه يقول ما يقدر ينقطع عن القهوة لو يوم واحد !!!

اقتباس: ابوحمد ما دفنوا الرجال وهو حي يا هامه العجله شينه بس وش نسوي هامه مضر انا من النووووع الي ما احب الانتظااااارولا دقيقهوالله عجزت مدري ليش!!!! حاولت لكن دووون جدوىان كان عندك حل عطناهتحياتي لك...

الحل ما كو حل-- هذا اللي الله عطانا
شكرا لك-- تراني اخترت واحد من نسيم وابو حلا والثاني لك
هــــــا مــــة مــــــضــــر

[QUOTE]

اقتباس: المشاركة الأصلية كتبت بواسطة نسيم    [FONT=Comic Sans MS][SIZE=7]يالعود والله اني قاعد اضحك لين قاموا العيال ياخوي انتم وش قصتكم مع الحلاليق والخياطين والقصاصيب فالخالدية.حطوا فالعزيزية كم خياط وحلاق بس لاتكثرونها اكتفاء ذاتي . فعلا العجله مذمومه الا في الاشياء المهمه مثل المتميزه .

نسيم انتبه - لايشتتون ذهنك المغرضين
لا يشغلونك عن نضالك لاستعاده المتميزه الله يردها0
دافع عنها وطالب بعودتها--- وليخسأ الخاسئون
مراسلكم من القوات المرابطه على خط النار--
هـــــــا مـــــة مـــــضــــر