●• خزآمىَ الصَحآرى « للشعْر والخَوآطرْ !

يوحيك قلبي ،قبل توحي سموعي
،،،،،،،،،،،،،،،، حتى العروق الجاريه يشهدني
حبك تخلخل مع مفالج ضلوعي
،،،،،،،،،،،،،،،، حتى بنوم الليل ماغبت عني

على غصون السوالف ناحت الورقا
و ليل المعاتب بعد يوم الرضا ناوب


هي سكة الوصل و إلا سكة الفرقا
خيرتني بينهم و اخترت مآ جاوب !

تمريع مثل زملوقةٍ في محير الصـوح

............................عدلها النسيـم ورايـح الوبـل داهمهـا

اليا شافها راع النظـر حـار مايـروح

.............................تكلم حشـى لله ماهـي مـن اوادمهـا

قال الوداع و صافح الكف بالكف
....................و يبسَت على يَدّ المواليف كفي

أربع ثواني وانعزل كف عن كف
.........................وأقفى و انا أقفيت و قلبي يرفي

صفقت كف بكف والدمع ما كف
.....................يومين دمع العين عيّا يكّفي !

أحْيآنّ أحِسْ إنَّي وْسِطّ خآفِقْ‍‍ك | ذِبْتٌِ
و أحْيآنّ أجِي بِ البٌآلْ ’’ لآصٍرّتِ فآضِيّ !

× عبّدالله الب‍كر

خلك قـوي .. ولا تخسر الكرامه
................... مهما خسرت من الحبايب وفارقت
ولا تمضي ايامك عتاب , وملامه
.................... حتى ولو انك حزنت , وتضايقت
وإن شحّت يدين الزمن بإبتسامه
................. اصبر وقول: المسأله مسألة وقت

*
 
تعجبني إللي في الشعر ذوقها ذوق
،،،،،،،،،،،،،،،،،،ماھو بّـ ( حي الله ) قصيد ،،، يعجبها

دايم ( نظرھا ) و إختياراتها ،، فـوق
،،،،،،،،،،،،،،،،،،،،تعرض مفاتن ( ذوقها ) ،، في أدبها

اللي توده

إلى منه جفاك اللي تودّه
ولا تدري وش الّلي عنك صدّه
تجرّع مالح العبرات واصبر
ترى كثر الشكاوى ما تردّه
وإلى من الّليالي عوّدت به
تغانم كل فايت واستردّه
حذار تنشغل بعتاب خلّك
ترى كثر العتب يمحي المودّه

(خالد الفيصل)

حيٍ يوريك المذله وتغليه
،،،،،،،،،،،،،،،،،،أنا أشهد أنك ميت القلب عامي

من لا يودك لاتوده وتغليه
،،،،،،،،،،،،،،،،،،أرفع مقامك يا عزيز المقامي
(محمد الاحمد السديري)

تعالي نسكت احسن من كلام تاليته جروح
.....................هلابالصمت دام الصمت مايجرح مشاعرنا