جديلة الدجاج الذهبية...بالصور

جديلة الدجاج الذهبية .....بالصور
هذي جديلتي المشهورة في دول الخليج العربي وبلاد فارس ومابين النهرين وبلاد الشام وآخر شي وصلت شهرتها للصين
>>>>>ثقة زايدة عن حدها <<<<<


بسم الله الرحمن الرحيم
سهلة ولذيذة وتقدرين تحضرين لها من قبل هذا المقادير





العجينة : استخدمت عجينة الكنز (عجينة العشر دقائق)
مقادير المجموعة الأولى :فنجان سكر (مال القهوة )-2 ملعقة كبيرة خميرة -2 كأس ماء دافئ-2 كأس طحين –رشة ملح
مقادير المجموعة الثانية :نصف كأس زيت -3 كاس طحين
الطريقة :تخلط مقادير المجموعة الأولى مع بعض وتغطى وتترك مدة 10 دقائق بعد ذلك تضاف مقادير المجموعة الثانية وتعجن وتستخدم على طول
يعني بدون تخمير (تصلح للورطات وضيوف الفجأة)وتقدرين تسوين فيها اللي تبين (فطائر –بيتزا –عش النحل –كرواسان......)
الحشوة:كيلو صدور دجاج بدون عظم مجروش(يعني مفروم خشن ترى احسن شي لهالطبق احلى من انه يتقطع مكعبات او يفرم ناعم ) -2بصلة كبيرة مفرومة –خيارة -4ملاعق كبيرة جبن سائل-ملح –1ملعقة كبيرة بهارات بحرينية -1ملعقة صغيرة كزبرة مطحونة
نحمس البصل مع زيت الى ان يصير ذهبي ونحط عليه الدجاج والبهارات والملح ونقلبهم مع بعض ونضيف نص كاس ماي ونغطيه الى ان ينضج الدجاج ويجف الماء
نبشر الخيارة (هذا سري اللي ما علمته احد غيركم )وهو اللي يخلي الطعم رهييييييييب بشر ناعم ونحطها مع الدجاج ونقلب لين يجف الماي بالكامل
نحط الجبن عليهم ونخلطهم وعلى طول نطفي النار


بطاطس مقلي احط له ملح وملعقة صغيرة كمون مطحون (طعمه يصير جنااااان)
نفرد قطعة من العجين على لوح مرشوش بالطحين ونقطع اطرافها حتى يصير عندنا مستطيل بهالشكل






ونشرح اطرافها بالسكين بهذه الطريقة





نضع حشوة الدجاج في الوسط هكذا





نضع البطاطس فوق الدجاج





ونبدأنلف الأطراف على بعض كأنكم تسكرون يقة قميص هكذا





وتكملون اللف بوضع كل طرف على الآخر الى النهاية (اللي تشوفه صعبة تجرب تسوي وحدة صغيرة اول)ويصير هذا شكلها





بعدين نمسح الوجه بيض ونرش عليه سمسم او حبة سودا واللي ما يحب كيفه بس انا اشوفها فرصة عشان بناتي ياكلون السمسم والحبة السودا
وياخذون الفايدة اللي فيهم وهذا شكلها قبل ادخلها الفرن





وهذا بعد ما استوت








والله تمنيتكم يمي وتاكلون منها (تستاهلون )












ولا تنسون تغطونها بفوطة اول ما تطلعونها من الفرن وعافية على قلوبكم يالحلوين
اتمنى تكون اعجبتكم

روعه وتشهي
عوآفي على الطريقه

ماشاء الله شفتها وجعت

تسلمين توليب..

ماشاء الله تبارك الله , ربي يحرمُ يدَينكِ عن النار ي الغلا ..!
لآهنتي

الله الله
ممراا ششكلها يششهي
تسسلمين خيتوو

تسسلم آيدينك يآآقلبي
شكلها تششهي
عووآفي .|

روعه وتشهي
تسلمي على الطريقه الحلوه

شكلههآ لذييذ ,
عوآفي يَ آلغلآ ,

شكلها رووووووووووعه
جاري التطبيق

وآآآو شكلها تغري وتجنن
تسسلمين يآآقلبي على البيتزا اللذيذه
ودي لعيونك..~