[ - اصحابي إن رحت عنهم صوّتو لي تعال وإن جيت : شبّوا فوانيس الجفا .. مبعدين ..!

،



واحد هو الحِزن لو كِثرت وجيه الليال !
.................... ياوقت ... لا تقفل أبوابك عليّ .. و تشين !

حظي يدينه قصيره .. والأماني طوال !
.................... والريح عن عالي أفكاري ... مـ تبّت يدين !

ناديت صدفه .. تهاوت بي بيوتٍ جزال
.................... سافرت .. لكن طريق العمر .. برد وحنين !

يـ الله أبفتح على سُور المقادير / فال
.................... محتاج آمرّر خلاله .. كل مابي .. سجين !

هذا البلد : صُبح كسلان و شقاوة عيال
.................... فيه البشر : يحسبون المال .. سحرٍ مبين !

ماقسى من إنك لجل عينه تعاف السؤال
.................... إلا الغرق في كلام الناس بأسباب .. دين !

عطشان ياطفلة الما يا إنتعاش الزلال !
.................... غيمك خذلني .. ولا لي بعد ربك .. معين !

الهمّ : رحله طويله .. ترفض الاختزال
.................... والحب : لوحه نستها الشمس في بيت طين

وأنتي مع كبرياءك ... نايمه بالحلال !
.................... وانا إتّقطّع ورودي .. ياتجين .. أو تجين !

ليت السما .. لا دعيت الله تمطر وصال
.................... ما كان جفّ الخفوق و صار شكلي حزين !

ذنبي زرعتك على جالي .. بلحظة زوال
.................... ذنبك : رحلتي مع النسيان .. خلف السنين

فيني من الكادحين .. الصبر و الإعتدال
.................... إنسان قُوتي .. على كثر إحتياجي [ يقين ]

اصحابي إن رحت عنهم صوّتو لي تعال
.................... وإن جيت : شبّوا فوانيس الجفا .. مبعدين

يطردني الحكي | وآتهرّب من الإنفعال !
.................... لين آتعثّر .. بواقع .. للمصالح .. رهين !

طفلٍ تعوّدت أوزّع ضحكتي [ برتقال ] !
.................... للناس .. لأ شباه تشبه ناس .. للعابرين !

مرّي / قبل تتلف آمالي هبوب الشمال !
....................بعض الغلا ... يذبح الرجّال .. لو مايبين !

صدري حديقه .. حواليها المواجع ظلال
.................... عمرك سمعتي حديقه .. تفتقد .. ياسمين ؟



للمبدع .. ناصر بن حسين

ليت السما .. لا دعيت الله تمطر وصال
.................... ما كان جفّ الخفوق و صار شكلي حزين !
*
اصحابي إن رحت عنهم صوّتو لي تعال
.................... وإن جيت : شبّوا فوانيس الجفا .. مبعدين

آبدآآآع
الله ع جمال آلآبيات كل بيت احلى من الثاني
اختيار وذووق عالي سلمت آلآيادي ع آلآبداع الله لايحرمنا هــ الذائقه الجمييله ..

أهلاً بكِ ،
والأبدآآع حضوركِ ي الرآقية ،
لآهنتيّ ،

ناديت صدفه .. تهاوت بي بيوتٍ جزال
.................... سافرت .. لكن طريق العمر .. برد وحنين !

يـ الله أبفتح على سُور المقادير / فال
.................... محتاج آمرّر خلاله .. كل مابي .. سجين !

---

اختيار جميل و ذوق رائع

اعجبتني الابيات كاملة و لكن هالبيتين حركت فيني شعور

شكرا سيدة الشعر والقوافي ؛ ابدعتي كعادتك

تحياتي

؛

احترت اي الابيات اقتبس كل شطر يقول الزين عندي

اي ذائقه تحملين ايتها العذبه "

بوركت اناملك التي تنسج كل ما هو جميل ..

اقتباس: المشاركة الأصلية كتبت بواسطة توأم الجود    ناديت صدفه .. تهاوت بي بيوتٍ جزال .................... سافرت .. لكن طريق العمر .. برد وحنين ! يـ الله أبفتح على سُور المقادير / فال .................... محتاج آمرّر خلاله .. كل مابي .. سجين ! اختيار جميل و ذوق رائع اعجبتني الابيات كاملة و لكن هالبيتين حركت فيني شعور شكرا سيدة الشعر والقوافي ؛ ابدعتي كعادتك تحياتي

الجمال أكتمل بـ حضوركّ أخي توأم الجود .. والشكر لكّ ولـ توآجدك وأشادتك التي أعتز بهآ .. !
أسعدك الله ،

عطشان ياطفلة الما يا إنتعاش الزلال !
.................... غيمك خذلني .. ولا لي بعد ربك .. معين !

ابيات جميله وصخ السان شاعرها وناقلها

وسلمت يداك يالوفاء بنت مبدعه بالانتقاء والاختيار..

اقتباس: المشاركة الأصلية كتبت بواسطة قصائد    ؛ احترت اي الابيات اقتبس كل شطر يقول الزين عندي اي ذائقه تحملين ايتها العذبه " بوركت اناملك التي تنسج كل ما هو جميل ..

الجمال هو حضوركِ أختي المبدعة قصآئد .. الله لايحرمني هــ التوآجد العذب ،
لآهنتي ،

اقتباس: المشاركة الأصلية كتبت بواسطة أبـوحـمـد    عطشان ياطفلة الما يا إنتعاش الزلال ! .................... غيمك خذلني .. ولا لي بعد ربك .. معين ! ابيات جميله وصخ السان شاعرها وناقلها وسلمت يداك يالوفاء بنت مبدعه بالانتقاء والاختيار..

الأبداع لأيكتمل الا بحضوركم .. الله يسلمك ويسعدك ..!
لاهنت ،