ماعاد لك ياحـزن.. حشمـه وتقديـر

ايام رآحت بي ورآحـت علـى خيـر
مرت على عمـري مـرور"الثوانـي



ايام كانت غير .. فـي ذمتـي غيـر
احيت يباس عروق ذيـك المحآنـي



قبل الوداع ., قبـل طـوي المشاويـر
ماكنت احـس بقيمتـه لـو جفانـي




ويوم افترقنا ..والحزن جانـي امغيـر
عرفت وش معنـى ضيـاع الآمانـي




ماعاد لك ياحـزن.. حشمـه وتقديـر
من يوم جيت وجبت لي "جرح ثانـي




وماعاد بيـدي شـي.. دام المقاديـر
وفـت وعدها..وسلبتنـي زمـانـي




سيلـت بفراقـه دمـوع المعـاذيـر
حتى خشـع مـوج "الغـلآ" للموانـي




ومديـت للقيـا كفـوف التباشـيـر
ومدت لي الفرقـا كفـوف التهانـي




ودي آ فضفض بس ويـن التعابيـر؟!
ودي اعبـر بـس ويـن المعانـي؟!




حاولت ابـرر صمتـي بـأي تبريـر
وعجزت آبرر صمتي اللـي غشانـي




ياصمتي اللـي مالقـا لـه تفآسيـر
ليـت الـذي وداه.. يمـه خـذانـي




ياحيله الله وش بقا؟! وش يبي يصير؟!
دام المكـان اليـوم مآهـو مكانـي



الغيت من بعـده جميـع المحآذيـر
وارخصت عمري دام هالعمـر فانـي




بعده.. تراها تهون كـل المخاسيـر
يعني وش اكبر من خساره كيانـي؟!




لو قلـت مآل لبعـده الـيـوم ...تأثـيـر
تفضحني عيوني.. ويكـذب لسانـي




لكن تركت له هالقصيده علـى خيـر
يمكـن يحـس بضيقتـي .. لاقرانـي

لو قلـت مآل لبعـده الـيـوم ...تأثـيـر
تفضحني عيوني.. ويكـذب لسانـي

لكن تركت له هالقصيده علـى خيـر
يمكـن يحـس بضيقتـي .. لاقرانـي

آبيات اليمه ..
رغم الحزن اللي فيها الا انها راقت لي كثيير
تسسلمين ع آلآختيار والذوووق المميز ..

جميله ابياتك بس حزينه
يسلم ذوقك

قصيدة رائعة
تسلم يدينك ع ذووقك ي شموع
الله يسعدك

اقتباس: المشاركة الأصلية كتبت بواسطة الراقيه    لو قلـت مآل لبعـده الـيـوم ...تأثـيـر تفضحني عيوني.. ويكـذب لسانـي لكن تركت له هالقصيده علـى خيـر يمكـن يحـس بضيقتـي .. لاقرانـي آبيات اليمه .. رغم الحزن اللي فيها الا انها راقت لي كثيير تسسلمين ع آلآختيار والذوووق المميز ..

الله يسلمك ويسعدك يارب
شاكره لك تواجدك وتعقيبك ،، وفقك الله

اقتباس: المشاركة الأصلية كتبت بواسطة تمرة لبن    جميله ابياتك بس حزينه يسلم ذوقك

الله يسلمك ويسعدك يارب
شاكره لك تواجدك وفقك الله

اقتباس: المشاركة الأصلية كتبت بواسطة لميس    قصيدة رائعة تسلم يدينك ع ذووقك ي شموع الله يسعدك

الله يسلمك ويسعدك يارب
وفقك الله