عيون الرياجيل

والله ما يكبر في عيون الرياجيل
الا مواقيف الرجال العظيمه

ولا اردي دايم ردي مثل ماقيل
الراس ادمي ولي تشيله بهيمه

عنز على الله ثم على صفت الجيل
الطيب الطيب يامال الغنيمه

لا تعتمد على اهل القال والقيل
اللي يشيلون الرجوله ضليمه

ترى الجمل والعبد والداب والسيل
لازم ثقتك تكون فيهم عديمه

الصدق في مانزل الله لجبريل
على الرسول اللي رضع من حليمه

واللي مع الساحر حمامه ومنديل
اول الخيوط الفاحشه والجريمه

افلح ترى تالي النهار اول الليل
تماكن الفرصه وذب الخريمه

اللي يشح بجاهه ووجهه بخيل
ويمنن تبادر بالمكارم كريمه

غنيمتٍ ترقابها الجدي وسهيل
وغنيمتٍ منها السلامه غنيمه

وخسارتن يجي وراها محاصيل
الذ من فوزن بطعم الهزيمه

النفس تقبل مثل ماتقبل الخيل
وتصد لون النعم مستديمه

شين تخافه من عقوبه وتنكيل
وشين تعافه من كرامه وشيمه

لو كان تضحك من كلام المهابيل
لا بد تبكي من دموع اليتيمه

والوقت نفس الوقت مافيه تبديل
يمضي وينسخلك جديده قديمه

تكثر بركته بالدعاء والتهاليل
وتقل من قل النواياء السليمه

ودك ترجالك سراب وتماثيل
طرقي وقتك قيض ورضك وخيمه

ولا تدور حاجتك هند دعبيل
خبلن يزم نفيسته في خشيمه

لون ما الله فضل الناس تفضيل
لفضل الأشجار معنى وقيمه

الناس منها الفود ماهوب بالحيل
والأشجار منها فود حتى الهشيمه

آبيآت جميله بجمآل اختيارك ..
سطور حملت بين طياتها أجمل المعآني .. سلمت آلآيادي.. و بـ نتظار جديدك القــآدم ..

افلح ترى تالي النهار اول الليل
تماكن الفرصه وذب الخريمه

رائع كعادتك في اختياراتك اخوي النادر ؛ اتحفتنا والله بهذه القصيدة

تحياتي

أبياتَ جداً رائعة .. سلمتَ يمناكَ على جمالَ الأختيارَ ..!
لاهنت ،

النفس تقبل مثل ماتقبل الخيل
وتصد لون النعم مستديمه

شين تخافه من عقوبه وتنكيل
وشين تعافه من كرامه وشيمه


ابيات جميله ، واختيار رائع ، الله يسعدك ويوفقك لكل خير

اقتباس: المشاركة الأصلية كتبت بواسطة الراقيه    آبيآت جميله بجمآل اختيارك .. سطور حملت بين طياتها أجمل المعآني .. سلمت آلآيادي.. و بـ نتظار جديدك القــآدم ..

الجميل هو حضورك وتعليقك الله يعافيك
شكرا لك وشكرا لجهودك والله يحفظك

اقتباس: المشاركة الأصلية كتبت بواسطة توأم الجود    افلح ترى تالي النهار اول الليل تماكن الفرصه وذب الخريمه رائع كعادتك في اختياراتك اخوي النادر ؛ اتحفتنا والله بهذه القصيدة تحياتي

الله يحييك اخوي ابوياسر وشكرا لمرورك وتعليقك
والله يحفظك

اقتباس: المشاركة الأصلية كتبت بواسطة » اِلـَوَفْآءْ بـِنْـتْ    أبياتَ جداً رائعة .. سلمتَ يمناكَ على جمالَ الأختيارَ ..! لاهنت ،

الله يحييك اختي الوفاء وشكرا لحضورك والله يحفظك

اقتباس: المشاركة الأصلية كتبت بواسطة شموع    النفس تقبل مثل ماتقبل الخيل وتصد لون النعم مستديمه شين تخافه من عقوبه وتنكيل وشين تعافه من كرامه وشيمه ابيات جميله ، واختيار رائع ، الله يسعدك ويوفقك لكل خير

عافاك الله اختي شموع الجميل حضورك الله يحفظك

اختيار جميل وذوق اخةس النادر

تسسلم الايادي وماقصرت ,,