هب البراد وصرت للطير مشتاق

هب البراد وصرت للطير مشتاق

[

مليت من شوف المدينه والاسواق

القيض كله فالمدينه رهينه

هب البراد وصرت للطير مشتاق

وليا نقلت الطير عفت المدينه

نبي ديار الصيد والطير لحاق

من الوحوش الغاليه مشترينه

مهوب تلاب لطويلات الاعناق

يلحق وهو ما غاب عن شوف عينه

في رحلة(ن) ما همنا كثر الانفاق

ربع(ن) فعول الطيب متقاسمينه

يالله من نو(ن) سرا فيه براق

يضفي على كل الديار بغشينه

وسم(ن) على كل الدير ما به رواق

تباشرو به والخبر معلنينه

والعشب غاطيه الندى وقت الاشراق

يازين في جو الربيع السكينه

والنار شبت والخوي دمث الاخلاق

والبن مع هيل الحبش محتسينه

والعشب غاطيه الندى وقت الاشراق

يازين في جو الربيع السكينه


أنَ شآء الله مقبلينَ على الشتآءَ وشبهَ النآرَ والآجوآء الحلوه ,
قصيدة جميله ,
شكراًً لكَ

آبيآت جميله
تسلم آخوي على هييك آلآختيآر

صح لسآن شآعرهآ وسلمتَ يالطيب ع آلآختيآر
تقدييري

مليت من شوف المدينه والاسواق

القيض كله فالمدينه رهينه

الله يبكر بالوسم والامطار والبراد
ابيات جميلة

تسسلم ايدينك ع رووعه القصيده
يعطيك الف عآفيه
ودي ووردي لك..~

ابياااات رائعه وجميله
تسلم على اختيارك الرائع