غزل الأولين ادخل شوف اجدادنا كيف يغازلوو

غزل الأولين ادخل شوف اجدادنا كيف يغازلوو

--------------------------------------------------------------------------------

غزل الأولين الاولين الله يغفر لهم ويعفي عنهم كان غزلهم شكل ثاني كان راقي وعلي مستوي يخلي البنات يركضون وراهم ، واحد من اسلافي الأولين كان هو والشاعر المتنبي 24 ساعة دوران في مضارب بني عبس وسمرقند والبطحاء والديرة والعلياوالسليمانية والبديعة وكان جدي ايامها توه مطلع
جمل من رتوه وكاله وكان ذاك الجمل له مواصفات غريبة عجيبه لدرجة ان كليب بن مره لماشافه طقته الغيرة وراح يدخل الجمل حقه " ماي جمل ( كار ) " عشان يعدلون وجهيته ويرشونه بويه زي جمل جدي ، المهم ان المتنبي ذاك اليوم كان متسلف الجمل حق جدي عشانه كوبيه وملمع خفوفه وطالع يدور فقع بالعليا وشاف ذيك ....

الجارية اللي تقطع القلب كانت راكبه حمار بيك اب ومتقضية سمن وزبده وطحين
وتمر وكرون فليكس ونقانق ، ورايحه لمجمع البساتين تشتري اغراض ناقصتها قام وكع المتنبي فرامل بغي يعدم فحمات البعير وقال ذيك القصيده :

تخلي الواحد يبكي
من غير ما يحس ويقول في مطلعها
آه يالاسمر يازين ...... الشوق امرني اطيعك وانسي خلاني

وجاي بيطلع المعروض من الدرج علشان يرقمها بس مفتاح الدرج كان مع جدي

قام ودق بيجر علي جدي عشان يجيه عند مجمع البساتين ، طبعا بتستغربون وشلون ذاك الوقت كان عندهم بياجر انا اقولكم كيف ...
من اول كان فيه محل عند مجمع الاتصالات في حي المرسلات اسمه مشاعر الخليج وكان هو الوكيل الحصري لشركة توكيا اليابانية وكانو يبرمجون البريعصي علي موجات تحت الحمراء
وجنب البنفسجية وفوق الفسفورية بحيث انك إذا دعست علي ذيل البريعصي وقلت اسم خويك علي طول البريعصي اللي عند خويك يقعد يتقلب ويتاغر واذا قلبته تلقي
مكتوب علي بطنه اسم اللي داق عليك بريعصي ( بيجر ) مرفق بعيارته ، المهم يوم
طلعه ويلقي مكتوب علي بطنه المتنبي وبين قوسين ابو ديود
قام علي طول راح الكبينه عشان يتصل علي جوال المتنبي لان ابو جدي كان فاصل الصفر من تليفون البيت من كثر ما أمتحنه جدي بخط الصداقة
عاد يوم دق جوال المتنبي كان مبرمج الدقة علي صوت عنز مشلوله وقعد الجوال يقول باااااماااااع رد عليه وقال لجدي الحين تجيني مجمع البساتين باسرع
مايمكن قام جدي خذي الجمل واجن حق البيت ودز للعليا عند مجمع البساتين باسرع مايمكن ، وشاف المتنبي مشغل الفلشر ويحتريه عن الصراف الألي ، راحله جدي وقال خير يابو ديود وش فيك قام قاله المتنبي والله ياشفتلك ذيك المووووت
اللي لابسه عباية مخصره ودخلت المجمع قبل شوي وكنت ابي ارقمها بس المعروض في الدرج والمفتاح معك ، قام حدي وطلع المفتاح وخذوا المعروض ودخلوا وراها السوق
حاولوا يكلمونها بس ماعطتهم وجه ، وقعد المتنبي يتميلح ويسوي ولد نعمه
وقال للجارية ماودك يازين البنات ندفع عنك الحساب التفتت وقالت بلي يازين الشباب ان كان ودك تروح الكاشير وتدفع ماعندي مانع وكان المتنبي
ايامها مخلص المتوسطة وداج ماعنده شغل قام غمز لجدي وقاله جيب دفتر الشيكات من البعير قام جدي وتوهق ماعاد يدري شيسوي وقعد يدور في الجمل واجن حق اهله ولقي بطاقة الصراف حقت ابوه وكان حافظ الرقم السري
وبطاقات الصراف وقتهم كانت قطعة جلد منقوش عليه بنك الرمحي المصرفي واسم
صاحب البطاقة مطبوع عليها باللغتين العربية والفارسية قام حدي حط البطاقة في الصراف وطلب الرقم السري المكون من اربع خانا ، قام جدي ادخل
الرقم التالي : عضمه بعير ـ بعير ـ طاسه
وطلعت علي شاشة الصراف نأسف الرقم السري غير صحيح راجع البنك لأستلام البطاقة ، وأنسحبت البطاقة منه وقعد بها جدي ويوم رجع للمتنبي لقاه محاسب وخالص قاله جدي من وين لك قروض يابو ديود قاله المتنبي الفيزا حقت خويي ناسيها معي وقعدوا يشيلون الأغراض ويحملونها في الحمار بيك اب حقت الجارية

واثناء ذلك طلع لهم اخو جدي اللي كان مرقم الجارية في الويك اند اللي فات وقالهم خير ياشباب وش جايبكم عند خويتي تحتكون فيها قال جدي هذي مهي خويتك هذي الجارية فرند حقت المتنبي وبداء الملاقط ومافكتهم إلا مكافحة الشغب ومن حينها هاجروا أجدادي إلي البرازيل وصاروا متزاعلين بسبب الجارية
صحيح الغزل وقتهم راقي بس نهايته للأسف مؤلمه ..




ها شرايكم ههههههههههههههههههههههه وربي خطيرين الاول هههههه


وتقبلوا اطيب الاماني من الزعيم/ مخاوي سدير.

مشكووور مخاوي سدير
والله انهم كانو عايشين

والله كلامك رهييييييييييب

مشكوووووووووووووور

سلام

اللـــه يرجـــك يــا مخــــاوي تمــــير علـــى هالموضــــوع
نبي صفحة عن غزل اليوم-إذا ماعندك كلافة