يوميات راعي غزل

لسلام عليكم... صراحة بكتب المقالة ذي وأنا مالي وجه أقابلكم بعدها (( طيب أسكت علشان تقابلهم )) لكن اللي مريحني إني من أولها بفهمكم إني هيس أربد (( ومعنى الهيس الأربد يعني الأسد الكسول ))...
من كم يوم أيام ما كان الاشتراك منتهي طلب مني رفيق إني أخاوية لسوق الراشد بالخبر المهم قبل قبل لا تحرك أنا وهو قلت له شف تراني ما أحب المغازل ولا ملاحق بنات الناس يعني أبغا أروح محترم وأرجع محترم يعني تقول لذي يا حلو تقول لذي ياغزال لا (( يا شديد ليتهم يشوفون خشتك كان بيعرفون أنك تبي تاخذها من قاصرها )) وطبعاً خويي كل ما قلت له شي قال سم وهو فديت الرزه كاشخ ومنسق في ملابسه لابس طقم لون واحد بين العقال والوجه والجزمه المهم دخلنا الراشد (( يا زينه يجنننن )) وأول ما دخلت وعيوني ما تفارق مكتب هيئة الأمر بالمعروف والنهي عن المنكر الله يعزهم (( ظنك الثعلب وش يخاف منه ))..
وقمنا أنا ورفيقي وجلسنا بالقهوة اللي فوق وخذنا طاولة (( قصدك برج مراقبة )) وجلسنا عليها وطلبنا كابتشينو (( بالله عيد وش طلبت ؟؟ منيب مصدق تعرف الكابتشينو طيب واصل واصل الله يرحم زمان المرمية وشاي الزنجبيل ))
المهم وأنا جالس أنا وهو إلا ويمر علينا ذاك البزر هو وأبوه ولا البزر يقول لأبوه يبه أمي ضاعت مني ولاني عارف هي وين راحت قال الابو لولده أنت وين تركتها قال الولد مدري يبه ضاعت مني قال الابو خلاص أنت روح يمين وأنا بروح يسار وإن شاء الله بنلقاها ... وأقوم وأناظر رفيقي وهو يناظرني وأطلع أنيابي ويطلع أنيابه وأقول له تجي ندور على أمه (( هذي الشهامة ولا بلاش )) قال رفيقي يالله قم نوكلنا على الله.... ونجلس نلف السوق نبغى نشوف نعجه ترعى بروحها ولا خذنا شوي إلا وهذي هي قدامنا (( يا هناها يا سعدها )) وأول ما قربت وطبعاً كانت متغطية ما كان باين منها شيء أبد لا عيون ولا يد مغير سيقانها من تحت واشوي من الركبة بحكم الشق اللي هي شاقته من ورا الفستان ولا الومها لسببين مهمين مره أول سبب أنه كان حر مره ذاك اليوم وحرام تختنق من فوق وتحت ومادام غطت الوجه بغطوه الباقي مو مهم أما السبب الثاني واللي عرفته تالي عقب ما ظلمتها إن العبايات المتر الواحد بخمسة آلاف ريال وهي يمكن ما عندها المبلغ هذا طيب وش تسوي تكمل العباية خيش وتخرب المنظر عليها وعلينا المهم عقب ما ظلمتها وألحقها ولا وجهها ما شاء الله عليه حاطه عليه غطوه تقول كنه فلتر شاشة كمبيوتر (( فديت المكياج الخارق للشاشات )) المهم وأقوم وأتميلح عندها وأقول لها معقولة القمر نازل عندنا هنا !!! قامت وقالت إيه وش الغريبة فيها أنت أول مره تشوف قمر يمشي بكعب فرساتشي ؟؟ وشيلة بدون أسم (( يا كذبك قالت لك أقول ضف وجهك يا شبية العنز )) المهم عقب الكلمتين الحلوة اللي قالتها لي وأحاول مره ثانية وأقول لها يا طعم يا جميل عطيني وجه بالله عليك ... وتقوم تأشر على جزمتها الله يكرمكم قالت تبي هذا بدل الوجه بيني وبينكم ما فيه اختلاف كثير بين الوجه والجزمه اللهم الفرق إن الجزمة لونها بني وهي أبيض قشطه ...
وبيني وبينكم الذيب يبغى ياكل لو نعجة رهيم المهم قلت لها لا عيوني مبغا اللي في رجلك أخاف أنزل من طولك 15 سنتي (( نعنبوها لابسه عمارة )) المهم لفت وجهها لي وهي ضايقه وقالت ما تستحي على وجهك قلت إلا وأنتي طيب ؟؟؟ قالت ما عندك خوات !! قلت إلا عندي وأنتي عندك أخوان قالت إيه رايحين العقارية بالرياض يعاكسون تبادل ثقافات؟؟
المهم البنت شافت إنها جالسة تكلم واحد نفس مستواها يمكن إنها أحسن مني بالخبرة وأقدم مني بالكار هذا لأني بصراحة هذي المره الميه اللي أغازل فيها يعني توني جديد ؟؟؟
المهم يوم شفت إن البنت بنت حلال مالها بالمغازل (( قصدك وجهك ما ساعد )) قمت وخليتها ورحت أدور لي غزال شارد ثاني وأشوف ذيك البنت اللي تقول للقمر قم وأنا أجلس محلك ولا قربت منها الا وصدق ضني تشبهني مرررره صراحة أنا شفتها اختلفت لكن اللي عشمني أناظر أنهم قاموا يسوون عمليات شفط المياه الزرقاء من العين حتى في البقالات المهم عقب ما صدت عني (( حتى ذي )) احترت صراحة من أغازل من كثرهم وكل وحده من لبسها ودك تلحقها لبيتهم !! المهم يوم تعبت من المطارد قلت لرفيقي أمش خلنا ندخل أي ديسكو نريح شوي ونشرب عصير ويمكن نتوفق في الصيد هناك قال لي رفيقي أنت خبل !! قلت ليه ؟؟ قال حنا بالسعودية يالشين ... قلت له أأأأأخ نسيت ... أنتهى.
المهم كالعادة هذي قصة ما هيب حقيقية حبيت بس أصور نفسي وأنا تافه عديم الفائدة حبي أصور نفسي وأنا عاله على المجتمع وعلى الناس حبيت أصور نفسي وأنا صغير مررررره وناقص عقل وتربيه بتصرفي السخيف اللي ما يدل إلا على الفراغ وقلة القيمة وانعدام الإحساس بالمسؤولية وتضييع الوقت وهدر الكرامة واستخفاف بالبشر والعادات والتقاليد عيب وربي اللي قاعد يصير وربي من يومين شفت بزرين يرقمون نساء كبر أمهاتهم وكل واحد ما سكن جوالين تقول كنه من إخواننا المصريين قالوا جت الفراغ بالجمعية وطاروا يشترون أكبر كمية... والمصيبة يوم يلحق اللي كبر أمه يقول ياحلوووه ترى الرقم رميته تحت رجلك (( بعذره ما يطووول )) يكفي عبث ولعب في حياة الناس حتى الناس صارت تخاف من جراءة بعض الشباب لدرجة وصلت في بعضهم يغازل البنت قدام زوجها أو أبوها أو أخوها ضارب بكل الأعراف والمبادئ والأخلاق أي انحطاط وصلنا له ارتقوا اكبروا...وربي إن الغرب وصل على أكتافنا وعلى سخافتنا في تحنيط مبادئنا وقيمنا ....

ايش قاعد تقول

انا ما فهمت ولا سطر واااحد

اتمنى تتكلم باللغه الفصحى

انت سلطان الغرااااااام ؟؟

يا خوفي انك عكس اسمك

تسلمووووووووووووو



;)بنـ الشيوخ ــت;)

والله انك عورت عيوووووني

اللون الازرق يوجع العيون

اقول الصور اللي صورتها نفسك عساهن ما احترقن

(( كل شوي تقول صورت نفسي ))

لكن تبي الصدق

شكلك منوّل ما تستحي ابد

بس عساك عقلت تاااااالي

سلام

نعنبوها لابسه عمارة

عماره تنهد عليك قل آمين :no::no:

وأنت مالك حاجه إلا ملاحق هالبنات صدق فاااااضي،،،،،،

ليتني والله ملاقيتك بالسوق؟؟؟

والله بتشوف تسحيبات ولا تسحيبات أبو يعقوب على عزه!!!

هااااادي تراااااه ما عقل عندك اياه

تقبلوا
ت
ح
ي
ا
ت
ي

ههههههههههههههههههههههه

اجل نااوي تروح محترم وتجي محترم هااة

اللة يستر اذا كنت تبي تروح وانت ناوي تغاااااااااااااازل

تحياتي لك

مـــــشــــكــــــورين أخواني

جـــــــــــــدا جـــــــــــــــــدا

علي الرد على هذا الموضوع

و تقبلو تحياتي

هههههههههههههه
ه




ههههههههههههههههه
ه






تحياتي للجميع

الصراحه اللون بط عيوني ما فهمت شي :999:
وعلى العموم مشكور اخوي على الموضوع
:olleyes:

هلا والله سلطان الغرام

من جد والله هالمغازل ابلشنا وابلش العالم واعجبني في موضوعك اللفتة الاخيره وعسى هالشباب يقرونها ويفهمونها

تسلم ويعطيك العافية

سلطان الغرام

زين انها انتهت على
كذا ..
والله انت الصادق اظاهر
انها تبي تصير موضه عند
الشباب وصاروا يتباهون بها
بين ارفقاهم ,,
الحيا راح , والله يستر
من اللي جاي ..

موضوعك ممتاز
والله يوفقك وما تسويها
ثانيه , لان مهوب كل
مره تسلم الجره ,,
يعطيك العافيه

تحياتي

سمسار 15