|
|
|
|
|
|
 |
 |
|
|||||
 |
 |
|
|
|
|
||||||||||
|
|
|
| المنتدى الترفيهي وتختص بالدردشة والنكت وقصص الفكاهة وسعة الصدر |
آخر 10 مشاركات
|
 |
|
|
أدوات الموضوع |
01 / 10 / 2004, 41 : 02 AM
|
#1 | |
|
مرقة الاولين ...
هذي سالفة مرق الاولين ااااااااااااااااااه يالاولين كانت مرقتهم لها لذة وشهوة حشى متمرقها اخر الليل
كانت امي تتربع في المطبخ وهات يا تقطيع البديجان الى متنفخ تقول خزيزات بزر ولد نعمة والكوسة الى من زينها كنها طروووح .والقرع عاد ياعيني على القرع من صفارة وريحتة تقول جراوة الخرج . والباميا الى تذوب في فمك وتزرطها من دون ماتنشب في لهاتك .والفلفل الحمر حق نعجان من زينة اذا تفقع في القدر تقول غجر وتغدي المرقة كلها حمراء.والبطاطس اممممممممممم من زينة تقول فقع زبيدي ملاحظة :كلمة فقع محظورة واستخدمت هنا للتعبير المجازي .... ويوم قامت امي وركبت القدر على النار قامت المرقة تطبخ والغطاء ماغير يرتفع وينزل تقول واحد جالس في حمام سونا ماغير كل شوي يطلع راسة يشم هواء ... قلت يمة متي مرقتس بتخلص قالت يا علوووووش بعد خمس دقايق يعني انقز للخباز واجيب بريالين خبز قالت فريرة يا علووووش والقط الفوطة من على النملية واجيك طاير للخباز واعود الا امي ناسبة مرقتها في ذيك البوادي المتعفطة والى مرسوم في وسطها وردة حمراء .. ونقوم ونفرش سفرتنا الخوص في بطن الحوى واديها تمرق انا واخوي الا يوم طاحت عيني على بيدجانة وانا الى الوى الخبزة والقطها من يد اخوي ..المهم مادريت الا كل شوي المرقة تنقص وش السالفة الا شيلة امي طايح طرفها في البادية واقوم وانا اخوي وكل واحد يمسك جهة ونعصرها مرة ثانية في البادية من زين فيها ... الا امي تصيح ترا مرقت ابوك في القدر لاحد يجيها وانا اقول في خاطري اااااهين وانقر والتحها الا يوم جاء ابوي بمحفرتة ورجلية متفلحة من المشق ومتجمع فيها الخوص والليف حق النخل الا يوم فتح القدر ... الا انا كاتب لة بقرعة قيم اوفر يالشايب ؟؟؟؟ الخلاصة : زمان كانت المرقة لها طعم وريحة تصقع في الراس مدري اهى من الخضرة والا من تزين ذا العجز اللة يخليهم لنا .. اما ذا الجيل التالي راعي البرقر مرقتهم مالها طعم ولا خنة مدري اهم مايعرفون يزينونها والا من الخضرة الى كلها كيماوي . ابى ردودكم وتعليقاتكم حول الموضوع البسيط هذا .......... |
|
 
|
|
01 / 10 / 2004, 38 : 11 PM
|
#2 | |
|
VIP
|
السمن له دور
والجوع اقشر والحين نعم -- نحمد الله ونشكره عليها--- |
|
|
|
02 / 10 / 2004, 52 : 08 AM
|
#3 | |
|
تميراوي
|
(:
أحسن عشاء يم يم رغم انه الساعه 7 الصبح أشتهـيتها (: |
|
|
|
|
03 / 10 / 2004, 06 : 02 AM
|
#4 | |
|
تميراوي سوبر
|
عليش
سبحااااااااااااان الله احس انك كبير وعود جن بس اللي اعرفه انك شباب ومهبول ومصرقع ووسيع صدر اولا الحمد لله كل اخواتنا ما فيهن قصور بالعكس كل وحده تقول انا احسن من الثانيه اغلبهن راعيات بيت اقصد مطبخ ,, لا ننسى امهاتنا الله يخليهن لنا هن الخير والبركه ونفس العجايز غير له نكهه وطعم ولا احلا منه ,, من ناحية الخضار نعم فيه فرق وكبير بعد وانا اقولك واثبتلك ,, جربت عندنا وفي احد مزارعنا حطيت كم مدي ( سواقي الخضره ) وخضرت فيهن بالاضافه للباقيات بس السواقي الاربعه وسط وخليتهن على جنب . وجبت واحد من العمومه الكبار في السن ووراني المويه تاصل الى هذا الحد . السقايه كل كذا وكذا . سويت مثل ما قال وسمدناها بسماد بلدي مسقينه قبل وفي الشمس ,, طلعت الخضره صح انها اصغر بسيط من الثانيات بس عليها طعم وخنه تطق في الراس ,, لا وازيدك من الشعر بيت قرعة النجد ياسلام وبعد قرعة المصري يااااااااسلام تعال شفها وهي منسدحه ومنعفطه شوي وتحس انها تقول لك اقلب وجهك عني ,,, فعلا فيه اختلاف وكبير ’’ والى اليوم ما ناكل الا من الخضره اللي على جنب , والسوق من الخضره الثانيه , لان لو دخلناها للسوق تبي تصير غاليه شوي والناس يدورون الرخيص تسلم والله اخوي علوش تحيااااااااااااااتي سمسار 15 |
|
|
|
|
03 / 10 / 2004, 26 : 04 PM
|
#5 | |
|
ضيف
|
هلاااااااااوغلاااااااااااااااعلوووش..
الا شيلة امي طايح طرفها في البادية واقوم وانا اخوي وكل واحد يمسك جهة ونعصرها مرة ثانية في البادية من زين فيها ... هههههههههههههههههههههه الله يرج شيطااااااااانك منت بصاحي:) وبالنسبه للمرقه ايه والله انك صادق الحين مدري ليه موب زي منول,اذكر يومني امرح عند اخوالي وتزينها جدتي من الصبح وتقولي ابعدي وانا امتس ابي اهذي البيدجانه((أهذي=أقطع لغير الناطقين باللغة السديراويه:) )) وعاد كان المرق بكل وقت فطور وعشاء وكلش الله لايغيرها من نعمة:0101: يسلمووووووو مرره علووش عالموضوع الحلووو.. ويعطيك العافية.. |
|
|
|
|
07 / 10 / 2004, 16 : 09 AM
|
#6 | |
|
VIP
|
والله ما لقيت شي اقوووووووووووله
علموك بالعلوووووووم كلها بس نسو شي مهم منول يزينونها وقلووووبهم خضر وكلها طيبه والحين لا تكثر الملح فيني ضغط ولا تكثر الطماط فيني حرقان ولا تكثر البصل ريحته تغث وخذ من هالامووووووور ثم تصير مغير موية حااااااااااااره سلام |
|
|
|
|
18 / 10 / 2004, 25 : 07 AM
|
#7 | |
|
تميراوي سوبر
|
وش رايك هااااااااااادي
نخلي علوشه افندي تزين لنا امه مرقه اما صارت زينه وشكرناه او انا وانت دبغناه ,, بيت شعر تحااااااااااااااااتي سمسار 15 |
|
|
|
|
23 / 10 / 2004, 07 : 08 AM
|
#8 | |
|
VIP
|
اناااااااااا وااالم
يالله حدد موعد وانا مجهز الموووووتر عجل ترااااها زينه بهالرمضاااااان سلام |
|
|
|
|
28 / 10 / 2004, 38 : 02 AM
|
#9 | |
|
اشوى اني رجعت للريااض وابعدت عنكم مالت عليكم انت ويااه اجل الدعوى تمردغ وتكسير رووووووووووووس
هع هع هع هاادي انا اللي ابمردغ مسماار الصلب ذا بس خلك على جنب لو سمحت قدن باااااااااااااااااااااي |
|
|
|
|
28 / 10 / 2004, 44 : 09 AM
|
#10 | |
|
VIP
|
اول شي سلم ثم تكلم
وين قاطع لك كم يوووووم او من الفطووووور الدسم من هالمرق الحمد لله على سلامتك عيش افندي قصدي عليش سلام |
|
|
|
|
| مواقع النشر (المفضلة) |
| الذين يشاهدون محتوى الموضوع الآن : 1 ( الأعضاء 0 والزوار 1) | |
|
|
 |
 |
 |
