- وجهْ الزعَل .. ! -

- وجهْ الزعَل .. ! ,

بهت وجهْ الزّعل ما لـ الزعَل ملّه
شِقى به قلبي اللي دُوم يشقى بك
ياضِيعة من قصَد عفوك ولا دلّه
مع حلم الرضا واقف على بابِك
يسُولف ضحكة اهدابك على ظلهْ
ويضحك ظله وما تِضحك اهدابك!
معك صمت الغضب مدري متى تملّه
وتغمر مسمعِي في عطف ترحَابك
ومن غِيرك اجلّ رضاهْ واجلّه
ومن غِيري سماوي يعشق ترابك
على كثر الحكِي سُولفت مِن قله
ولا اغراك الحكِي ولا الوله جابك
واذا باقي بـ قلبك شيء مِن غله ؟
معاك حق مهمَا كانت اسبابك
تبي تزعل علي وتدوّر الزله ؟
انا راضِي عليك ولازم ارضى بك
علِيك عتاب غِير عتاب خلق الله
احب ازعّلك لجل اسمع عتابك
::
لـ: الشاعر: صلاح العرجاني .