●• خزآمىَ الصَحآرى « للشعْر والخَوآطرْ !

اعز نفسي عن غثى الناس واصد ..
ورفعت راسي عن مذلات الاهانة ..

يالله دعيتك لا تحدني ارتجي حد ..
ماغيرك أرجي واذل نفسي عشانه

‏مآ خذل وجهه الثقة غير الشكوك
و مـاحقر وجهه الوصال الا الجفا ;


مـن سبب فقد الثقة طاحو ملـوك
ومن سبب قطع الوصل مات الوفا..

لو غديت بعيد عني ماأسمعك
تملك احساسي وفكري تشغله
ترحل طيوفك وفكري يجمعك
انت تالي العمر وانت أوله

خل الأمل ينبت ولا تدفن الورد
حلو الأماني تعطي الناس راحه
تراك لولا الصيف ماتعشق البرد
ولولا الأمل ضاقت عليك المساحه..!

لا تجعل عواطفك تتكلم ، تكلم بعقلك ثم زنه بقلبك فليس كل الناس لها قلب كقلبك وليس كل الناس لها عقل كعقلك ..

ياكبر قدرك في ذرا جوف مغليك
ياللي ودادك بـ الـمعالـيـق بلوى
وشلون ابدله عن غرامك وطاريك
عجزت للقى عن طواريك سلـوى

بعيدا عن المجاملات و التزيف ، هناك دائما قلوب تخبرك بمكانتك الحقيقة في داخلهم ، تشعر بصدقهم وطهر قلوبهم .. فتحبهم اكثر ❤

احد على الدنيا خدعه التسلي
واحد حريص وعلمته التجارب

تبرا جروح الوقت وتموت غلي
لاشك ماتبرى جروح الاقارب

على الوفى نبقى ولو عاقنا عوق
ويبـقى الوفـا منّـا/ وفينا / وإلينا
..
وجيهنا بيضاء وهاماتنا // فـوق
وان ضاقت الدنيا ماضاقت علينا .

بعض الغلا لا صار كله مكابر .. ينعااف لو رآعيه بالحيل غالي