يبه محتاج من وقتك دقيقه ~}} دعوه للنقاش "

"يبه محتاجه من وقتك دقيقه"

بسم الله الرحمن الرحيم
والصلاه والسلام على من لانبي بعده

يسسعد لي مسساكم / صباحكم اعزائي ..

موضوعنا اليوم يتحدث عن مشكله موجوده بمجتمعنا ..
بمختلف طبقاته .. غنى او متوسط او فقر ..

وهو انشغال الاباء عن الابناء .. والفجوه الي صايره بينهم ..

بدايه "
الموضوع طرح للنقاش .. رح يناقش جميع الاطراف المعنييه بالموضوع ..

مشهد :-
الاب// طالع من بدري .. يدور رزقه وما يرجع الا بالمساء يتغدى .. وبعد العصر يرجع لشغله .. ويرجع بعد العشاء هلكان ويدور فراشه .. يتعشى وينام "

الام // اذا موظفه - من بدري برى البيت ولما ترجع بالمساء تطبخ .. وتنظف وتشيل وتحط لين تجي حزه النوم ونفس الشي هلكانه تدور الفراش ..
اذا مش موظفه - تنام لحزه الظهر وتصحى وعلى شغل البيت ...

الابناء // من بدري بالمدارس يرجعو بعد الظهر "يمه وين الغداء "..
يتغدون ثم ينصرف كل واحد منهم لشغله .."

.انتهى

السؤال الحين المشهد السابق ليه ذكرته ؟!
الجواب كلنا لاحظنا بان افراد الاسره كل في فلك يسبحون ..!!

الاب يدور رزقه والام بعد ..
طيب لو قالو لهم عطوهم من وقتكم دقايق .. وسيبو هالشغل الي هالككم ..
رح يجاوبو .. وانا من له اتعب واشغل مو عشانهم ..
عشان ما يحتاجو لاحد .. ولا يكونو اقل من احد ..
ما ابيهم يتعذبو بعد وفاتي "الله يحفظهم ويخليهم لنا جميع"

**

لو فرضا غلط الابن وعمل مشكله بغض النظر عن ماهييه المشكله وعمقها ..
رح تلاقي الوالد زعلان ومتضايق .. وما يطالع حتى بوجه الولد ..
ومطنشه عالاخر .. ولا يكلمه .. ولاهو معبر وجوده عنده ..
هالتصرف مليوون بالميه خطأ ورح يجر لاخطاء اكثر لاسمح الله ..
ياحلوها لو مسكت ابنك وكلمته وليه تسوي كذا ؟!
وش الاسباب ؟!
يا ولدي انا مقصر معاك بشي !!!

" ايه يبه قصرت حيييل بسؤالك عني كل يوم ..
قصرت بمتابعتك لي وين اروح ووين اجي ومع مين امشي ومنهم اصحابي ..
ايه قصرت بتواجدك حولي .. قريب مني وبكل خطوه وراي مثل ظلي ....."

وكثييير ..

هذا موضوع النقاش .. وش سبب الفجوه بين الاهل والابناء ؟!
اي شخص عنده اضافه حاب يضيفها يتفضل الموضوع مفتوح للجميع ..

" في النهايه ..
تحيه كبيره الى كل اب وام على هذا الكون .. كافي انهم سبب وجطدنا بهالحياه ..
ومن القلب دعوات صادقه لهم في كل وقت وحين ..
لا انكر كم المسؤليه كبيره عليهم .. خاصه اذا زاد عدد الابناء ..
ربي يخليهم لنا ويحفظهم ..
ومهما سوينا ما رح نطلع من جزاهم ..
ونقول لهم عطونا من وقتكم شوي "


اتمنى اكون وصلت الموضوع للقارئ بالطريقه الصحيحه ..
بإنتظار تعليقاتكم عالموضوع ..
واذا عجبكم الطرح التقييم ولا تهونو


دمتم بالف خير حبايبي ..

شمس الوله

إن كان من فجوه فاني وانا والد وجد اقول وبعالي الصوت {أعطيني وجهكِ اسمع صوتكِ } وإن وجد من المشاهد مثل ماذكر فلعل من المناسب اتفاق الأسره.
على وقت معين في اليوم او استقطاع وقت من ايام اجازة الأسبوع للحواروطرح وشرح كلما يُرغب في نقاشه هذا مااردت إراده ..

وش سبب الفجوه بين الاهل والابناء ؟!

السبب ان الكل شغلته الحياة ...الاب يعمل يوم زملاء العمل زملاء الدراسه يبحث عن لاشئ! ....الام تعمل ايضاً نايمه قايمه للتسوق للاخت لتلك توها والده! وتقامز من بيت لبيت!!!!!! ...الابن يدرس بي بي يطلع بس يدخل البيت ع لسانه(طفش ؤف وش ذا طفش وش اسوي)...
فلا أحد يعرف الثاني كلما ابتعد الوالدان عن الابناء زاد الابناء كرها للمنزل !
فاالان اصبح الوالدان شخص غريب ويخجل منهم ان يصارحوا من قبل الابناء بينما تجد اصدقاء المدرسه يعرفون كل شئ عنه اكثر من والديه!

شكراً لك أختي على فتح نقاش أكثر من مهم ...
جزيت خيراً....
^___^

اخي الحبيب البرونزي عسى ان تكون ذهبي ، والله يابُني ان الغريب في الدار هما الأبوان والصديق اصبح [[ الآبتوب ]] محتضناً
مرافقا كل حين ، وآن ، وانما الولد او البنت يبوحان ويصارحان الأقران بسبب رؤى قاصره ان الوالدان ليسوا منفتحين على العصر
ولا يفقهون شئ في شئونه او بدافع ان ما يُردانه مخالفا للعادات والتقاليد في نظر الوالدان ، وحال البيوت الأن حال غربه ، النوم اوالمشغلات
للبنت ، الشارع والأصدقاء للأبن ، والله المستعان.

اقتباس: المشاركة الأصلية كتبت بواسطة ابوعبدالرحمن11    اخي الحبيب البرونزي عسى ان تكون ذهبي ، والله يابُني ان الغريب في الدار هما الأبوان والصديق اصبح [[ الآبتوب ]] محتضناً مرافقا كل حين ، وآن ، وانما الولد او البنت يبوحان ويصارحان الأقران بسبب رؤى قاصره ان الوالدان ليسوا منفتحين على العصر ولا يفقهون شئ في شئونه او بدافع ان ما يُردانه مخالفا للعادات والتقاليد في نظر الوالدان ، وحال البيوت الأن حال غربه ، النوم اوالمشغلات للبنت ، الشارع والأصدقاء للأبن ، والله المستعان.

كلامك صحيح اخي ابا عبدالرحمن,
....الله كريم..