المراااجل

عمر المراجل ماتحدد بالاشكال
عمر العفن ماذاع بالطيب صيته

يبقى على ماقيل جماع للمال
ردي نفس ولو بحالك فديته

وإلا الرجل تعرف مباديه بالحال
تعرف بعد وشلون لامن نخيته

يعجبك في حاله وقوله والأفعال
يعجبك لامن جيت عاني نصيته

ذكرى بقى تاريخ عايش للاجيال
بعلومهم هي ساس مجده وبيته

هذا نعم هذا كفو طيب الفال
هذا اللذي من شان طيبه هويته

وأنا انا ياصاحبي صرت رحال
بافكار قافي شامخاته رقيته

شفت العجب في لحظه الصمت غربال
في لحظته شديت قافي وجيته

أحيان أحس إن المبادي بالأقوال
من يوم خاب الظن من هو هقيته

وأحيان أقول إن الأمل صدر رجال
بحروف شعره مجد عزه خذيته

وأحيان لا والله إلا ولا زال
نبع الكرم ساس المراجل لقيته

في كل شخص حسب القول من قال
حسب لها حتى ولو ماعطيته

ابيات اعجبتني

كلمات راقت لي شكرا ،

آبيآت جميله وآختيآر موفق

مشكورييييين على الردود

كلام جميل

واختيار مميز


لاهنتي

آبيـآت جميَيَيَله

تسسلمين عَ الاختيـآر الرآئع . . . !