,, رزقي على اللي ميت القشع يحييه ,,

السلام عليكم ورحمة الله وبركاته

يالله أن تحييكم جمييييييع ..

علومكم .. أن شاء الله الجميع بخير وعافية ..

هذي قصيدة للشاعر الكبير بندر بن سرور العتيبي رحمه الله ..

جازتلي فنقلتها لكم لتشاركوني فيها ..

.
.
.

يالله يا جال الامور المهمة
تجلا وهج قلب برا حال راعية

البر دجته والبحر رحت يمه
يقطعك يا حظ على الله مساعيه

يوم أن ولد اللاش رزقه على أمه
رزقي على اللي ميت القشع يحييه

يامل قلب كل ما مات همه
دارت دواليب الدهر لين تحييه

فراق شمل الناس عيا يلمه
وقت يشيب الراس من شاية فيه

أحد ينام وحط راسه بكمة
واحد تخم النوم عينه وتخطيه

واحد يحاول بالردى بنت عمه
واحد يحاول ستر عذراء عوانية

ماني وانا بندر ببياع دمه
يقطعك يا بياع دمه ومهفيه

اللي يبيع لا بسات الازمه
ثور يبابيض الرعابيب تغنيه

يزعل لياجت ليلة الدوريمه
يرضى بسوق المال فخوه و فابيه

خطو البخيل اللي يكبر معمه
يقرأ الكتاب وواجب الله يخليه

إمر هرج لك في رفيقه بنمه
والاعطا وامه تضيع هقاويه

أنشدك ياللي كل فرض تتمه
تقرا الكتاب وكل فرض تصليه

ويش القليب اللي غميق مجمه
ما فاد غرسه ماه . عطشى سوانيه

تخالف الانظار شرق ويمه
وكل هدف رآيه من الناس مرضيه

سم السبب يا عارف عنه سمعه
سم السبب يا عارفه قبل اسميه

(( أتمنى أن تنال على رضاكم وإعجابكم ))

...........................................

أي والله رضت على استحساننا و أعجبتنا
قصيدة جزلة من بن سرور ، ودائماً ما نجد في قصائده الجزالة وثقال المعاني
تسلم يالمبارك وجهودك بهالقسم ماينكرها عاقل ،،
بارك الله فيك

الله يرحمه ويغفر له ..
آبيآت جميله ..تسلم على الأختيآر ..

مشكوووور

اقتباس: المشاركة الأصلية كتبت بواسطة سمو الأمير    أي والله رضت على استحساننا و أعجبتنا قصيدة جزلة من بن سرور ، ودائماً ما نجد في قصائده الجزالة وثقال المعاني تسلم يالمبارك وجهودك بهالقسم ماينكرها عاقل ،، بارك الله فيك

هذا ألي نبيه والله ..

ومن قال سالم وغانم يالذيب ..

الله يبارك فيك ويعافيك ..

سلمت ياسمو الأمير ..

لاهنت يالنشمي ..

.
.

..............

اقتباس: المشاركة الأصلية كتبت بواسطة الراقيه    الله يرحمه ويغفر له .. آبيآت جميله ..تسلم على الأختيآر ..

آآآآآآآآآمين إن شاء الله ..

والأجمل مرورك يالرااقية ..

فلتعلمي ان مرورك وحضورك يزيدني شرفاً وكذلك الموضوع ..

سلمتي على المتابعة الدائمة ..

من قال سالم وغانم ..

الف شكر لك ..

................

اقتباس: المشاركة الأصلية كتبت بواسطة امورة تمير    مشكوووور

العفووووووو يا امورة ..

الف شكر لك على متابعتكم ..

.
.

..............

وعليكمِ السلامِ
وحنآ بخيير دآمك بخيير ,
آنتقاء رائع
ويستثنى الاقتباس هُنا
آعجآبي ..

اقتباس: المشاركة الأصلية كتبت بواسطة » اِلـَوَفْآءْ بـِنْـتْ    وعليكمِ السلامِ وحنآ بخيير دآمك بخيير , آنتقاء رائع ويستثنى الاقتباس هُنا آعجآبي ..

الأروع مرورك يالوفاء ..

شرف لي إعجاابك ..

الف الف شكر لك ..

لاهنتي على متابعتك ..

.
.

...............

لاهنت على النقل

رحم الله متنبي عتيبة رحمة واسعة


قصيدة جزلة من جواهر القصيد