,طريقة عمل صينية خضار جديدة بالبف باستري

30 / 03 / 2015, 08 : 03 AM

,طريقة عمل صينية خضار جديدة بالبف باستري
المكونات :
خضار الي تحبون من الخضار مافي شيء محدد
صدور دجاج إما قطع صغيره أو مفرومه وممكن لحم كمان حسب رغبتك<<< أنا سلقت صدور دجاج ثم قطعتها طوال
صلصة طماطم
عجينة بف باستري وحده تكفي صينية كبيره مثل صينيتي
جبنة موزريلا أو شرايح<<< ماتوفر عندي فستبدلته بجبن سايل صااارت طعمها خيال

الطريقة:
في البداية نسلق الخضار الي درجة قريب من الاستواء والدجاج او اللحم نخليه مستوي لان هو الي ياخذ وقت <<< الخضار أنا سويت بطاطس+كوسه+جزر سلقتها على البخار مع اضافة شوي ملح وفلفل اسود ورشة كمون
وبعدها نبدا
نقطع البصل صغير ونحمسه ولما نحطه بالصاج نرش شوي ملح عشان مايحرق وينزل مويته
ويتحمس زيين

نحط اللحمة أو الدجاج الي طبخناها ونحمس شوي

نحط شوي من الصلصله ونحمس هالطريقة تعطي الأكل طعم مميز لما يكون عندك لحم او دجاج بتحمسيه حطي شوي صلصله مع الحمس واااو يجي شي شي جربوها

نحط الخضار ونحمس وبعدها نضيف باقي الصلصه وضرووري نحط شوي مويه يعني مو كثير
بس عشان لادخلناها الفرن ماتحرق لبين يستوي البف فنخلي موية شووي فيها

نجيب الصينية ونفرد نص الكمية <<<< أنا حطيت كل الكمية لان ماكان عندي جبن شرايح

نجيب الجبنة موزريلا او اي جبنة مثلها انا ماكان عندي حطيت شرايح بس عشان يعطي تماسك للخضار مع بعض <<< مااضفت

بعده نحط الطبقه الثانية من الخضار ونحط ع الوجه جبنة وانا هنا اضفت رشه بارميزان احب نكهتها
متل هيك<<< أنا حطيت الخضار كلها بالصينيه وخلطتها مع ثلاث ملاعق جبن سايل ونسيت المويه فحطيت شوي مويه بعد ماخلطت الجبن

نجيب عجينة البف باستري ونقطعهم بهالشكل مربعات<<< أو الشكل الي تحبين

نبداء نرصها بالترتيب ع وجه الصينية مثل الصوره

وبعد ما انتهينا نمسح ع وجه الصينية اما حليب او بيض الي تحبو <<< أنا دهنتها بحليب قليل الدسم

ندخلها الفرن على درجة حرارة متوسطه 350 الين تشوفي البف انتفخ واذا كنت تبي تتأكدي حاولي بسكين تقطعي البف يكون هش معاك

نتركها تبرد بعد ماتطلع من الفرن عشان تتماسك شوي

وبالعافيه