قرار إداري .. ( بعد إجتماع أعضاء اللجنة الفنية )

[align=justify]عزيزي عاشق السلطنة انتم شكل فريقكم مبتدئ موب محترف ولاتعرفون الابجديات اول شيء ياعزيزي مندوب من فريقكم حاضر القرعة ومبلغينه بالعقوبات والانظمة ومبلغينه بالقوانين فما لكم عذر وبناء عليه قدمتو 16 اسم كاسماء لاعبين مشاركين في الدورة غير كذا انت تقول الدورة تجميعيه والمفروض الواحد مايدقق والهدف منها بث السعادة في القلوب انت طيب ليش مضيق صدرك طالما انها تجميعية وليش زعلان ان اللجنة طبقت النظام واستبعدوا فريقك هي بطولة تجميعية ليش مزعل نفسك وبعدين انتم على كلامكم فريق محقق بطولات يعني ماانتوب في حاجة هالبطولة الودية على قولتك انت وفريقك ويوم تقول الفرق خافت منا كيف خافت منكم وانتم طالعين من البطولة مامعكم الا نقطة لوكم قويين كان فزتوا على هولندا باول مباراة وخلصتوا اموركم ولادخلتوا في دواعيس غلط .
وبعدين ترى عيب تتكلمون على اعضاء اللجنة يوم طبقوا النظام واللوائح وبعدين بدر السليمان ماقال لكم لعبو حاس ماسجل في كشوفات فريقكم المشارك وهذا غلط بدائي مااتوقع يطيح فيه فريق محترف على قولتك .
غير كذا ياعزيزي الناس متحمسين لفريقك موب علشان لعبهم على الرقصات والفلوكلورات الشعبية الي يقدمونها انت جايب فرقة فنون شعبية موب فريق كرة قدم والله اني اشكر اللجنة انهم استبعدوكم لان فعلا تصرفات لاعبينكم ورقصاتهم ماكانت لائقة ولا تصدر من فريق محترم المفروض انتم قدوة بكل شيء واقل شيء تحترمون الخصم الي قدامكم موب قالبينها رقص وخربطه وقلة حياء والله عيب المفروض ماتعلق انت على القرار غير كذا احمد ربك انك طلعت من البطولة بعذر لانك بعدين بتطلع بعذر ماينقبل بتقول تحكيم واللجنة ماتبي فريق من برا تمير وماادري ايش زي غيرك يقولون اللجنة تحاربنا وماتبي الا فرق تمير وكل سنة يشاركون ماادري وش السر طالما اللجنة تحاربهم لكن واضح ان الفاشل يعلق فشله على الاخرين وبالاخير ارجو ان تعليقي ماينحذف من المنتدى جبر لخواطر فريق السلطنة خلونا صريحين ليش نجاملهم الي عاجبه تصرفاتهم وسلوكهم بعد الاهداف وطريقة استخفافهم بالخصم ومشاكلهم مع اللجنة يعلق حياه الله
[/align]

اخوي لهفه محروم اقسم بالله اني فرحت يوم طلع فريقنا لانه بالعربي وبالفصيح حرام فريق مثل هذا يلعب عندكم ولو واصل شفت فضايح نص الاهداف في المستشفى كلها كباري وطقطقه وانت تقول فرقه فنون وانا اوافقك الراي لانه بالعربي ماقدامهم احد مره ثانيه لو لعبنا باربعه لاعبين فزنا كل الي قدامنا برحه والحمدالله طقطقنا على فريق المستشفى بس اللجنه ذكيه قالوا بلاش فضايح وحمد ربك ان هاذي لجنتك ومن هالحين بقولك مبروك الفوز بالبطوله بس اتحداك اذا عندك فريق نبي نلعب معك في ملعب قانوني ياخذ احدى عشر لاعب مهوب ملعب الشطرنج الي عندكم *

اقتباس: المشاركة الأصلية كتبت بواسطة عاشق السلطنه    اولا الشكر خاص وموجهه للاستاذ عبدالله المفرج رئيس اللجنه والشكر ايضا موصول للاستاذ الخريف والشكر موصول ايضا لمصور الدوره الاخ عبدالعزيز العيسى الذي امتعنا طيلت الدوره بالابداع التصويري . شكرا لمن ادلاء بصوته لفريق السلطنه الذي ترك بصمه من ابداع وفن كرة القدم .ثانيا نرجع الى قرار اللجنه بحق فريقنا لم يكن في مكانه الصحيح وذلك لعدة اسباب ومنها ان الدوره لاتنبطق عليها شروط الاتحاد السعودي وانما الغرض منها الاجتماع وبث السعاده بقلوب ابناء المناطق لماذا لم تكتفي اللجنه باعادة المباراه مره اخرى وابعاد الحارس انما كل هذا يندرج تحت سقف واحد ووهو الغرض منه استبعاد هذا الفريق الذي بث الرعب في جميع الفرق المشاركه واكتفوا باستبعاده من البطوله لي اتحاة الفرص لفرق اخرى والعلم عند الله . جئنا وامتعنا واستمتعنا ومتعنا كل من شاهد هذا الفريق وللعلم لن نتاثر باي قرار كان من كان ولكن يبقى الضمير الميت بقلوب البشر وهو الحسد والعياذ بالله . كل الفرق لها منا التقدير والاحترام ولديها عناصر لاتختلف عليها الاراء وكان فريق السلطنه يرغب بمقابلة فريقين كانوا بالحسبان وهم: فريق الملكي وفريق اليابان اللذينا كان لهم القدر الكبير وامتلاكهم لعناصر جيده ولقد تابعت انا خاصه فريق اليابان يوم امس وقد امتعني وسر ناظري عنصرين بدون ذكر اسماء وهم رقم 7 ورقم 9 واتمنى لقياهم بدورات اخرى. اسال الله ان يجمعنا بكم في اوقات اخرى ونحن وانتم بالف خير وعافيه .وارجوا من المشرف على المنتدى عدم مسح او الغاء المقال والرد. تقبلوا تحيات مدير فريق السلطنه اخوكم فهد العصيمي

في كاس الملك وبطولة معتمده تاهل الاهلي بخطا اداري من نادي الشباب وماحد اعترض على صحة القرار ومادري ليه ماتعترف باللجنه حقت التنميه وعقوباتها وتبريراتك كلها مو في مكانها

على العموم جميع ماكتب هي وجهات نظر لاتفسد للود قضيه وتبقى الاخلاق المحترمه متبادله بيننا هذه هي دائما كرة القدم يحصل فيها منازعات وشد للاعصاب وباالاخير يبقى احترمنا لكم خاصه لااهالي تمير وللفرق المشاركه الحب والاحترام والتقدير .
اخوي لهفة محروم قريت مقالك شخصيتك لها الاحترام والتقدير لكن المقال ياليت كان ارقى من كذا بكثير نحن فريق نكن للجميع الاحترام وماحصل مثل ماتفضلت هو فن وقدره من الله يملكها لمن يشاء ليس بتقليل احترام انما هذه هي كرة القدم واكبر دليل نادي برشلونه مايعمله في فرق العالم من فلوكلورات زي ماتفضلت عموما اتقدم باالاعتذار خاصه عن فريق السلطنه اذا حصل اي تقصير ورقصات فنون شعبيه مثل ماقلت بمقالك.

واخيرا اتمنى لكم التوفيق ولجميع الفرق المشاركه على امل لقياكم في بطولات اخرى وانتم بصحه وعافيه والذي حصل موجود بكرة القدم في العالم ويبقى احترامنا متبادل بيننا والقلوب صافيه,




(محبكم) : عاشق السلطنه

بسم الله الرحمن الرحيم

اخوي:فهد العصيمي انا واعوذ بلله من كلمة انا مشجع لفريق الملكي والذي انت قلت في مقالك انهو كان في ودك ملاقاته نعم جميع افراد فريق الملكي حزموا على خروج السلطه وقالوا البطوله ملها طعم اذا فريق قوي يطلع وكانوا جميعهم يودون ملاقاتكم في مباره نظيفه تسود فيها الاخلاق الرياضيه العاليه ولاكن حصل ماحصل وشائة الاقدار في خروجكم ولاكن الخطاء الذي اخرجكم من البطوله كان صحيح لان في القرعه اللجنه عممت على هذا الموضوع وهو جلب لاعب ليس موجود في الفريق ولاكن اخي فهد هناك نقطه لم اتوقع من شخص محترم مثلك التلفظ بها انا اللجنه تبحث عن خروجكم لان فريقكم بث الرعب في الافرقه الاخر انا فريقي لم يحسب لفريقك اي حسب وكما كتبت في البديه اعيد ان فريقي كان يود مواجهتكم في الادوار الاقصائيه ......

اخوك :عاشق الهلي

احمد ربك انهم طلعونا ولاجاك ماجا المستشفى اكيد انت اول واحد فرح عشان طلعنا لان الكباري الي في المستشفى حطت اللجنه في موقع وضع محرج

اخوي الصياهد تراك لاانت ولا فريقك هميتوا فريق الملكي

ولو فيكم خير ماجبتوا مطلق السفياني من برى مساكين خايفين من الخساره فريق هولندا لعب فيكم لعب ويالله تعادلتوا معه

على العموم في دورة التنميه الجايه يعوضكم ربي بجديدين