|--*¨®¨*--| "إيه كل أنثى قويه ..... إيـه لو فيها جدال" |--*¨®¨*--|

قالوا الأنثى ضعيفه , قلت كل أنثى قويه
وعجزوا لا يفهموني وأنفتح باب الجدال
قلت يا ناس أفهموني وأسمعوا مني شويه
مانطقت إلا بحق وكلمةٍ لازم تقال
والحقيقة ما نطق فيها سوى نفوسٍ أبيه
ما يغط الحق فيها لا ولا فيها مجال
أبك أنا مع حر مابي جيت أجادل بالرويه
وألا أنا قلبي تفطر من يمين ومن شمال
وإن سألتوني بقول : أنتم تولوا هالقضيه
لا تلوموني بقولي واسألو قلوب الرجال
وإن لقيتوا قلب واحد ما بجوفه نار حيه
من سببهن , قولوا إني مخطي بضرب المثال
والله إن أقوى رجل لو يلمح عيون بدويه
غير يهوي في مكانه فدوة لذاك الجمال
وإن تمادى بالنظر قالت: تقبل هالهديه
نظرةٍ منها , بعدها [عزتي لأبن الحلال ]
نظرةٍ لو وجهتها يم ضلعان بطميه
كان قال أهل طميه كان بالديره جبال
( عينها اليمنى بها نار وبالأخرى جاذبيه
ذي تجيبك يم ذيك وذيك فيها الأشتعال )
ويل حالك يالرجل خل الفخر والعنجهيه
سحرهن يسلب عقولٍ واصله حد الكمال
سحرهن يذبح ولكن: ...ذبحةٍ من دون ديه
والشروط:... أنك تموت ولا تطالبهن بمال
وإن بغيت الشور مني قلت لك: خذ هالوصيه
ولا تظن أنك لحالك كلنا بنفس المئال-
( مالك إلا ترسل ألحانك بعزف الهاشميه
وأنتبه لازم تكون ألحانك ألحانٍ طوال )
أو تمادى بالجهل مثل الذي روح ضحيه
وش جنى مجنون ليلى من هواه إلا الهبال
ذي خلاصة ما جنيته يوم أطالع في يديه
ضاعت الحيله ولا قد فادني شد الحبال
جيت أسولف للقصيد إن كان باقي به حميه
وأدري إنه هو بعد يرغب بخوتهن منال
وأفزعي لي يوم جيتك يالحروف الأبجديه
وأكتبي بآخر سطر زبدة كلامي بأعتدال
( إيه كل أنثى قويه ... ما عليه ما عليه
إيه كل أنثى قويه ... إيه لو فيها جدال )

وإن لقيتوا قلب واحد ما بجوفه نار حيه
من سببهن , قولوا إني مخطي بضرب المثال

لا والله ماأخطيتي

دام هذا الطرح الجميل

أختي شموخ انثى

اسعدني مرورك العطر
..

..
دمت بخير

مشكوره اختي شموخ على نقلك المبدع الله يعافيك

تــــقــــبــلي مـــروري

الـشـمـالـي

العفووووووووو اخوي
اسعدني مرورك
والتميز تواجدك
دمت بخير

وش جنى مجنون ليلى من هواه إلا الهبال
ذي خلاصة ما جنيته يوم أطالع في يديه
ضاعت الحيله ولا قد فادني شد الحبال


تسلمين يالغلا ع الأختيار والأنتقاء المميز دوماً

الله يسلمك
اسعدني مرورك
والتميز تواجدك
دمت بخير

أختي الغالية

شــــمـــوخ انثى

وفقكِ الله لما يحب ويرضى ولما فيه الخير والصلاح على هذا الجهد والعطاء المتواصل

كما أسأل الله أن يجزاكِ عنا خير الجزاااااء
......

الله يعافيك
اسعدني تواجدكــــــــــــــــــــ العذب
دمت بخير