مقالب سووها في اهلكم

ياهلا ومرحبا

ندخل في الموووزوووع
انا من النوع الي احب اسوي بأهلي مقالب
حلو إذا سويتو مقلب انتم تعبا نين ومفكرين فيه
راح يسير في البيت جو مرح

فأنا دائما اسوي مقالب
فقلت ليش ماأتحفكم من المقالب الحلوة>> الله يعين اهاليكم

المهم
بس انا كل ذولا المقالب اسويها وأنا متفقة مع اخواتي
على اخواني
ونسجل المقالب في كاميرة الفيديو عشان تكون ذكريات حلوة وما تنسوها ابد
تفضلو ذولا المقالب
_____________________________
المقلب الاول
(( البسي عبايتك والنقاب ( برقع ) وحطي كحل بعيونك
عشان محد يعرفك حاولي تغيرين من شكلك شوي مثلا ( توسعين النقاب ( البرقع ) او تخصرين العباية ) وأطلعي بالشارع جمب الباب وطبعا بمراقبت اخواتك ودقي الجرس بقوة وبسرعة
دقة تخوف كنة في شي صاير ولمن يردون اخوانك من تلفون الشارع ويقولون مين قولي( انا أم تأبط شر)<< مع أحترامي للغالية ام تأبووطة
صراحة انا جربتها وقلت كذا وتعجبو اخواني
ولمن فتحو الباب ابعدتهم عن الطريق بكل قوة ودخلت المجلس وكانت اختي في أنتظاري وأجلس وأظرب فيها ( طبعا كنا متفقين من اول ) ودخلو اخواني وراي ويسحبون فيني وبعدين ماقدرت امسك نفسي وقمت اظحك بقوة
وعرفوني من صوتي منهم من ضربني ومنهم من سبني وراحو بس اهم شئ في السالفة اني خليت كاميرة فيديو تصور من ورا الشباك ونجح الفيلم ))
____________________________


اما المقلب الثاني
(( اختي اتصلت في بنات عماتي وقالت لهم يجون لنا ولم جو لنا طبعا بنات عمتي بين المتوسط والجامعة المهم اختي راحت المطبخ وأخذت كاسات فاضية وحطتهم في الصينية وجات وقدمتهم لبنات عمتي والبنات ياخوذون الكاسات الفاضية و هم مستغربين يحاولون يشوفون وشو داخل الكاسات لاكن مافيهم شئ والمشكلة اني جالسة اشرب الكاس الفاضي وكنة فيه شئ والبنات يناظروني وهم مستغربين يقولون وش فيها ذي وشو تشرب وانا اقول لاختي ( اممم لذيذ بس المرة الجاية كثري سكر ) وفجأة قالت اختي ( صااادوة ) قامو البنات يضحكون وقامو يعلقون على الموضوع كخخخ)

اما الثالث فهاذا انا سويته
جتنا بنت خالي واختها وجلسو يسولفون مع اختي
وانا كنت في الثانوي المهم رحت غرفتي ولبست المريول
والشنطة واخذت عبايتي في يدي عشان البسها في ورحت عند بنات خالي وبدون مقدمات قلت لهم مع السلامة وطلعت من الباب والبنات مستغربين وسالو اختي( ارنووبة ليش لابسة المريول وطالعة ) قالت اختي ( اوووووه ذكرتوني وراي دوام لا يدق الجرس ووطلعت ) البنات يطالعون في الساعة وهم مستغربين
المهم انا دخلت من الباب الخلفي وغيرت ملابسي ودخلت عليهم قالو لي ( أنت قبل شوي ما طلعتي للمدرسة ) قلت ( ليش انتم ماتشوفون الساعة 6 المغرب أي مدرسة هاذي) قالو انتي قبل شوي طلعتي ولحقتك اختك قلت (لالالالا) انتم غلطانين
البنات سكتو وشكو في نفسهم المساكين
وبعدين قمت اظحك عليهم وقلت (حلو المقلب ) قالو ( أي مقلب ) قلت الي توني سويتة
قامووو يضحكوون واهم شئ اني سجلت كلشي سار في الفيديو ويوم زارونا المرة الي بعدها وريتهم الفيديو وماتو ضحك))

المقلب الثالث مدري الرابع

إذا كانو اخوانك سهرانين أتفقي انت واخوك ( الافضل ان اخوك يكون الكبير لأنة اذا كان بزر ماراح يثبت الدور
وراح يفشلك اما الكبير يضبط) المهم اطلعي الحوش انت واخوك الكبير حول الساعة 2_3_4 الفجر
انا قمت اطق
الشباك من الحوش في الغرفة الي موجودين فيها وبعدين دخلنا البيت ولاكن شئ صار
جو اخواني الصغار وهم خايفين ويقولون سمعنا احد يطق الشباك وحنا كذبناهم
وبعدها ماقامو يسهرون بعد الساعة 1ونص ))كخخ

بس تعبت ...................
لاتستغربون ان كل هاذي المقالب اسويها
لا واكثر بس هاذا يكفيكم >> الاخت رايحة فيها


يالله كل وحدة ووحده تعلمنا مقلب

واحلى مقلب له تقييم
بااااااااااااااااي >> امك وبوي في مخبااااااااااي

وش ماوية علينا هع ؟!!

اقتباس: المشاركة الأصلية كتبت بواسطة جار القمر    وش ماوية علينا هع ؟!!

مانويت على شي بس توسعون صدوركم في ذا الحر وبسسسسس هههههه
عاد على حسب روقان الي تسوون فيه مقلب مب يجي واحد نفسه في خشمه وتسوون فيه ياويلكم منه

ام حقت الكاسات هذي شي

لوني عندكم بقول وش هالمهبل يشربوووون هواء هههه


شكرا لك على هيك مقالب حلوووه..

وااااي يآأمورة تمير كل هذي مقالب لو أنا وأنتي نتجمع كان يصير كارثة يمكن أنا عاد راعية مقالب ومزح ثقيل أنا أقولك أحد ها المقالب
بسم الله
أول شيء يآحبيبتي واحد من أخواني اللي أصغر مني شوي عمرة 19 كان هو صغير دايم يلعب مع بنات خالي ومع بعض كلهم بنات وكانت في وحدة كدهـ أسمها أفنان نآديها فنو المهم مالكم بطويله كبرنا وكبرت أفنان وألحين كدة بالعمر ذاك اليوم كان أخوي طفشان وصاكه فيه الدنيآ ويشاهد التلفاز المهم أنا كنت أعاني من فراغ كبير والوقت كان الصباح طلع من عندي راح غرفته جلست أكلمه في البي بي وقلت أفنان تسآل عنك وتقول وش أخبارك وش أعلومك قال يوووهـ فنو صارت قديمه وصار التواصل بيننا قليل لأنهم في ديرة وأحنآ في ديرة قال وش خالها تسآل عني قلت والله يأخوي هي طالبه مني أيميلك من سنه تقريبآ وأنا ساحبه عليها وتقول أنها تحبك وتقول مابي شي منه راح نتواصل عن طريق الأيميل والرسايل فقط هو ولد عمتي ومافيها شي المهم هو تشقق من الفرحة وقال خلاص عطيني أيميلها ماعندة وقت كلش عاد أنا وش سويت رحت عطيته أيميلي الثاني أهو مايعرفه طبعآ قلت هي ألحين راحت تختبر أنتظرهـ ألى ماتتطلع ع الساعه 10 تحصله قال خلاص المسكين جلس يندب حظه وينتظره وكانت الساعه عنده مثل السنه وكل شوي يدخل المطبخ يصلح له نسكافيه المهم جت الساعه عشر ودخلت أكلمه ويحسبه بنت خاله مايدري أني أنا المهم في البدايه سلام ثم فتحنا مواقف الطفوله ثم فيه سوال كل شوي يردده علي ليه طلبتي من أختي هالطلب وجلست أتحايل عليه بالكلام وقلت حسيت أنك مضلوم بالعايله وحبيت أوقف معك وبرضو ماقتنع قلت الصراحه أنا أحبك ومن هالكلام وقلت نزلت دمعتي والله قال أجي أمسحه لك وأنا ميته من الضحك أذن الظهر وجلسنا نسولف ونسولف ومن كذبه لكذبه وكله عن الأهل وعن الدراسه وعشمته في الحب ألى الساعه طاقه 2 الظهر أنا مليت طفشت قلت كل يوم كذا خلني أقوله لا يزعل ويأخذ مني موقف المهم قلت له أنت ألحين لابس شورت وتيشيرت برشلونه ومعك بيبسي المهم قال أختي مابقت شي ماقالته لك ثم قلت له مقلبتك يأخوي أختك // ....... !!
المهم طلع من الغرفه ودخل علي وهو ميت من الضحك والخجل وأنا كذلك ميته من الضحك بس مافي خجل وجلسنا نضحك مدة نص ساعه حتى الخدامه تروعت ماتتدري وش فينا
المهم قالي أوريك أردها لك ومن هالكلام

هههههههههه الله يرجك يا لمسه من جد هالموقف قوي بس زين الي قلتي له وعلمتيه ..
بس ماش احس بيكون بينكم مقالب هههههه
بس اهم شي >> رديتها حقت تروعيه الضب..

تبون تعرفون باقي المواقف الثقيلة اللي أسويها مع أهلي وأخواني أبغى عشر تعليقات ع الأقل ع موقف أخوي المسكين

..انا من طبعي ما حب المقالب ..
شكرا لك

اقتباس: المشاركة الأصلية كتبت بواسطة لمسة حنان    تبون تعرفون باقي المواقف الثقيلة اللي أسويها مع أهلي وأخواني أبغى عشر تعليقات ع الأقل ع موقف أخوي المسكين

ما يصلح ارد انا عشر مرات ..

ننتظر باقي مقالبك..

اقتباس: المشاركة الأصلية كتبت بواسطة أبـوحـمـد    ما يصلح ارد انا عشر مرات .. ننتظر باقي مقالبك..

نو نو مايصلح ...