خلوني أروح أوسع خاطـري بـرّا ... في ديرةٍ مابهـا لجـه ولا صجـه

13 / 05 / 2012, 54 : 09 PM

خلوني أروح أوسع خاطـري بـرّا
.....................في ديرةٍ مابهـا لجـه ولا صجـه
ما طبها غير وبـل المزنـة الغـرّا
.....................اللي لصوت الرعد بأطرافهـا لجـه
ضارن على سجة الاقـدام ومضـرّا
.....................ضرتني ظروفي الصعبة على السجه
لقيتني متهـم فـي شـيء ومبـرّا
.....................أختلفوا الناس فيه وجالهـم ضجـه
البوح للناس عنه معيـف ومـورّا
.....................ولاعند معظمهم الا الهرج والدجـه
صدري على السالفة مقفول ومغـرّا
.....................من شان ما أحدٍ عليّ يصير له حجه
ماني من لبوس عزة نفسي معـرّا
.....................ولامشي بها من قدم وأخلاف منفجه
يجتاحني همٍ أكبر من قـرى الحـرّا
.....................عن أٌقرب الناس لي أفضل الهجـه
أسري بطوعه ماني في طوعي مسرّا
.....................مسرى غريبٍ بليل وصادفه عجـه
الحمـد لله بالـسـرّا وبالـضـرّا
.....................كني بريموت غصبٍ عني موجـه

..
للإستمااع ومشاهدة الشيله

هوون
http://www.safeshare.tv/w/YcafmfEckx

13 / 05 / 2012, 14 : 10 PM

البوح للناس عنه معيـف ومـورّا
.....................ولاعند معظمهم الا الهرج والدجـه
صدري على السالفة مقفول ومغـرّا
.....................من شان ما أحدٍ عليّ يصير له حجه

عافاك الله على هالاختيار المميز

14 / 05 / 2012, 32 : 12 AM

قصيده راقت لي جداَ
تسسلم هالآنامل والله
ماننحرمش من روعتك
ودي ووردي لكك..ْ

14 / 05 / 2012, 58 : 12 AM

آبيآت روعه
تسلمين قلبي على آلآنتقآء الجمييل

14 / 05 / 2012, 23 : 01 PM

اقتباس:

المشاركة الأصلية كتبت بواسطة النادر


	البوح للناس عنه معيـف ومـورّا .....................ولاعند معظمهم الا الهرج والدجـه صدري على السالفة مقفول ومغـرّا .....................من شان ما أحدٍ عليّ يصير له حجه عافاك الله على هالاختيار المميز