::: كبسة وبران وجولة في مخيمات أم رقيبة ( أبوناصر ,, أبوراشد ,. ابا الروس ,, مركز الحرف) وأكثر من مائة صورة لأم رقيبة ..

اقتباس: المشاركة الأصلية كتبت بواسطة المتميزة 26    بعيد عن التميز والروعة والأبداع <<<< تعبنا واحنا نقول ما عاد فيه كلمه توفيك حقك يالنشمي لكن ارجو ان تحترم جهلي وتقولي هـ الكائنات وش تطلع من فصيلة الارانب وألا الجرذان و............. !!!

ما عليك زود يا بنت عمه ..!!

أما الفصيلة فقد اختلفت الآراء ...

فقد ذكر مخاوي تمير أنه سبق له أن أطلع على تقرير قديم يجي له أكثر من خمسة عشر سنة .. يذكر بأنها من فصيلة الخنازير ..!!

أما اجتهادي فهي من فصيلة الأرانب وما يمنع تصير من فصيلة الجراذي أهون من الفصيلة اللي فوق ..!!

اقتباس: المشاركة الأصلية كتبت بواسطة لميس    بالله هذي وش تكون آرانب يعني ؟؟! شكلها غريب والله والله تقريرك مرة رووعة الله يونسكم باآآلعافيه ماننحرم من تقاآآريرك الراآئعة آحتراآآمي لكم

يازين الآرانب عندها ..
على الأقل الأرنب شكله مقبول ... أما هذي فلا صارت أرنب ولا جت قطو .. حتى مشيتها كنها مشيت دعلج ... يعني ما فيه شيء صاحي ..

عافاك ربي على الحضور ولاهنتِ ..

مآشآء الله نتعب وحنآ نقول مبدع
من أجمل التقآرير..الله يزيدك ولآ يضرك ..




يآصبرك انت والمتحد تآركين مخاوي وأبو مشعل يقطعون معكم شكلهم أول مره يمسكون لحم وبر ..
كني اشوفكم على نآر ودكم تخلصون بسرعه هع
والخآمس اللي معكم وينه مآله دور !!!
سلمتْ هـ الأيآدي على التصوير .. والله يجمعكم على طاعته ,,

اقتباس: المشاركة الأصلية كتبت بواسطة الراقيه    مآشآء الله نتعب وحنآ نقول مبدع من أجمل التقآرير..الله يزيدك ولآ يضرك .. يآصبرك انت والمتحد تآركين مخاوي وأبو مشعل يقطعون معكم شكلهم أول مره يمسكون لحم وبر .. كني اشوفكم على نآر ودكم تخلصون بسرعه هع والخآمس اللي معكم وينه مآله دور !!! سلمتْ هـ الأيآدي على التصوير .. والله يجمعكم على طاعته ,,

شكراً لك ولحضورك الطيب ..

وش نسوي نبي نعودهم على البر وعلى أكل ما يحتويه ..!!

على نار .. اللهم من الشيء .. باغين نحط رز سادة .. أشغلونا بعض الناس وخروا شعره والوبر اللي فيه .. بغوا ما يأكلون حتى الرز ...

أما الخامس فيالله خليناه يصور جهتنا وشرط شرط أنه ما يشوف الوبر وهو مسلوخ ... يرحم .. احساسه قوي .. وكل شوي يقول أنا ما أكل الضب .. ما أدري وش دخل الضب في الوبر...

تسلم على التقرير الاكثر من رائع

رحله ممتعه وتقرير جميل

سلمتم من ككل مكرووووه

ايه يالمهند ماخذ راحتك قاعد تعلق علينا انا ومخاوي تمير والموادع
والله ننرحم من مشينا وهم يهددونا يقولون مافيه الا وبر تبي او مت جوع
حتى الفطور ما خلوني اكمله مغير خارشين البوري عند الباب وما افطرت
مخاوي تمير ينغز فيني يقول قل لهم نبي لحم وعلى حسابي قلت هذولاء ما يقنعهم شي خاصه المتحد
بس تبون الجد طعمه زين ودي انهم مكثرين منه ويبي لنا طلعه نكمل الوبر الباقي يالمتحد
خخخخ الموادع ما كله عجزنا نقنع فيه ويقول مابيه باكل رز بس

وعلى فكره ترى مخاوي تمير لا زال يحتاج منقاش ( خاص لاهل الرحله) خخخخخخ

تقرير جميل جدا
وطلعه راااائعه جدا استمتعنا فيها كثيرا بوجود الحلوين
وسلمت اناملك اخوي المهند على هالموضوع
وما قصرت

تقرير ابدعت بإخرآجه
كل الشكر لك ولمتحد ومخاوي وابومشعل الي كملت معكم الوناسه
والله ذاك اليوم تمنيت ان معي لحم عشان اتغدى حرمت نفسي من الغداء
تجوعت للعشاء هع حرمتوني من غداء الخميس انتم جالسين تدقون بالغداء وانا اجامل
واتغصب حتى الرز مادخل مزاجي ذا الوبر والمهند لك الحق تعلق على الصور التقرير باسمك
وابومشعل متوهق بينكم انت ومخاوي مغير نغز ولمز ووووو الكنود بينا مبين كل شي خع
الله من الفضايح لو نبي نحسي بكشتة الخميس بس خلوها مستوره
واشكر الحبيش وابوراشد على استقبالهم لنا بمخيمهم وضايفتهم لنا

اقتباس: المشاركة الأصلية كتبت بواسطة أبو تميم الفيصل    تسلم على التقرير الاكثر من رائع

سلمت ولا هنت يا أبو تميم ...

دمت متواجداً مبدعا ..

اقتباس: المشاركة الأصلية كتبت بواسطة المستشــــار    رحله ممتعه وتقرير جميل سلمتم من ككل مكرووووه

سلمت ولاهنت يالمستشار .. شاكر لك هذا الحضور ..